________________
५. पासनाहतित्थे राई-आईणं कहाणगाणि
राईकहाणगे राईदेवीए नटुं २०९ तेणं कालेणं तेणं समएणं रायगिहे नयरे गुणसिलए चेइए। सामी समोसढे। परिसा निग्गया-जाव-पज्जुवासइ । __ तेणं कालेणं तेणं समएणं राई देवी चमरचंचाए रायहाणीए एवं जहा काली तहेव आगया, नट्टविहि उवदंसित्ता पडिगया।
राईदेवीए पुन्वभवो २१० भंते ! ति भगवं गोयमे समणं भगवं महावीरं वंदइ नमसइ, वंदित्ता नमंसित्ता पुन्वभवपुच्छा।
गोयमा ! ति समणे भगवं महावीरे भगवं गोयमं आमतेत्ता एवं वयासी-"एवं खलु गोयमा! तेणं कालेणं तेणं समएणं आमलकप्पा नयरी अंबसालवणे चेइए। जियसत्तू राया। राई गाहावई। राइसिरी भारिया। राई दारिया। पासस्स समोसरणं। राई दारिया जहेब काली तहेव निक्खता। तए णं सा राई अज्जा जाया। तए णं सा राई अउजा पुष्फचूलाए अज्जाए अंतिए सामाइयमाइयाई एक्कारस अंगाई अहिज्जइ। तए णं सा राइ अज्जा अण्णया कयाइ सरीरबाउसिया जाया या वि होत्या। तए णं सा राई अज्जा पासस्था तस्स ठाणस्स अणालोइयपडिक्कंता कालमासे कालं किच्चा चमरचंचाए रायहाणीए रायडिसए भवणे उववायसभाए देवसयणिज्जंसि देवदूसंतरिया अंगुलस्स असंखेज्जाए भागमेत्ताए ओगाहणाए राईदेवित्ताए उववण्णा-जावअंतं काहिइ॥
णाया० सु० २ व० १ अ० २। रयणीकहाणगं २११
रायगिहे नयरे। गुणसिलए चेइए। सामी समोसढे । तेणं कालेणं तेणं समएणं रयणी देवी चमरचंचाए रायहाणीए । आगया । भंते ! ति भगवं गोयमे समणं भगवं महावीरं वंदइ नमसइ, वंदित्ता नमंसित्ता पुत्वभवपुच्छा। गोयमा ! ति समणे भगवं महावीरे भगवं गोयमं आमंतेत्ता एवं क्यासी-एवं खलु गोयमा! तेणं कालेणं तेणं समएणं आमलकप्पा नयरी अंबसालवणे चेइए। जियसतू राया। रयणे गाहावई। रयणसिरी भारिया। रयणी दारिया। सेसं तहेव-जावअंतं काहिइ॥
णाया० सु. २ ० १ ग० ३। विज्जूकहाणगं २१२ एवं विज्जू वि-आमलकप्पा नयरी। विज्जू गाहावई। विज्जूसिरी भारिया। विज्जू दारिया। सेसं तहेव ॥
णाया० सु० २ व० १ ० ४ । महाकहाणगं २१३ एवं मेहा वि--आमलकप्पाए नयरीए मेहे गाहावई। मेहसिरी भारिया। मेहा दारिया । सेसं तहेव ।
णाया० सु० २ ० १ अ० ५। सुंभाकहाणयं २१४ तेणं कालेणं तेणं समएणं रायगिहे नवरे। गुणसिलए चेइए। सामी समोसढे। परिसा निगया-जाव-पज्जवासइ ।
Jain Education International
For Private & Personal Use Only
www.jainelibrary.org
