Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 469

२१४
धम्मकहाणुओगे तईओ खंधो
अमच्चपुत्तस्स जम्मुस्सवो कणगज्झयनामकरणं य १७२ तए णं से तैयलिपुत्ते कल्लं कोडुंबियपुरिसे सद्दावेह, सद्दावेत्ता एवं क्यासी-"खिप्पामेव भी देवाणुप्पिया! चारगसोहणं करेह
-जाव-ठिइपडियं रसदेवसियं करेह, कारवेह य, एयमाणत्तियं परचप्पिणह।" तेवि तहेव करेंति, तहेव पच्चप्पिणंति। जम्हा णं अम्हं एस दारए कणगरहस्स रज्जे जाए तं होउ गं दारए नामेणं कणगझए-जाव-अलंभोगसमत्थे जाए।
अमच्चस्स पोट्टिलं पइ विरागो १७३ तए णं सा पोट्टिला अण्णया कयाइ तेयलिपुत्तस्स अणिट्ठा अकंता अप्पिया अमणुण्णा अमणामा जाया यावि होत्था-नेच्छइ गं
तेयलिपुत्ते पोट्टिलाए नामगोयमवि सवणयाए, किं पुण सणं वा परिभोगं वा? तए णं तीसे पोट्टिलाए अण्णया कयाइ पुन्वरत्तावरत्तकालसमयंसि इमेयारूवे अज्झथिए चितिए पत्थिए मणोगए संकप्पे समुप्पउिजत्था--"एवं खलु अहं तेयलिपुत्तस्स पुब्धि इट्ठा कंता पिया मणुण्णा मणामा आसि, इयाणि अणिट्ठा अकंता अप्पिया अमणुण्णा अमणामा जाया। नेच्छइ णं तेयलिपुत्ते मम नाम गोयमवि सवणयाए, कि पुण दंसणं वा परिभोगं वा ?" (ति कट्ट?) ओहयमणसंकप्पा फरतलपल्हत्थमुही अट्टज्माणोवगया झियायइ ।।
पोट्टिलाए दाणसालाकरणं १७४ तए णं तेयलिपुत्ते पोट्टिलं ओहयणसंकप्पं करतलपल्हत्थमुहि अट्टज्माणोवगयं झियायमाणि पासइ, पासित्ता एवं क्यासी-“मा गं
तुम देवाणुप्पिए! ओहयमणसंकप्पा करतलपल्हत्यमुही अट्टज्माणोवगया झियाहि। तुमं णं मम महाणसंसि विपुलं असण-पाणखाइम-साइमं उक्खडावेहि, उवक्खडावेत्ता बहूणं समण-माहण-अतिहि-किवण-वणीमगाणं देयमाणी य दवावेमाणी य विहराहि।" तए णं सा पोट्टिला तेयलिपुत्तेणं अमच्चेणं एवं वुत्ता समाणी हट्ठ तुट्ठा तेयलिपुत्तरस एयमद्वं पडिसुणेइ, पडिसुणेत्ता कल्लाकल्लि महाणसंसि विपुलं असणपाण-खाइम-साइमं उवक्खडावेइ, उवक्खडावेत्ता बहूणं समण-माहण-अतिहि किवण-वणीमगाणं देयमाणी य पवावेमाणी य विहरइ ॥
अज्जा-संघाडगस्स भिक्खायरियाए आगमणं १७५ तेणं कालेणं तेणं समएणं सुव्वयाओ नाम अज्जाओ इरियासमियाओ-जाव-गुत्तबंभचारिणीओ बहुस्सुयाओ बहुपरिवाराओ पुष्वाणु
पुचि चरमाणीओ जणामेव तेयलिपुरे नयरे तेणेव उवागच्छंति, उवागच्छित्ता अहापडिरूवं ओग्गहं ओगिण्हंति, ओगिण्हित्ता संजमेणं तवसा अप्पाणं भावेमाणीओ विहरंति । तए णं तासि सुव्वयाणं अज्जाणं एगे संघाडए पढमाए पोरिसीए समाय-जाव-करेइ । अडमाणीओ तेयलिस्स गिहं अणुपक्ट्ठिाओ ॥
पोट्टिलाए अमच्चपसायोवाय-पुच्छा १७६ तए णं सा पोट्टिला ताओ अज्जाओ एज्जमाणीओ पासइ, पासित्ता हट्टतुट्ठा आसणाओ अब्भुठेइ, वंदइ नमसइ, वंदित्ता नमंसित्ता
विपुलेणं असण-पाण-खाइम-साइमेणं पडिलाभेइ, पडिलाभेत्ता एवं क्यासी"एवं खलु अहं अज्जाओ! तेयलिपुत्तस्स अमच्चस्स पुन्वि इट्टा-जाव-मणामा आसि, इयाणि अणिट्ठा-जाव-अमणामा जाया। नेच्छा णं तेयलीपुत्ते मम नामगोयमवि सवणयाए, किं पुण दंसणं वा परिभोगं वा? तं तुब्भे गं अज्जाओ बहुनायाओ बहुसिक्खियाओ बहुपढियाओ बहूणि-गामागर-जाव-आहिंडह, बहूणं राईसर-जाव-गिहाई अणुपविसह । तं अत्थि याई भे अज्जाओ ! केइ कहिचि चुण्णजोए वा मंतजोगे वा कम्मणजोए वा हियउड्डावणे वा काउड्डावणे वा आभिओगिए वा वसीकरणे वा कोउवकम्मे वा भूइकम्मे वा मूले वा कंदे वा छल्ली वल्ली सिलिया वा गुलिया वा ओसहे वा भेसज्जे वा उवलद्धपुव्वे, जेणाहं तेयलिपुत्तस्स पुणरवि इट्ठा-जाव-मणामा भवेज्जामि?"
अज्जा-संघाडगेण धम्मोवएसो १७७ तए णं ताओ अजाओ पोट्टिलाए एवं वुत्ताओ समाणीओ दोवि कण्णे ठएंति, ठवेत्ता पोट्टिलं एवं वयासी-“अम्हे णं देवाणुप्पिए !
समणीओ निग्गंथीओ-जाव-गुत्तबंभचारिणीओ। नो खलु कप्पइ अम्हं एयप्पगारं कणेहि वि निसामित्तए, किमंग पुण उवदंसित्तए वा आयरित्तए वा? अम्हे णं तव देवाणुप्पिए! विचित्तं केवलिपण्णत्तं धम्म परिकहिज्जामो॥"