Page Text
________________
अरिटुनेमितित्थे दोवईकहाणयं
२०५
तए णं ते पंच पंडवा पंडुरायं एवं वयासी--"एवं खलु ताओ ! अम्हे अवरकंफाओ पडिनियत्ता लवणसमुदं दोणि जोयणसयसहस्साई वीईवइत्था । तए णं से कण्हे वासुदेवे अम्हे एवं वय इ--च्छह णं तुम्भे देवाणुप्पिया ! गंगं महानइं उत्तरह-जाव-ताव अहं सुट्ठियं लवणाहिवई पासामि, एवं तहेव-जाव-चिट्ठामो। तए णं से कण्हे वासुदेवे सुट्टियं लवणाहिबई बण जेणेव गंगा महानई तेणेव उदागच्छइ तं चेवं सवं नवरं कण्हस्स चिता न बुझइ-जाव-निविसए आणवेइ ॥"
१३५ तए णं से पंडू राया ते पंच पंडवे एवं वयासी--"दुटठु णं पुत्ता! कयं कण्हस्स वासुदेवस्स विप्पियं करेमाणेहिं ।"
तए णं से पंडुराया कोंति देवि सद्दावेइ, सद्दावेत्ता एवं वयासी"गच्छह गं तुम देवाणुप्पिए! बारवई नरिं कण्हस्स बासुदेवस्स एवं निवेएहि-एवं खलु देवाणुप्पिया ! तुमे पंच पंडवा निस्विस्या आणता । तुमं च णं देवाणुप्पिया ! दाहिणभरहस्स सामी। तं संधिसंतु णं देवाणुप्पिया। ते पंच पंडवा कयरं बेसं वा दिसं वा
विदिसंवा गच्छंतु? १३६ तएणं सा कोंती पंडुणा एवं वुत्ता समाणी हस्थिखधं दुरहइ, जहा हेट्ठा-जाव-संदिसंतु णं पिउच्छा! किमागमणपओयणं ?
तएणं सा कोंती देवी कण्हं वासुदेवं एवं क्यासी-एवं खल तुमे पुत्ता! पंचपंडया निव्विसया आणत्ता । तुमं च गं बाहिणड्ढभरहस्स सामी। तं संदिसंतुणं देवाणुप्पिया! ते पंच पंडवा कयरं देसं वा विदिति वा गच्छंतु ?
१३७ तए णं से कण्हे वासुदेवे कोंति देवि एवं वयासी
"अपूइवयणा णं पिउच्छा! उत्तमपुरिसा-वासुदेवा बलदेवा चक्कवट्टी। तं गच्छंतु णं पंच पंडवा पाहिणिल्लं वयालि तत्थ पंडुमहुरं निवसंतु, ममं अधिटुसेवगा भवंतु" ति कट्ट कोंति देवि सक्कारेइ सम्लाणेइ, सक्कारेत्ता सम्माणेता पडिविसज्जेइ । तए णं सा कोंती देवी जेणेव हत्थिणाउरे नवरे तेणेव उवागच्छइ, उवागच्छित्ता पंडुस्स एयभट्ट निबेएइ । तए णं पंडू राया पंच पंडवे सदावेइ, सद्दावेत्ता एवं वयासी--"गच्छह णं तुम्भे पुत्ता ! दाहिणिल्लं यालि । तत्थ तुम्भे पंडमहरं निवेसेह ॥"
पंडुमहरा-निवेसणं १३८ तए णं ते पंच पंडवा पंडुस्स रण्णो एयम तहत्ति पडिसुर्णेति, पडिसुणेत्ता सबलवाहणा हय-गय-रह-पवरजोहकलियाए चाउरंगिणीए
सेणाए सद्धि संपरिबुडा महयाभड-चडगर-रह-पहकर-विदपरिक्खित्ता हत्थिणाउराओ पडिनिक्खमंति, पडिनिक्खमित्ताजेणेव दविखणिल्ले वेपाली तेणेव उवागच्छति, उवागच्छित्ता पंडमहरं नगरि निवेसंति । तत्थ विणं ते विपुलभोग-समिति-समण्णागया याचि होत्था ।।
पंडुसेणजम्म १३९ तए णं सा दोवई देवी अण्णया कयाइ आवण्णसत्ता जाया यावि होत्था।
तए णं सा दोवई देवी नवण्हं मासाणं बहुपडिपुण्णाणं-जाव-सुरुवं दारगं पयाया-सूमालकोमलयं गयतालुयसमाणं । तए णं तस्स णं दारगस्स निव्वत्तबारसाहस्स अम्मापियरो इमं एयारूवं गोण्णं गुणनिष्फण्णं नामधेज करैंति जम्हा णं अम्हं एस दारए पंचण्हं पंडवाणं पुत्ते दोवइए देवीए अत्तए, तं होउ णं इमस्स णं दारगस्स नामधेज्ज 'पंडसेणे-पंडुसेणे'। तए णं तस्स दारगस्स अम्मापियरो नामधेज्जं करेंति पंडुसेणत्ति। तए णं तं पंडुसेणं दारयं अम्मापियरो साइरेगट्ठवासजायगं चेव सोहणंसि तिहि-करण-मुहत्तंसि कलायरियस्स उवणेति । तए णं से कलायरिए पंडुसेणं कुमारं लेहाइयाओ गणियप्पहाणाओ सणस्य-पज्जवसाणाओ बावरि कलाओ मुत्तओ य अत्थओ य करणओ य सेहावेइ सिक्खावेइ-जाव-अलंभोगसमत्थे जाए। जुवराया-जाव-विहरइ॥
१४०
पंडवाणं दोवईए य पव्वज्जा तेणं कालेणं तेणं समएणं थेरा समोसना । परिसा निग्गया। पंडवा निग्गया। धम्म सोच्चा एवं वयासी-जं नवरदेवाणप्पिया ! दोवइं देवि आपुच्छामो। पंडुसेणं च कुमार रज्जे ठाबेमो । तओ पच्छा देवाणुप्पियाणं अंतिए मुंडे भविसा णं अगाराओ अणगारियं पन्वयामो। अहासुहं देवाणुप्पिया!
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |