Page Text
________________
अरिटुनेमितित्थे दोवईकहाणयं
२०१
पउमनाभस्स पंडहिं जुद्धं ११२ तए णं से पउमनाभे बलवाउयं सद्दावेइ, सद्दावेत्ता एवं वयासी-"खिप्पामेव भो देवाणुप्पिया! आभिसेक्कं हत्थिरयणं पडिकप्पेह।"
तयाणंतरं च णं छेयायरिय-उवदेस-मइ-कप्पणा-विकप्पेहि सुणिउणेहिं उज्जल-णेवत्थि-हत्य-परिवत्थियं सुसज्ज-जाव-आभिसेक्कं हत्थिरयणं पडिकप्पेइ, पडिकप्पेत्ता उवणेति ॥ तए णं से पउमनाहे सण्णद्ध-बद्ध-वम्मिय-कवए -जाव-आभिसेक्कं हत्थिरयणं दुरुहइ, दुरुहिता हय-गय-रह-पवरजोहकलियाए चाउ
रंगिणीए सेगाए सद्धि संपरिवडे महयाभड-चडगर-रह-पहकर-विदपरिक्खित्ते जेणेव कण्हे वासुदेवे तेणेव पहारेत्थ गमणाए। ११३ तए णं से कण्हे वासुदेवे पउमनाभं रायं एज्जमाणं पासइ, पासित्ता ते पंच पंडवे एवं वयासी--हंभो दारगा! किण्णं तुन्भे
पउमनाभेणं सद्धि जुज्झिहिह उदाहु पेच्छिहिह ? तए णं ते पंच पंडवा कम्हं वासुदेवं एवं वयासी--अम्हे गं सामी ! जुमामो, तुब्भे पेच्छह ॥ तए णं ते पंच पंडवा सण्णद्ध-बद्ध-वम्मिय-कवया-जाव-पहरणा रहे दुरुहंति, दुरुहित्ता जेणेव पउमनाभे राया तेणेव उवागच्छंति, उवागच्छित्ता एवं वयासी--अम्हे वा, पउमनामे वा राय ति कट्ट पउमनाभेणं सद्धि संपलग्गा यावि होत्था ॥
पंडवाणं पराजओ ११४ तए णं से पउमनाभे राया ते पंच पंडवे खिप्पामेव हय-महिय-पवर-वीर-धाइय-विवडियचिध-धय-पडागे किच्छोवगयपाणे दिसोदिसि
पडिसेहेइ। तए णं ते पंच पंडवा पउमनाभेणं रण्णा हय-महिय-पवर-वीर-घाइय-विवडिय-चिंध-धय-पडागा किच्छोवगयपाणा दिसोदिसि पडिसेहिया समाणा अत्थामा अबला अवीरिया अपुरिसक्कारपरक्कमा अधारणिज्जमिति कटु जेणेव कण्हे वासुदेवे तेणेव उवागच्छंति ॥
कण्हेण पराजय-हेउ-कहणपुव्वं जुज्झं ११५ तए णं से कण्हे वासुदेवे ते पंच-पंडवे एवं वयासी--कहणं तुब्भ देवाणुप्पिया! पउमनाभेणं रण्णा सद्धि संपलग्गा?
तए णं ते पंच पंडवा कण्हं वासुदेवं एवं वयासी--"एवं खलु देवाणुप्पिया! अम्हे तुहिं अब्भणुग्णाया समाणा सण्णद्ध-बद्धवम्मिय-कवया-जाव-रहे दुरुहामो, दुरुहेत्ता जेणेव पउमनाभे तेणेव उवागच्छामो, उवागच्छित्ता एवं वयामो--अम्हे वा पउमनाभे वा रायत्ति कटु पउमनाभेणं सद्धि संपलग्गा। तए णं से पउमनाभे राया अम्हं खिप्पामेव हय-महिय-पवरवीर-घाइय-विवडियचिध
धय-पडागे किच्छोवगवपाणे दिसोदिसि पडिसेहेइ॥ 1१६ तए णं से कण्हे वासुदेवे ते पंच पंडवे एवं वधासी--"जइ णं तुब्भे देवाणुप्पिया! एवं वयंता-अम्हे, णो पउमनाभे रायत्ति
कट्ट पउमनाभेणं सद्धि संपलग्गंता तो णं तुब्भे नो पउमनाभे हय-महिय-पवर-वीर-घाइय-विवडयचिध-धय-पडागे किच्छोवगयपाणे दिसोदिसि पडिसेहित्था। तं पेच्छह णं तुभे देवाणुप्पिया! अहं, णो पउमनाभे रायत्ति कटटु पउमनाभेणं रण्णा सद्धि जुज्झामि।" त्ति रहं दुरुहइ, दुरुहिता जेणेव पउमनाभे राया तेणेव उवागच्छइ, उवागच्छित्ता सेयं गोखीरहार-धवलं तणसोल्लिय-सिंदुवार. कुंदेंदु-सण्णिगासं निययस्स बलस्स हरिस-जणणं रिउसेण्ण-विणासणकरं पंचजणं संख परामुसइ, परामुसित्ता मुहवायपूरियं करेइ। तए णं तस्स पउमनाभस्स तेणं संखसद्देणं बल-तिभाए हय-महिय-पवरवीर-घाइय-विवडियचिंध-धय-पडागे किच्छोवगयपाणे दिसो
दिसि पडिसेहिए। ११७ तए णं से कण्हे वासुदेवे--
अइरुग्णयबालचन्द-इंदधणु-सण्णिगास, वरमहिस-दरिय-दप्पिय-दढघसिंगग्गरइयसारं, उरगवर-पवरगवल-पवरपरहुय-भमरकुल-नीलि-निद्ध-धंत-धोय-पट्टे, निउणोविय-मिसिमिसिंत-मणिरयण-घंटियाजालपरिक्खित्तं, तडितरुणकिरण-तवणिज्जबचिधं, दद्दरमलयगिरिसिहर-केसरचामरवाल-अद्धचंदचिधं, काल-हरिय-रत्त-पीय-सुक्किल-बहुण्हारुणि-संपिणद्धजीवं, जीवियंतकरं धणु परामुसइ, परामुसित्ता धणुं पूरेइ, पूरेत्ता धणुसदं करोइ।
घ००--२६
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |