Page Text
________________
अरिष्टनेमितित्थे दोवईकहाणयं
१९७
९३ तए णं से पुव्वसंगइए देवे पउमनाभं एवं वयासी--
"नो खलु देवाणुप्पिया। एवं भूयं वा भव्वं वा भविस्सं वा जण्णं दोवई देवी पंच पंडवे मोत्तुणं अण्णणं पुरिसेणं सद्धि उरालाई माणुस्सगाई भोगभोगाइं भुजमाणी विहरिस्तइ। तहा वि य णं अहं तव पियट्टयाए दोवई देवि इहं हव्वमाणेमि" ति कटु पउमनाभं आपुच्छइ, आपुच्छित्ता ताए उक्किट्ठाए-जाव-देवगईए लवणसमुई मज्झमज्झेणं जेणेव हत्थिणाउरे नवरे तेणेव पहारेत्थ गमणाए। तेणं कालेणं तेणं समएणं हस्थिणाउरे नवरे जुहिटिल्ले राया दोवईए देवीए सद्धि उप्पि आगासतलगंसि सुहप्पसुत्ते यावि होत्था। तए णं से पुव्वसंगइए देवे जेणेव जुहिडिल्ले राया जेणेव दोवई देवी तेणेव उवागच्छइ, उवागच्छित्ता दोवईए देवीए ओसोणि दलयइ, दलइत्ता दोवई देवि गिण्हद, गिण्हिता ताए उक्किट्ठाए-जाव-देवाईए जेणेव अवरकंका जेणेव पउमनाभस्स भवणे तेणेव उवागच्छद, उवागच्छित्ता पउमनाभस्स भवणंसि असोगवणियाए दोवई देवि ठावेइ, ठावेत्ता ओसोवणि अवहरइ, अवहरिता जेणेव पउमनाभे तेणेव उवागच्छइ, उवागच्छित्ता एवं वयासी"एस णं देवाणुप्पिया! मए हथिणाउराओ दोवई देवी इहं हव्वमाणीया तव असोगवणियाए चिट्ठइ । अओ परं तुम जाणसि" त्ति कट्ट जामेव दिसि पाउन्भूए तामेव दिसि पडिगए।
दोवईए चिता २५ तए णं सा दोवई देवी तओ मुहत्तंतरस्त पडिबुद्धा समाणी तं भवणं असोगवणियं च अपच्चभिजाणमाणी एवं बयासी
"नो खलु अम्हं एसे सए भवणे, नो खलु एसा अम्हं सगा असोगवणिया। तं न मज्जइ णं अहं केणइ देवेण वा दाणवेण वा किण्णरेण वा किंपुरिसेण वा महोरगेण वा गंधब्वेण वा अण्णस्स रण्णो असोगवणियं साहरिय" त्ति कट्ट ओहयमणसंकप्पा करतलपल्हत्थमुही अट्टज्झाणोवगया झियायइ ।
पउमनाभण आसासणं ९६ तए णं से पउमनाभे राया हाए-जाव-सव्वालंकारविभूसिए अंतेउर-परियाल-संपरिबुडे जेणेव असोगवणिया जेणेव दोवई देवी
तेणेव उवागच्छइ, उवागच्छित्ता दोवई देवि ओहयमणसंकप्पं करतलपल्हत्थमुहि अट्टज्माणोवग झिगायनाणि पातइ, पासित्ता एवं वयासी"किन्नं तुम देवाणुप्पिए ! ओहयमणसंकप्पा करतलपल्हत्यमुही अट्टरमाणोवगया झियाहि ? एवं खलु तुम देवाणुप्पिए ! मम पुव्वसंगइएणं देवेणं जंबुद्दोवाओ दोवाओ भारहाओ वासाओ हत्थिणाउराओ नपराओ जुहिट्ठिलस्स रणो भवणाओ साहरिया। तं मा णं तुमं देवाणुप्पिया! ओहयमणसंकप्पा करतलपल्हत्थमुही अट्टज्माणोवगया झियाहि । तुम णं मए सद्धि विपुलाई भोगभोगाई
भुंजमाणी विहराहि ॥" ९७ तए णं सा दोवई देवी पउमनाभं एवं वयासी--
"एवं खलु देवाणुप्पिया! जंबुद्दीवे दीवे भारहे वासे बारवईए नयरीए कण्हे नाम वासुदेवे मम पियभाउए परिवसइ। तं जइ णं से छण्हं मासाणं मम कूवं नो हब्वमागच्छइ, तए णं अहं देवाणुप्पिया! जं तुमं वदसि तस्स आणा-ओवाय-वरणनिद्देसे चिट्ठिस्सामि। तए णं से पउमनाभे दोवईए देवीए एयमट्ठ पडिसुणेइ पडिसुणेत्ता दोवई देवि कण्णतेउरे उवेइ । तए णं सा दोवई देवी छठंछठेणं अणिक्खित्तेणं आयंबिल-परिग्गहिएणं तवो-कम्मेणं अपाणं भावमाणी विहरइ ।।
जुहिट्ठिलेण पंडुरायं पइ दोवईअवहरणनिरूवणं ९८ तए णं से जुहिट्ठिल्ले राया तओ मुहुत्तंतरस्स पडिबुद्ध समाणे दोवई देवि पासे अपासमाणे सयणिउजाओ उठेइ, उद्वैत्ता दोवईए
देवीए सव्वओ समंता मग्गणगवेसणं करेइ, करेत्ता दोवईए देवीए कत्थइ सुई वा खुइं वा पत्ति वा अलभमाणे जेणेव पंडू राया तेणेव उवागच्छइ, उवागच्छित्ता पंडु रायं एवं वयासी-- "एवं खलु ताओ ! मम आगासतलगंसि सुहपसुत्तस्स पासाओ दोवई देवी न नज्जइ केणइ देवेण वा दाणवेण वा किण्णरेण वा किंपुरिसेण वा महोरगेण वा गंधव्वेण वा हिया वा नीया वा अवक्खित्ता वा। तं इच्छामि णं ताओ! दोवईए देवीए सव्वओ समंता मग्गण-गवेसणं करित्तए ।" तए णं से पंडु राया कोडंबियपुरिसे सद्दावेइ, सद्दावेत्ता एवं वयासी
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |