Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 453

१९८
धम्मकहाणुओगे तईओ खंधी
"गच्छह णं तुब्भे देवाणुप्पिया! हथिणाउरे नयरे सिंघाडग-तिग-चउक्क-चच्चर-चउम्मुह-महापहपहेसु महया-महया सद्देणं उग्घोसेमाणा उग्घोसेनाणा एवं वयह--एवं खल देवाणुप्पिया! जुहिट्ठिलस्स रण्णो आगासतलगंसि सुहपसुत्तस्स पासाओ दोवई देवी न नज्जइ केणइ देवेण वा दाणवेण वा किण्णरेण वा किंपुरिसेण वा महोरगेण वा गंधव्वेण वा हिया वा नीया वा अवविखत्ता वा। तं जो णं देवाणुप्पिया! दोवईए देवीए सुई वा खुई वा पति वा परिकहेइ, तस्स णं पंडू राया विउलं अत्थसंपयाणं वलयइ ति कट्ट घोसणं घोसावेह, घोसावेत्ता एयमाणत्तियं पच्चप्पिणह ॥" तए णं ते कोडंबियपुरिसा-जाव-पच्चप्पिणंति ॥
पंडुरायपेसियाए कोंतीए कण्हं पइ दोबइअन्नेसणथनिरूवणं ९९ तए णं से पंडू राया दोवईए देवीए कत्यइ सुई वा खुई वा पत्ति वा अलभमाणे कोंति देवि सद्दावेइ, सद्दावेत्ता एवं वयासी
"गच्छह णं तुम देवाणु प्पिए ! बारवई नार कण्हस्स वासुदेवस्स एयमढें निवेदेहि--कण्हे णं वासुदेवे दोवईए मग्गण-गवेसणं करेज्जा, अग्णहा न नज्जइ दोवईए देवीए सुई वा खुई वा पवत्ती वा॥ तए णं सा कोंती देवी पंडुणा एवं वुत्ता समाणी-जाव-पडिसुणेइ, पडिसुणेत्ता ण्हाया कयबलिकम्मा हत्थिखंधवरगया हथिणारं नयरं मझमझेगं निगच्छ, निगच्छिता कुरुजणवयस्म मझमज्झेणं जेणेव सुरट्ठाजणवए जेणेव बारवई नयरी जेणेव अग्गज्जाणे तेणेव उवागच्छद्द, उवागच्छित्ता हत्थिखंधाओ पच्चोरुहइ, पच्चोरुहित्ता कोडुबियपुरिसे सद्दावेइ, सद्दावेत्ता एवं वयासी-- "गच्छह गं तुम्भे देवाणुप्पिया! बारवई नयरिं, जेणेव कण्हस्स वासुदेवस्स गिहे तेणेव अणुपविसह, अणुपविसित्ता कण्हं वासुदेवं करयलपरिग्गहियं दसणहं सिरसावत्तं मत्थए अंजलि कटु एवं वयह--एवं खलु सामी ! तुम्भं पिउच्छा कोंती देवी हत्थिणाउराओ नयराओ इहं हव्वमागया तुम्भ बसणं कंखइ॥" तए णं ते कोडुंबियपुरिसा-जाव-कहेंति। तए णं कण्हे वासुदेवे कोडुंबियपुरिसाणं अंतिए एयमढे सोच्चा निसम्म हट्ठतुलै हत्थिखंधवरगए बारवईए नयरीए मझमझेणं जेणेव कोंती देवी तेणेव उवागमछइ, उवागच्छित्ता हत्थिखंधाओ पच्चोरुहइ, पच्चोरहित्ता कोंतीए देवीए पायग्गहणं करेइ, करेत्ता कोंतीए देवीए सद्धि हत्थिखधं दुरुहइ, दुरुहित्ता बारवईए नयरीए मझमझेणं जेणेव सए गिहे तेणेव उवागच्छइ, उवागच्छित्ता
सयं गिहं अणुप्पविसइ ॥ १०१ तए णं से कण्हे वासुदेव कोंति देवि व्हायं कयबलिकम्म जिमियभुत्तुत्तरागयं वि य णं समाणि आयंतं चोक्खं परमसुइभूयं
सुहासणवरगयं एवं बयासी-- संघिसउ णं पिउच्छा! किमागमगपओयणं? तए णं सा कोंती देवी कण्हं वासुदेवं एवं वयासी-एवं खलु पुत्ता! हत्थिणाउरे नयरे जुहिट्ठिलस्स रण्णो आगासतलए सुहप्पसुत्तस्स पासाओ दोवई देवी न नज्जइ केणइ अवहिया निया अवक्खित्ता वा। तं इच्छामि णं पुत्ता! दोवईए देवीए सव्वओ समंता मग्गण-गवेसणं कयं। तए णं से कण्हे वासुदेवे कोंति पिउच्छ एवं वयासी-"जं मवरं-पिउच्छा! दोवईए देवीए कत्थइ सुई वा खुई वा पत्ति वा लभामि, तो णं अहं पायालाओ वा भवगाओ वा अद्धभरहाओ वा समंतओ दोवई देवि साहत्थि उवणेमि" त्ति कट्ट कोंति पिउच्छ सरकारेइ सम्मागेइ, सक्कारता सम्माणेत्ता पडिविसज्जेइ । तए णं सा कोंती देवी कण्हेणं वासुदेवेणं पडिविसज्जिया समाणी जामेव दिसि पाउन्भूया तामेव दिसि पडिगया।
कण्हस्स दोवईगवसणाएसो १०२ तए णं से कण्हे वासुदेवे कोकुंबियपुरिसे सदाबेइ. सदावेत्ता एवं वयासी--
"गच्छह गं तुभ देवाणुप्पिया! बारवईए नयरीए सिंघाडग-तिग-चउक्क-चच्चर-चउम्मह-महापहपहेसु महया-महया सद्देणं उग्धोसेमागा-उग्धो सेनागा एवं वयह-एवं खलु देवाणुप्पिया! जहिट्ठिलस्स रणो आगासतलगंसि सुहपसुत्तस्स पासाओ दोवई देवी न नजइ केणइ देवेण वा दाणवेण वा किगरेण वा किंपुरिसेण वा महोरगेण वा गंधब्वेण वा हिया वा निया वा अवक्खित्ता वा। तं जो णं देवाणुप्पिया! दोवईए देवीए सुई वा खुई वा पत्ति वा परिकहेइ, तस्स णं कण्हे वासुदेवे विउलं अत्थसंपयाणं इलयइ त्ति कटु घोसणं घोलावेह, घोसावेत्ता एयमाणत्तियं पच्चप्पिणह।" तए णं ते को डुंबियपुरिसा-जाव-पच्चप्पिणंति । तए णं से कण्हे वासुदेवे अण्णया अंतोअंतेउरगए ओरोह-संपरिबुडे सीहासणवरगए विहरइ॥