Page Text
________________
१८८
धम्मकहाणुओगे तईओ खंधो
अमणामा भवामि । तं सेयं खलु ममं गोवालियाणं अज्जाणं अंतिए पव्वइत्तए"--एवं संपेहेइ, संपेहेत्ता कल्लं पाउप्पभायाए रयणीएजाव-उट्रियम्मि सूरे सहस्सरस्सिम्मि दिणयरे तेयसा जलंते जेणेव सागरदत्ते तेणेव उवागच्छइ, उवागच्छित्ता करयलपरिग्गहियं सिरसावतं मत्थए अंजलि कटु एवं क्यासी-- "एवं खलु देवाणुप्पिया ! मए गोवालियाणं अजाणं अंतिए धम्मे निसंते, से वि य मे धम्मे इच्छिए पडिच्छिए अभिरुइए। तं इच्छामि गं तुहं अम्मणुण्णाया पव्वइत्तए-जाव-गोवालियाणं अज्जाणं अंतिए पन्वइया । तए णं सा सूमालिया अज्जा जाया--इरियासमिया-जाव-गुत्तबंभयारिणी बहूहिं चउत्थ-छट्ठट्ठम-दसम-दुवालसेहि मासद्धमासखमणेहि अप्पाणं भावेमाणी विहरइ ॥
सूमालियाए चंपानयरीए बहि आतावणा तए णं सा सूमालिया अज्जा अण्णया कयाइ जेणेव गोवालियाओ अज्जाओ तेणेव उवागच्छइ, उवागच्छित्ता वंदइ नमसइ, वंदित्ता नमंसित्ता एवं पयासी-- "इच्छामि गं अज्जाओ! तुर्भेहिं अल्भणुण्णाया समाणी चंपाए नयरीए बाहिं सुभूमिभागस्स उज्जाणस्स अदूरसामंते छठंछट्टेणं अणिक्खित्तेणं तवोकम्मेणं सूराभिमुही आयावेमाणी विहरित्तए।" तए णं ताओ गोवालियाओ अज्जाओ सूमालियं अज्ज एवं क्यासी-- "अम्हे णं अज्जे! समणीओ निग्गंथीओ इरियासमियाओ-जाव-गुत्तबंभचारिणीओ। नो खलु अम्हं कप्पइ बहिया गामस्स वा-जावसण्णिवेसस्स वा छळंछठेणं अणिक्खित्तेणं तवोकम्मेणं सूराभिमुहीणं आयावेमाणीणं विहरित्तए। कप्पइ णं अम्हं अंतोउवस्सयस्स वइपरिक्खित्तस्स संघाडिबद्धियाए णं समतलपइयाए आयावेत्तए॥" तए णं सा सूमालिया गोवालियाए एयमद्वं नो सद्दहइ नो पत्तियइ नो रोएइ, एयमढें असद्दहमाणी अपत्तियमाणो अरोयमाणी सुभूमिभागस्स उज्जाणस्स अदूरसामंते छठंछद्रेणं अणिक्खित्तेणं तवोकम्मेणं सुराभिमुही आयावेमाणी विहरह। समालियाए गणियाभोगं दण नियाणं तत्थ णं चंपाए ललिया नाम गोट्ठी परिवसह नरवइ-दिन्न-पयारा अम्मापिइ-नियग-निप्पिवासा वेसविहार-कय-निकेया नाणाविहअविणयप्पहाणा अड्ढा-जाव-बहुजणस्स अपरिभूया। तत्थ णं चंपाए देवदत्ता नामं गणिया होत्था--सूमाला जहा अंड-नाए । तए णं तीसे ललियाए गोट्ठीए अण्णया कयाइ पंच गोहिल्लगपुरिसा देवदत्ताए गणियाए सद्धि सुभूमिभागस्स उज्जाणस्स उज्जाणसिरि पच्चणुब्भवमाणा विहरंति।। तत्य गं एगे गोहिल्लगपुरिसे देवदत्तं गणियं उच्छंगे धरेइ, एगे पिट्टओ आयवत्तं धरेइ, एगे पुष्फपूरगं रएइ, एगे पाए रएइ,
एगे चामरुक्खेवं करेइ॥ ५२ तए णं सा सूमालिया अज्जा देवदत्तं गणियं तेहिं पंचहि गोढिल्लपुरिसेहि सद्धि उरालाई माणुस्सगाई भोगभोगाई भुंजमाणि पासइ,
पासित्ता इमेयारूवे संकप्पे समुप्पज्जित्था--अहो णं इमा इत्थिया पुरापोराणाणं सुचिण्णाणं सुपरक्कंताणं कडाणं कल्लाणाणं कम्माणं कल्लाणं फलवित्तिविसेसं पच्चणुब्भवमाणी विहरइ । तं जइ णं केइ इमस्स सुचरियस्स तव-नियमबंभचेरवासस्स कल्लाणे फलवित्तिविसेसे अत्थि, तो णं अहमवि आगमिस्सेणं भवग्गहणणं इमेयारूवाइं उरालाई माणुस्सगाई भोगभोगाई भुंजमाणी विहरिज्जामि त्ति कट्ट नियाणं करेइ, करेत्ता आयावणभूमीओ पच्चोरुभा ॥
५१
सूमालियाए बउसनियंठित्तं तए णं सा सूमालिया अज्जा सरीरबाउसिया जाया यावि होत्या--अभिक्खणं-अभिक्खणं हत्थे धोवेइ, पाए धोवेइ, सीसं धोवेइ, मुहं धोवेइ, थणंतराइं धोवेइ, कक्खंतराइं धोवेइ, गुज्झतराई धोवेइ, जत्थ णं ठाणं वा सेज्जं वा निसीहियं वा चेएइ, तत्थ वि
यणं पुवामेव उदएणं अन्भुक्खेत्ता तओ पच्छा ठाणं वा सेज्जं वा निसीहियं वा चेएइ ॥ ५४ तए थे ताओ गोवालियाओ अज्जाओ सूमालियं अज्जं एवं बयासी--
"एवं खलु अज्जे! अम्हे समणीओ निग्गंथीओ इरियासमियाओ-जाव-बंभचेरधारिणीओ। नो खलु कप्पइ अम्हं सरीरबाउसियाए होत्तए। तुमं च णं अज्जे! सरीरबाउसिया अभिक्खणं-अभिक्खणं हत्थे धोवेसि, पाए धोवेसि, सोसं धोवेसि, मुहं धोवेसि, थणंतराई
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |