Page Text
________________
अरिटुनेमितित्थे बोवई कहाणयं
१८७
तए णं तासि गोवालियाणं अज्जाण एग संघाडए जेणेव गोवालियाओ अज्जाओ तेणेव उवागच्छइ, उवागछित्ता गोवालियाओ अज्जाओ बंदइ नमसइ, वंदित्ता नमंसित्ता एवं वयासी-- "इच्छामो णं तु हि अब्भणुण्णाए चंपाए नयरीए उच्च-नीय-मज्झिमाई कुलाई घरसमुदाणस्स भिक्खायरियाए अडित्तए"। "अहासुहं देवाणुप्पिया! मा पडिबंधं करेहि ।" तए णं ताओ अज्जाओ गोवालियाहिं अज्जाहि अब्भणुण्णायाओ समाणोओ भिक्खायरियं अडमाणोओ सागरदत्तस्स गिह अणुप्पविट्ठाओ।
समालियाए सागरपसायोवाय-पुच्छा ४६ तए णं सूमालिया ताओ अज्जाओ एज्जमाणीओ पासइ, पासित्ता हट्टतुट्ठा आसणाओ अम्भुढेइ, वंदइ नमसइ, वंदित्ता नमंसित्ता
विपुलेणं असण-पाण-खाइम-साइमेणं पडिलाभेइ, पडिलाभेत्ता एवं वयासी-- "एवं खलु अज्जाओ! अहं सागरस्स अणिट्ठा-जाव-अमणामा! नेच्छइ णं सागरए दारए मम नाम गोयमवि सवणयाए, कि पुण दसणं वा परिभोगं वा? जस्स-जस्स वि य णं देज्जामि तस्स-तस्स वि य ण अणिट्ठा-जाव-अमणामा भवामि । तुब्भे य णं अज्जाओ ! बहुनायाओ बहुसिक्खियाओ बहुपढियाओ बहूणि गामागर-णगर-खेड-कब्बड-दोणमुह-मडब-पट्टण-आसम-निगमसंबाह-सण्णिवेसाई आहिंडह, बहूणं राईसर-तलवर-माडंबिय-कोडुबिय-इन्भ-सेट्ठि-सेणावइ-सत्यवाहपभिईणं गिहाई अणुपविसह। तं अत्थि याई भे अज्जाओ! केइ कहिचि चुण्णजोए वा मंतजोगे वा कम्मणजोए व कम्मजोए वा हियउड्डावणे वा काउड्डावणे वा आभिओगिए वा वसीकरणे वा कोउयकम्मे वा भूइकम्मे वा मूले वा कंदे वा छल्ली वल्ली सिलिया वा गुलिया वा ओसहे वा भेसज्जे वा उवलद्धपुग्वे, जेणं अहं सागरस्स दारगस्स इट्ठा कंता-जाव-मणामा भवेज्जामि?"
अज्जा-संघाडगेण धम्मोवएसो ४७ तए णं ताओ अज्जाओ सूमालियाए एवं कुत्ताओ समाणोओ दोवि कण्ण ठएंति, ठएता सूमालियं एवं वयासो--
"अम्हे णं देवाणु प्पिए ! समणीओ निग्गंथीओ-जाव-गुत्तबंभचारिणोओ नो खलु कप्पइ अम्हं एयप्पगारं कण्णेहि वि निसामित्तए, किमंग पुण उवदंसित्तए वा आयरित्तए वा अम्हे णं तव देवाणुप्पिए ! विचित्तं केवलिपण्णत्तं धम्म परिकहिज्जामो।" तए णं सा सूमालिया ताओ अज्जाओ एवं वयासी--"इच्छामि णं अज्जाओ! तुन्भं अंतिए केवलिपण्णत्तं धम्म निसामित्तए।" तए णं ताओ अज्जाओ सूमालियाए विचित्तं केवलिपण्णत्तं धम्म परिकहति ॥
सूमालियाए समणोवासियत्तं ४८ तए णं सा सूमालिया धम्म सोच्चा निसम्म हट्ठा एवं बयासी---
"सहहामि णं अज्जाओ! निग्गंथं पावयणं-जाव-से जहेयं तुब्भे वयह । इच्छामि णं अहं तुम्भं अंतिए पंचाणुव्वइयं सत्त-सिक्खावइयं दुवालसविहं गिहिधम्म पडिज्जित्तए।" "अहासुहं देवाणुप्पिए !" तए णं सा सूमालिया तासि अज्जाणं अंतिए पंचाणुव्वइयं-जाव-गिहिधम्म पडिवज्जइ, ताओ अज्जाओ वंदइ नमसइ, वंदित्ता नमंसित्ता पडिविसज्जेइ॥ तए णं सा सूमालिया समणोवासिया जाया-जाव-समणे निग्गंथे फासुएणं एसणिज्जेणं असण-पाण-खाइम-साइमेणं वत्थ-पडिग्गह-कंबलपायपुंछणणं ओसहभेसज्जेणं पाडिहारिएण य पीढ-फलग-सेज्जा-संथारएणं पडिलाभमाणी विहरइ । सूमालियाए पव्वज्जापडिवज्जणं तए णं तीसे सूनालियाए अण्णया कयाइ पुव्वरत्तावरत्तकालसमयंसि कुडुंबजागरियं जागरमाणीए अयमेयारूवे अज्झथिए-जाव-संकप्पे समुप्पज्जित्था--"एवं खलु अहं सागरस्स पुदिव इट्ठा-जाव-मणामा आसि, इयाणि अणिट्ठा-जाव-अमणामा। नेच्छइ णं सागरए मम नामगोयमवि सवणयाए, किं पुण दंसणं वा परिभोगं वा? जस्स-जस्स वि य णं देज्जामि तस्स-तस्स वि य णं अणिट्रा-जाव
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |