Page Text
________________
अरिटुनेमितित्थे दोवईकहाणयं
१८३
. तस्स गं जिगदतस्स पुते भद्दाए भारियाए अतए सागरए नाम दारए--सुकुमालपाणिपाए-जाव-सुरुवे॥ २३ तए णं से जिणदत्तं सत्यवाहे अण्णया कयाइ सयाओ गिहाओ पडिनिक्खमइ, पडिनिक्खमित्ता सागरदत्तस्स सत्थवाहस्स अदूरसामंतेणं
वीईवयइ । इमं च णं सूमालिया दारिया व्हाया चेडिया-चक्कवाल-संपरिखुडा उप्पि आगासतलगंसि कणग-तिदूसएणं कोलमाणीकोलमाणी विहरइ। तए णं से जिणदते सत्थवाहे सूमालियं दारियं पासइ, पासित्ता सूमालियाए दारियाए रूवे य जोवणे य लावण्णे य जायविम्हए कोडंबिपपुरिसे सद्दावेद, सद्दावेत्ता एवं बयासी-- "एस णं देवाणुप्पिया ! कस्स दारिवा ? किं वा नामधेज्जं से ?" तए णं ते कोडंबियपुरिसा जिणदतेणं सत्यवाहेणं एवं वृत्ता समाणा हट्टतुट्ठा करयलपरिग्गहियं सिरसावत्तं मत्थए अंजलि कटु एवं वयासी-- "एस णं देवाणुप्पिया! सागरदत्तस्स सत्यवाहस्स धूया भद्दाए भारियाए अत्तया सूमालिया नामं दारिया--सुकुमालपाणिपाया
-जाब-रूवेण य जोवणेण य लावण्णेण य उक्किट्ठा ॥" २४ तए णं जिणदत्ते सत्यवाहे तेसि कोडुंबियाणं अंतिए एयमट्ठ सोच्चा जेणेव सए गिहे तेणेव उवागच्छइ, उवागच्छित्ता हाए मित्त
नाइ-परिबुडे चंपाए नयरोए मझमज्ञण जेणेव सागरदत्तस्स गिहे तेणेव उवागए। तए ण से सागरदत्त सत्यवाहे जिणदत्तं सत्यवाहं एज्जमाणं पासइ, पासित्ता आसणाओ अब्भुठेइ, अब्भुठेत्ता आसणेणं उवनिमंतेइ, उवनिमंतेता आसत्यं वोसत्थं सुहासणवरगयं एवं वयासो--"भण देवाणुप्पिया! किमागमणपओयणं?" तए ण से जिणदते सागरदत्तं एवं वधासी--"एवं खलु अहं देवाणुप्पिया ! तव धूयं भद्दाए अत्तियं सूमालियं सागरस्स भारियत्ताए वरेमि । जइ णं जाणह देवाणुप्पिया ! जुत्तं वा पत्तं वा सलाहणिज्जं वा सरिसो वा संजोगो, ता दिज्जउ णं सूमालिया सागरदारगस्स। तए पं देवाणुप्पिया। भण किं दलयामो सुकं सूमालियाए ?" तए णं से सागरदत्ते सत्थवाहे जिणदत्तं सत्थवाहं एवं वयासी-- "एवं खलु देवाणुप्पिया ! सूमालिया दारिया एगा एगजाया इट्ठा-जाव-मणामा-जाव-उंबरपुष्पं व दुल्लहा सवणयाए, किमंग पुण पासणथाए? तं नो खलु अहं इच्छामि सूमालियाए दारियाए खणमवि विप्पओगं। तं जइ णं देवाणुप्पिया ! सागरए दारए मम
घरजामाउए भवइ, तो णं अहं सागरस्स सूमालियं दलयामि ।" २५ तए ण से जिगदते सत्यवाहे सागरदत्तेणं सत्यवाहेणं एवं वुत्ते समाणे जेणेव सए गिहे तेणेव उवागच्छइ, उवागच्छित्ता सागरगं
दारगं सद्दावेइ, सद्दावेत्ता एवं वयासी"एवं खलु पुत्ता ! सागरदत्ते सत्यवाहे ममं एवं वयासी--एवं खलु देवाणुप्पिया ! सूमालिया दारिया-इट्ठा-जाव-मणामा-जावउंबरपुप्फं व दुल्लहा सवणवाए, किमंग पुण पासणयाए? तं नो खलु अहं इच्छामि सूमालियाए दारियाए खणमवि विप्पओगं। तं जइ णं सागरए दारए मम धरजामाउए भवइ, तो गं दलयामि।" तए णं से सागरए दारए जिणदत्तेणं सत्यवाहेणं एवं वुत्ते समाणे तुसिणीए [संचिट्ठइ] ॥ तए णं जिणदत्ते सत्थवाहे अण्णया कयाइ सोहणंसि तिहि-करण-नक्खत्त-महत्तंसि विपुलं असण-पाण-खाइम-साइमं उवक्खडावेइ, उवक्खडावेत्ता मित्तनाइ-नियग-सयण-संबंधि-परियणं आमंतेइ,-जाव-सक्कारेत्ता सम्माणेत्ता सागरं दारगं हायं-जाव-सव्वालंकारविभूसियं करेइ, करेता पुरिससहस्सवाहिणीयं सीयं दुरूहावेइ, मित्त-नाइ-नियग-सयण-संबंधि-परियणेणं सद्धि परिवडे सविड्ढीए सयाओ गिहाओ निग्गच्छइ, निग्गच्छिता चंपं नपरि मसंमज्झेणं जेणेव सागरदत्तस्स गिहे तेणेव उवागच्छइ, उवागच्छित्ता सीयाओ पच्चोरहइ, पच्चोरुहिता सागरगं दारगं सागरदत्तस्स सत्थवाहस्स उवणेइ। तए णं से सागरदत्ते सत्थवाहे विपुलं असण-पाण-खाइम-साइमं उवक्खडावेइ, उवक्खडावेत्ता-जाव-सम्माणेत्ता सागरगं दारगं सूमालियाए दारियाए सद्धि पट्टयं दुरूहावेइ, दुरूहावेत्ता सेयापीएहि कलसेहिं मज्जावेइ, मज्जावेत्ता अग्गिहोमं करावेइ, करावेत्ता सागरगं दारयं सूमालियाए दारियाए पाणि गेण्हावेइ ॥
सागरस्स पलायणं २७ तए णं सागरए सूमालियाए दारियाए इमं एयारूवं पाणिफास पडिसंवेदेइ, से जहानामए--असिपत्ते इ वा करपत्ते इ वा खुरपत्ते
इ वा कलंबचोरिगापत्ते इ वा सत्तिअग्गे इ वा कोतग्गे इ वा तोमरग्गे इ वा भिडिमालग्गे इ वा सूचिकलावए इ वा विच्छ्यडके इ वा कविकच्छू इ वा इंगाले इ वा मुम्मुरे इ वा अच्ची इ वा जाले इ वा अलाए इ वा सुद्धागणी इ वा भवे एयारवे?
२६
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |