Page Text
________________
१६०
धम्मकहाणुओगे दुतीयो खंधो
चिलायस्स दुव्वसण-पवत्ती ६०० तए णं चिलाए दासचेडे साओ गिहाओ निच्छुढे समाणे रायगिहे नयरे सिंघाडग-तिग-चउक्क-चच्चर-चउम्मुह-महापह-पहेसु देवकुलेसु
य सभासु य पवासु य जयखलएसु य वसाधरएसु य पाणघरएसु य सुहंसुहेणं परिवट्टइ। तए णं से चिलाए दासचेडे अणोहट्टिए अणिवारिए सच्छंदमई सइरप्पयारी, मज्जप्पसंगी चोज्जप्पसंगी जयप्पसंगी बेसप्पसंगी परदारप्पसंगी जाए यावि होत्था ॥
रायगिहसमीवे चोरपल्ली तत्थ य विजए चोरसेणावई ६०१ तए णं रायगिहस्स नयरस्स अदूरसामंत दाहिणपुरथिमे दिसीभाए सोहगुहा नाम चोरपल्ली होत्था--विसम-गिरिकडग-कोलंब-सण्णि
बिट्टा बंसीकलंकपागार-परिक्खित्ता छिण्णसेल-विसमप्पवाय-फरिहोवगूढा एगदुवारा अणेगखंडी विदितजण-निग्गमप्पवेसा अधिभतरपाणिया सुदुल्लभजल-पेरंता सुबहुस्स वि कूवियबलस्स आगयस्स दुप्पहंसा यावि होत्था ॥
६०२ तत्थ णं सोहगुहाए चोरपल्लीए विजए नामं चोरसेणाबई परिवसई--अहम्मिए अहम्मि? अहम्मक्खाई अहम्माणुए अहम्मपलोई अह
म्मसीलसमुदायारे अहम्मेण चेव वित्ति कप्पेमाणे बिहरइ । हण-छिद-भिद-वियत्तए लोहियपाणी चंडे रुद्दे खुद्दे साहरिसए उक्कंचणवंचण-माया-नियडि-कवड-कुड-साइ-संपओग-बहले निस्सीले निव्वए निग्गुणे निप्पच्चक्खाणपोसहोववासे बहूणं दुपय-चउप्पय-मियपसु-पक्खि-सरिसिवाणं घायाए वहाए उच्छायणयाए अहम्मके ऊ समुट्टिए बहनगर-निग्गय-जसे सूरे दढप्पहारी साहसिएए सद्दवेही॥ से गं तत्थ सोहगुहाए चोरपल्लीए पंचण्हं चोरसपाणं आहेबच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे विहरइ॥
६०३ तए णं से विजए तक्कर-सेणावई बहूणं चोराण य पारदारियाण य गंठिभेयगाण य संधिच्छेयगाण य खत्तखणगाण य रायाव
गारीण य अणधारगाण य बालघायगाण य वीसंभधायगाण य जयकाराण य खंडरक्खाण य अण्णेसि च बहूणं छिण्ण-भिण्णबाहिराहयाणं कुडंगे यावि होत्था॥
तए णं से विजए चोरसेणावई रायगिहस्स दाहिणपुरथिम जणवयं बहूहि गामघाएहि य नगरघाएहि य गोगणेहि य बंदिग्गहणेहि ... य पंथकुट्टणेहि य खत्तखणणेहि य ओवीलेमाणे-ओवीलेमाणे विद्धंसेमाणे-विद्धंसेमाणे नित्थाणं निद्धणं करेमाणे विहरइ ॥
चिलायस्स चोरपल्ली-गमणं चोरसेणावइणा विजयण चोरियविज्जाए सिक्खा य ६०४ तए णं से चिलाए दासचेडए रायगिहे बहुहिं अत्थाभिसंकोहि य चोज्जाभिसंकीहि य दाराभिसंकोहि य धणिएहि य जूयकरेहि
य परब्भवमाणे-परब्भवमाणे रायगिहाओ नगराओ निग्गच्छइ, निग्गच्छित्ता जेणेव सोहगुहा चोरपल्ली तेणेव उवागच्छइ, उवागच्छित्ता विजयं, चोरसेणावई उवसंपज्जित्ताणं विहरइ ॥ तए णं से चिलाए दासचेडे विजयस्स चोरसेणाबइस्स अग्ग-असिलढिग्गाहे जाए यावि होत्था । जाहे वि य णं से विजए चोरसेणावई गामघायं वा नगरघायं वा गोगहणं वा बंदिग्गहणं वा पंथकोटिं वा काउं वच्चइ ताहे वि य णं से चिलाए दासचेडे सुबहु पि कुवियबलं हय-महियपवरवीरघाइय-विवडियचिध-धय-पडागं किच्छोवगयपाणं दिसोदिसि पडिसेहेइ, पडिसेहेता पुणरवि लद्धठे कयकज्जे अणहसमग्गे सोहगुहं चोरपल्लि हव्वमागच्छइ। तए णं से विजए चोरसेणावई चिलायं तक्कर बहूओ चोरविज्जाओ य चोरमंते य चोरमायाओ य चोरनिगडीओ य सिक्खावे ॥
चोरसेणावइस्स विजयस्स मच्चू ६०५ तए णं से विजए चोरसेणावई अण्णया कयाइ कालधम्मुणा संजुत्ते यावि होत्था॥
तए गं ताई पंचचोरसयाई विजयस्स चोरसेणावइस्स महया-महया इड्ढीसक्कार-समुदएणं नोहरणं करेंति, करेत्ता, बहूई लोइयाई " मयकिच्चाई करेंति, करेत्ता कालेणं विगयसोया जाया यावि होत्था ।।
चिलायस्य चोरसेणावइत्तं ६०६ तए णं ताई पंच चोरसयाई अण्णमण्णं सद्दावति, सद्दावेत्ता एवं वयासी--"एवं खलु अम्हं देवाणुप्पिया! विजए चोरसेणावई
कालधम्मुणा संजुत्ते। अयं च णं चिलाए तक्करे विजएणं चोरसेणावइणा बहूओ चोरविज्जाओ य चोरमंते य चोरमायाओ य
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |