Page Text
________________
४५. धणसत्थवाहकहाणयं
रायगिहेधणसत्थवाहदारिया सुसुमा ५९६ तेणं कालेणं तेणं समएणं रायगिहे नामं नयरे होत्था--वष्णओ॥
तत्थ णं धणे नामं सत्यवाहे। भद्दा भारिया ॥ तस्स णं धणस्त सत्यवाहस्स पुत्ता भद्दाए अत्तया पंच सत्यवाहदारगा होत्था, तं जहा-धणे धणपाले धणदेवेधणगोवे धणरक्खिए । तस्स णं धणस्स सत्यवाहस्स धूया भद्दाए अत्तया पंचण्हं पुत्ताणं अणुमग्गजाइया संसुमा नाम दारिया होत्था-सूमालपाणिपाया०॥
चिलाय-दासचेडेण कुमार-कुमारीणं कोडणकाले तज्जणं ५९७ तास णं धणस्स सत्थवाहस्स चिलाए नाम दासचेडे होत्था--अहोणचिदियसरीरे मंसोवचिए बालकोलावणकुसले यावि होत्था ॥
तए णं से दासचेडे सुंसुमाए दारियाए बालग्गाहे जाए यावि होत्था, सुसुमं दारियं कडीए गिण्हइ, गिहिता बहुहि दारएहि य दारियाहि य डिभएहि य डिभियाहि य कुमारएहि य कुमारियाहि य सद्धि अभिरममाणे-अभिरममाणे विहरइ॥ तए णं से चिलाए दासचेडे तेसि बहणं दारयाण य वारियाण य डिभयाण य डिभियाण य कुमारयाण य कुमारियाण य अप्पेगइयाणं खुल्लए अवहरइ, अप्पेगइयाणं वट्टए अवहरइ, अप्पेगइयाणं आडोलियाओ अवहरइ, अप्पेगइयाणं तिदूसए अवहरइ, अप्पेगइयाणं पोत्त ल्लए अवहरइ, अप्पेगइयाणं साडोल्लए अवहरइ, अप्पेगइयाणं आभरणमल्लालंकारं अवहर इ, अप्पेगइए आउसइ अवहसइ निच्छोडेइ निन्भच्छेइ तज्जेड तालेइ ॥
५९८ तए णं ते बहवे दारगा य दारिया य डिभया य डिभिया य कुमारया य कुमारिया य रोयमाणा य कंदमाणा य सोयमाणा य तिप्पमाणा
य बिलबमाणा य साणं माणं अम्मापिऊणं निवेदेति ॥
चिलायस्स गिहाओ निक्कासणं तए णं तेसि बहूणं दारयाण य दारियाण य डिभयाण य डिभियाण कुमारयाण य कुमारियाण य अम्मापियरो जेणेव धणे सत्यवाहे तेणेव उवागच्छंति, उवागच्छित्ता धणं सत्यवाहं बहूहि खिज्जणियाहि य रुंटणाहि य उवलंभणाहि य खिज्जमाणा य रुंटमाणा य उवलंभमाणा य धणस्स सत्थवाहस्स एयम8 निवेदेति ॥ तए णं से धणे सत्थवाहे चिलायं दासचेडं एयमट्टभुज्जो-भुज्जो निवारेइ, नो चेवणं चिलाए दासचेडे उवरमइ ॥ तए णं से चिलाए दासचेडे तेसि बहूणं दारयाण य दारियाण य डिभयाण य डिभियाण य कुमारयाण य कुमारियाण य अप्पेगइयाणं खुल्लए अवहरइ अप्पेगइयाणं वट्टए अवहरइ, अप्पेगइयाणं आडोलियाओ अवहरइ, अप्पेगइयाणं तिदूसए अवहरइ, अप्पेगइयाणं पोत्तुल्लए अवहरइ, अप्पेगइयाणं साडोल्लए अवहरइ, अप्पेगइयाणं आभरणमल्लालंकारं अवहरइ, अप्पेगइए आउसइ अवहसइ निच्छोडेइ निभेच्छेद तज्जेइ तालेइ॥ तए णं ते बहवे दारगा य दारिया य डिंभया य डिभिया य कुमारया य कुमारिया य रोयमाणा य कंदमाणा य सोयमाणा व तिप्पमाणा य विलवमाणा य साणं साणं अम्मापिऊणं निवेदेति ॥ तए णं ते आसुरुत्ता रुट्टा कुविया चंडिक्कया मिसिमिसेमाणा जेणेव धणे सत्यवाहे तेणेव उवागच्छंति, उवागच्छित्ता बहुहि खिज्जणाहिय रुंटणाहि य उवलंभणाहि य खिज्जमाणा य रुंटमाणा य उवलंभमाणा य धणस्स सत्थावाहस्स एयमट्ठ निवेदेति ॥ तए णं से धणे सत्थवाहे बहूणं दारगाणं दारियाणं डिभयाणं डिभियाणं कुमारयाणं कुमारियाणं अम्मापिऊणं अंतिए एयमढे सोच्चा आसुरुत्ते रु? कुविए चंडिक्किए मिसिमिसेमाणे चिलायं दासचेडं उच्चावयाहि आउसणाहि आउसइ उद्धंसइ निन्भच्छेइ निच्छोडेह तज्जेइ उच्चावयाहि तालणाहिं तालेइ साओ गिहाओ निच्छभइ॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |