Page Text
________________
धम्मकहाणुओग दुतीयो खंधो
आहारेह, छायाए वा वीसमह, मा णं अकाले चेव जीवियाओ ववरोविज्जिस्सह, अण्णेसि रुक्खाणं मूलाणि य-जाव-आहारेह, छायाए वा वीसमह त्ति कटु घोसणं घोसेह, घोसेता मम एयमाणत्तियं पच्चप्पिणह "। ते वि तहेव घोसणं घोसेत्ता तमाणत्तियं पच्चप्पिणंति ॥
निसेहानुसरणस्स फलं ५९१ तत्थ णं अत्थेगइया पुरिसा धणस्स सत्थवाहस्स एयमठं सद्दहति पत्तियंति रोयंति, एयम९ सद्दहमाणा पत्तियमाणा रोयमाणा तेसि
नंदिफलाणं दूरंदूरेणं परिहरमाणा-परिहरमाणा अणेसि रुक्खाणं मूलाणि य-जाव-आहारंति, छायासु वीसमंति ।। तेसि णं आवाए नोभद्दए भवइ, तओ पच्छा परिणममाणा-परिणममाणा सुभरूवत्ताए सुभगंधत्ताए सुभरसत्ताए सुभकासत्ताए सुभछायत्ताए भुज्जो-भुज्जो परिणमंति॥ एवामेव समणाउसो ! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अणगारियं पव्वइए समाणे पंचसु कामगुणेसु नो सज्जइ नो रज्जइ नो गिज्झइ नो मुज्झइ नो अज्झोक्वज्जइ, से णं इहभवे चेव बहूणं समणाणं बहूणं समणीणं बहूणं सावगाणं बहूणं सावियाण य अच्चणिज्जे भवइ, परलोए वि य णं नो बहूणि हत्थछेयणाणि य कण्णछेयणाणि य नासाळ्यणाणि य एवंहियय उप्पायणाणि य वसणुप्पायणाणि उल्लंबणाणि य पाविहिइ, पुणो अणाइयं च णं अणवदग्गं दोहमद्धं चाउरंतं संसारकंतारं वीईवइस्सइ--जहा व ते पुरिसा ।
निसेहापालणे विपत्ती ५९२ तत्थ णं अप्पेगइया पुरिसा धणस्स एयमट्ठनो सद्दहति नो पत्तियंति नो रोयंति , धणस्स, एयमढे असद्दहमाणा अपत्तियमाणा अरोयमाणा
जेणेव ते नंदिफला तेणेव उवागच्छंति, उवागच्छित्ता तेसि नंदिफलाणं मूलाणि य-जाव-आहारंति, छायासु वीसमंति तेसि णं आवाए
भद्दए भवइ, तओ पच्छा परिणममाणा-परिगममाणा अकाले चेव जीवियाओ बवरोति ।। ५९३ एवामेव समणाउसो ! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अणगारियं पव्वइए-समाणे
पंचसु कामगुणेसु सज्जइ रज्जइ गिज्झइ मुज्झइ अज्झोबवज्जइ, से गं इहभवे-जाव-अणादियं च णं अणवयग्गं दोहमद्धं संसारकंतारं भुज्जो अणुपरियट्टिस्सइ--जहा व ते पुरिसा ॥
धणस्स अहिच्छत्तागमणं ५९४ तएणं से धणे सत्यवाहे सगडी-सागडं जोयावेइ, जोयावेत्ता जेणेव अहिच्छत्ता नयरी तेणेव उवागच्छइ, उवागच्छित्ता अहिच्छत्ताए नयरीए
बहिया अग्गुज्जाणे सत्यनिवेसं करेइ, करेत्ता सगडी-सागडं मोयावेइ ॥ तए णं से धणे सत्थवाहे महत्थं महग्धं महरिहं रायारिहं पाहुडं गेण्हइ, गेण्हित्ता बहुपुरिसेहि सद्धि संपरिवुड़े अहिच्छत्तं नर मझमज्झणं अणुप्पविसइ, अणुप्पविसित्ता जेणेव कणगकेऊ राया तेणेव उवागच्छइ, उवागच्छित्ता करयलपरिग्गहियं सिरसावत्तं मत्थए अंजलि कटु जएणं विजएणं वद्धावेइ, बद्धावेत्ता तं महत्थं महग्धं महरिहं रायारिहं पाहुडं उवणेइ ॥ तए णं ले कणगकेऊ राया हद्वतु? धणस्स सत्थवाहस्स तं महत्थं महग्धं महरिहं रायारिहं पाहुडं पडिच्छिइ, पडिच्छत्ता धणं सत्यवाह सक्कारेइ सम्माणेइ, सक्कारेत्ता सम्माणेत्ता उस्सुक्कं वियरइ, विर्यारत्ता पडिविसज्जेइ, भंडविणिमयं करेइ, करेत्ता पडिभंडं गेण्हइ, गेमिहत्ता सुहंसुहेणं जेणेव चंपा नयरी तेणेव उवागच्छइ, उवागच्छित्ता मित्त-नाइ-नियग-सयण-संबंधि-परिवणेणं सद्धि अभिसमण्णागए विपुलाई माणुस्सगाई भोगभोगाई पच्चणुभवमाणे विहरइ॥
धणस्स पव्वज्जा ५९५ तेणं कालेणं तेणं समएणं थेरागमणं ॥
धणे सत्यवाहे धम्म सोच्चा जेट्टपुत्तं कुडंबे ठावेत्ता पव्वइए सामाइयमाइयाई एक्कारस अंगाई अहिज्जित्ता, बहूणि वासाणि सामण्णपरियागं पाउणित्ता, मासियाए संलेहणाए अत्ताणं झूसेत्ता, अण्णयरेसु देवलोएसु देवत्ताए उववण्णे । महा विदेहे वासे सिज्झिहिइ बुझिहिइ मुच्चिहिइ परिनिव्वाहिइ सव्वदुक्खाणमंतं करेहिइ ॥'
णायाधम्मकहाओ सु०१ अ०१५ १. वृत्तिकता समुद्धता निगमनगाथा--
चंपा इव मणुयगई, धणोव्व भयवं जिणो दएक्करसो। अहिच्छतानयरिसमं, इह निव्वाणं मुणेयव्वं ।।१।। घोसणया इव तित्थंकरस्स सिवमग्गदेसणमहग्धं । चरगाइणो व्व एत्थं, सिवसहकामा जिया बहवे ।।२।। नंदिफलाइ व्व इहं, सिवपहपडिपण्णगाण विसया उ । तब्भक्खणाओ मरणं, जह तह बिसएहि संसारो ॥३।। तव्वख्जणेण जह इट्टपुरगमो विसयवज्जणेण तहा । परमानंदनिबंधण-सिवपुरगमणं मुणेयव्वं ।।४।।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |