Page Text
________________
५४
धम्मकहाणुओगे दुतीयो खंधो १. तत्थ आरेणं जे तसा पाणा, जेहि समणोवासगस्स आयाणसो आमरणताए दंडे णिक्खित्ते, ते तओ आउ विप्पजहंति, विप्पजहिता तत्थ आरेणं चेव जे तसा पाणा, जेहिं समणोवासगस्स आयाणसो आमरणंताए दंडे णिक्खित्ते, तेसु पच्चायंति तेहि समणोवासगस्स सुपच्चक्खायं भवइ। ते पाणा वि वुच्चंति, ते तसा वि वुच्चंति, ते महाकाया, ते चिरट्टिइया। ते बहुतरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उवट्टियस्स पडिविरयस्त जंणं तुम्भे वा अण्णो वा एवं वयह-"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उवएसे णो णेयाउए भवइ। २. तत्थ आरेणं जे तसा पाणा, जेहि समणोवासगस्स आयाणसो आमरणंताए दंडे णिक्खित्ते, ते तओ आउं विप्पजहंति, विप्पजहित्ता तत्थ आरेणं चेव जे थावरा पाणा, जेहि समणोवासगस्स अट्ठाए दंडे अणिक्खित्ते, अणट्ठाए दंडे णिक्खिते, तेसु पच्चायति । तेहि समणोवासगस्स अट्ठाए दंडे अणिक्खित्ते अणट्ठाए दंडे णिक्खिते। ते पाणा वि वुच्चंति, ते तसा वि वुच्चंति, ते महाकाया, ते चिर्राटुइया। ते बहुतरगा पाणा जेहि समगोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्प्त उवट्ठियस्स पडिविरयस्स जंणं तुम्भे वा अण्णो वा एवं वयह-"णत्थि णं से केइ परियाए जंसि समणोवासगस्त एगपाणाए वि दंडे णिक्खित्ते ।" अयं पि भे उवएसे णो णेयाउए भवइ। ३. तत्य आरेणं जे तसा पाणा, जेहि समणोवासगस्स आयाणसो आमरणंताए दंडे णिक्खित्ते, ते तओ आउं विप्पजहंति विप्पजहिता तत्थ परेणं चेव जे तसा थावरा पाणा, जेहि समणोबासगस्स आयाणसो आमरणंताए दंडे णिक्खित्ते, तेसु पच्चायति । तेहि समगोवासगस्स सुपच्चक्खायं भवइ। ते पाणा वि वुच्चंति, ते तसा वि बुच्चंति, महाकाया, ते चिरट्टिइया । ते बहुतरगा पाणा जेहि समणोवासगस्स सुपच्चक्खायं भवह। ते अप्पयरगा पाणा जेहि समणोवासगस्त अपच्चक्खायं भवइ । से महया तसकायाओ उवसंतस्स उवट्टियस्स पडिविरयस्स जणं तुम्भे वा अण्णो वा एवं वयह--"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उवएसे णो णेयाउए भवइ ।। ४. तत्थ आरेण जे थावरा पाणा, जेहि समणोवासगस्स अट्ठाए दंडे अणिक्खित्ते अणट्ठाए दंडे णिक्खिते, ते तओ आउं विप्पजहंति, विप्पजहित्ता तत्थ आरेणं चेव जे तसा पाणा, जेहिं समणोवासगस्स आयाणसो आमरणंतए दंडे णिक्खित्ते, तेसु पच्चायति । तेहि समणोवासगस्स सुपच्चक्खायं भवइ । ते पाणा वि बुच्चंति, ते तसा वि वुच्चंति, से महाकाया, ते चिरटिइया । ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ। से महया तसकायाओ उवसंतस्स उवट्टियस्स पडिविरयस्स जंणं तुन्भे वा अण्णो वा एवं वयह--"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उवएसे णो णेयाउए
भबइ।
५. तत्थ आरेणं जे थावरा पाणा, जेहि समणोवासगस्स अट्ठाए दंडे अणिक्खित्ते अणट्टाए दंडे णिक्खिते, ते तओ आउ विप्पजहंति, विप्पजहिता ते तत्थ आरेणं चेव जे थावरा पाणा, जेहि समणोवासगस्त अट्ठाए दंडे अणिक्खित्ते अणट्ठाए दंडे णिक्खित्ते, तेसु पच्चायति । तेहि समणोवासगस्स अट्ठाए दंडे अणिक्खिते अणट्ठाए दंडे णिक्खित्ते। ते पाणा वि वच्चंति, ते तसा वि वुच्चंति, ते महाकाया, ते चिरदिइया । ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उबट्ठियस्स पडिविरयस्स जं णं तुब्भे वा अण्णो वा एवं वयह--"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उबएसे णो णेयाउए भवइ । ६. तत्थ परेणं जे थावरा पाणा, जेहि समणोवासगस्स अट्टाए दंडे अणिक्खित्ते अणट्ठाए दंडे णिक्खित्ते, ते तओ आउं विष्पजहंति, विप्पजहित्ता तत्थ परेणं चेव जे तसा थावरा पाणा, जेहि समणोवासगस्त आयाणसो आमरणंताए दंडे णिक्खित्ते, तेसु पच्चायति । तेहि समणोवासगस्स सुपच्चक्खायं भवइ । ते पाणा वि बुच्चंति, ते तसा वि वुच्चंति, ते महाकाया, ते चिरट्टिइया । ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उट्टियस्स पडिविरयस्स
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |