Page Text
________________
महावीरतित्थे उदय पेढालपुत्ते
१५३
५७९ भगवं च णं उदाहु-संतेगइया मणुस्सा भवंति, तं जहा--आरणिया आवसहिया गामंतिया कण्हुईरहस्सिया--जेहि समणोवासगस्स
आयाणसो आमरणंताए दंडे णिक्खित्ते भवइ--णो बहुसंजया णो बहुपडिविरया सव्वपाणभूयजीवसत्तेहि अप्पणा सच्चामोसाइं एवं बिउंजंति--अहं ण हतब्बो अण्णे हतब्वा, अहं ण अज्जावेयव्वो अण्णे अज्जावेयव्वा, अहं ण परिघेतव्वो अण्णे परिघेतब्वा, अहंण परितावेयव्वो अण्णे परितावेयव्वा, अहं ण उद्दवेयव्वो अण्णे उद्दवेयव्वा। एवामेव ते इत्थिकामेहि मच्छिया गिद्धा गढिया अज्झोववण्णा -जाव-वासाई चउपंचमाइं छहसमाई अप्पयरो वा भुज्जयरो वा भुजितु भोगभोगाई कालमासे कालं किच्चा अण्णयराइं आसुरियाई किब्बिसियाइं ठाणाई उववत्तारो भवंति । तओ वि विप्पमुच्चमाणा भुज्जो एलभूयत्ताए तमोरूवत्ताए पच्चायति । ते पाणा वि वुच्चंति, ते तसा वि वुच्चंति, ते महाकाया, ते चिरट्टिइया । ते बहुतरगा पाणा जेहिं समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उवट्ठियस्स पडिविरयस्त जंणं तुम्भे वा अण्णो वा एवं वयह--"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते"। अयं पि भे उवएसे णो णेयाउए भवइ॥
भगवं च णं उदाहु--संतेगइया पाणा दीहाउया, जेहि समणोवासगस्स आयाणसो आमरणंताए दंडे णिक्खित्ते भवइ । ते पुवामेव कालं करेंति, करेत्ता पारलोइयत्ताए पच्चायति । ते पाणा वि वुच्चंति, ते तसा वि वुच्चंति, ते महाकाया, ते चिरिट्टिइया, ते दोहाउया। ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उवट्टियस्स पडिविरयस्स जंणं तुब्भे वा अण्णो वा एवं वयह--"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उवएसे णो णेयाउए भवइ ॥
५८१ भगवं च णं उदाहु--संतेगइया पाणा समाउया, हिं समणोवासगस्स आयाणसो आमरणंताए दंडे णिक्खित्ते भवइ । ते सममेव कालं
करेंति, करेत्ता पारलोइयत्ताए पच्चायति । ते पाणा वि वुच्चंति, ते तसा वि वुच्चंति, ते महाकाया, ते समाउया । ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उवट्ठियस्स पडिविरयस्स जं णं तुम्भे वा अण्णो वा एवं वयह-"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उवएसे णो णयाउए भवइ ॥
५८२
भगवं च णं उदाहु--संतेगइया पाणा अप्पाउया, जेहि समणोवासगस्स आयाणसो आमरणंताए दंडे णिक्खित्ते भवइ। ते पुवामेव कालं करेंति, करेता पारलोइयत्ताए पच्चायति । ते पाणा वि वुच्चंति, ते तसा वि वुच्चंति, ते महाकाया, ते अप्पाउया । ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उवट्टियस्स पडिविरयस्स ज णं तुम्भे वा अण्णो वा एवं वयह--"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते।" अयं पि भे उबएसे णो णेयाउए भवई॥
५८३
णवभंगेहिं पच्चक्खाणस्स विसय-उवदसणं भगवं च णं उदाहु--संतेगइया समणोवासगा भवंति । तेसि च णं एवं वृत्तपुध्वं भवइ-- णो खलु वयं संचाएभो मुंडा भवित्ता अगाराओ अणगारियं पव्वइत्तए। णो खलु वयं संचाएमो चाउद्दसट्टमुद्दिट्ठपुण्णमासिणीसु पडिपुण्णं पोसहं अणुपालित्तए । णो खल वयं संचाएमो अपच्छिममारणंतियसंलेहणाभूसणाझूसिया भत्तपाणपडियाइक्खिया कालं अणवकंखमाणा बिहरित्तए। वयं गं सामाइयं देसावगासियं--पुरत्या पाईणं पडीणं दाहिणं उदीणं एतावताव सव्वपाणेहि-जाव-सव्वसत्तेहिं दंडे णिक्खित्ते पाणभयजीवसहि खेमंकरे अहमंसि।
घक०२०
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |