Page Text
________________
१५०
धम्मकहाणुओगे दुतीयो बंधी
तसा वि पाणा थावरत्ताए पच्चायति । थावरकायाओ विप्पमुच्चमाणा सव्वे तसकार्यसि उववज्जति । तसकायाओ विप्पमुच्चमाणा सब्वे थावरकायंसि उववज्जति । तेसि च णं थावरकायंसि उववण्णाणं ठाणमेयं धत्तं ॥'
५७०
भगवओ गोयमस्स पच्चुत्तरं सवायं भगवं गोयमे उदयं पेढालपुत्तं एवं वयासी--'णो खलु आउसो! अस्माक वत्तब्वएणं तुभं चेव अणुप्पवाएणं अत्थि णं से परियाए जे णं समणोवासगस्स सव्वपाणेहि-जाव-सव्वसत्तेहि दंडे णिक्खित्ते भवइ । कस्स णं तं हेउं? संसारिया खलु पाणा-- तसा वि पाणा थावरत्ताए पच्चायति । थावरा वि पाणा तसत्ताए पच्चायति । तसकायाओ विप्पमुच्चमाणा सव्वे थावरकायंसि उववज्जंति । थावरकायाओ विप्पमुच्चमाणा सव्वे तसकायंसि उववज्जति । तेसि च णं तसकायंसि उववण्णाणं ठाणमेयं अघत्तं । ते पाणा वि वुच्चंति, ते तसा वि वुच्चंति, ते महाकाया, ते चिरद्विइया । ते बहुयरगा पाणा जेहि समणोवारागरस सुपच्चक्खायं भवद । ते अप्पयरगा पाणा हि समणोवासगस्स अपच्चक्खायं भवइ । से महया तसकायाओ उवसंतस्स उवट्टियस्स पडिविरयस्स जंणं तुन्ने वा अण्णो वा एवं वयह--'णत्थि णं से केइ परियाए जंसि जंसि समणोवासगस्स एगपाणाए वि दंडे णिक्खितें'। अयं पि भे उदएसे णो णेयाउए भवइ ।
५७१
समणदिळंतो भगवं च णं उदाहु णियंठा खलु पुच्छ्यिव्वा--आउसंतो! णियंठा ! इह खलु संतेगइया मणुस्सा भवंति । तेसि च णं एवं वृत्तपुव्वं भवइ--जे इमे मुंडे भवित्ता अगाराओ अणगारियं पव्वइत्ता, एएसि णं आमरणंताए दंडे णिक्खित्ते । जे इमे अगारमावसंति, एएसि णं आमरणंताए दंडे णो णिक्खित्ते । केई च णं समणे-जाव-वासाई चउपंचमाइं छहसमाई अप्पयरो वा भुज्जयरो वा देसं दूइज्जित्ता अगारं वएज्जा? हंता वएज्जा । तस्स णं तमगारत्थं वहमाणस्स से पच्चक्खाणे भग्गे भवइ ? णो इण? समट्ठ। एवमेव समणोवासगस्स वि तसेहि पाहि दंडे णिक्खिते, थावरेहि पाणेहि दंडे णो णिक्खित्ते । तस्स णं तं थावरकायं वहमाणस्स से पच्चक्खाणे णो भग्गे भवइ । सेवमायाणह णियंठा ! सेवमायाणियव्वं ।।
५७२
भगवं च णं उदाहु णियंठा खलु पुच्छियव्वा--आउसंतो! णियंठा ! इह खलु गाहावइणो वा गाहावइपुत्ता वा तहप्पगारेहि कुलेहि आगम्म धम्मस्सवणवत्तियं उवसंकमेज्जा ? हंता उवसंकमज्जा । तेसि च णं तहप्पगाराणं धम्मे आइक्खियव्वे ? हंता आइक्खियब्वे । कि ते तहप्पगारं धम्म सोच्चा णिसम्म एवं वएज्जा--इणमेव णिग्गंथं पावयणं सच्चं अणुतरं केवलियं पडिपुण्ण णेयाउयं संसुवं सल्लकत्तणं सिद्धिमग्गं मुत्तिमग्गं णिज्जाणमग्गं णिव्वाणमग्गं अवितहं असंदिद्धं सव्वदुक्खप्पहीणमग्गं । एत्थ ठिया जीवा सिझंति बुमति मुच्चंति परिणिव्वंति सब्वदुक्खाणमंतं करेंति । इमाणाए तहा गच्छामो तहा चिट्ठामो तहा णिसीयामो तहा तुयट्टामो तहा भुंजामो तहा भासामो तहा अब्भुट्ठ मो तहा उट्ठाए उदृत्ता पाणाणं-जाव-सत्ताणं संजमेणं संजमामो ति वएज्जा? हंता वएज्जा । कि ते तहप्पगारा कप्पंति पवावेत्तए ? हंता कप्पति ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |