Page Text
________________
महावीरतित्थे जिणपालिय-जिणरक्खियणायं
१४३
तत्थ णं तुब्भे देवाणुप्पिया ! बहूसु बावीसु य-जाव-सरसरपंतियासु य बहसु आलीघरएसु य मालीघरएसु य-जाव-कुसुमघरएसु य सुहंसुहेणं अभिरममाणा-अभिरममाणा विहरिज्जाह। जइ णं तुन्भे तत्थ वि उब्विग्गा वा उस्सुया वा उप्पुया वा भवेज्जाह तो गं तुब्भे अवरिल्लं वगसंडं गच्छेज्जाह । तत्थ णं दो उऊ सया साहीणा तं जहा--वसंते य गिम्हे य । गाहा-- तत्थ उ--सहकार-चारुहारो, किसुय-कणियारामोगमउडो । ऊसियतिलग-बकुलायवत्तो, वसंतउऊ नरवई साहीणो ॥५॥ तत्थ य--पाडल-सिरीस-सलिलो, मल्लिया-वासंतिय-धवलवेलो। सोयलसुरभि-निल-मगरचरिओ, गिम्हउऊ सागरो साहीणो॥६॥ तत्थ बहूसु वावीसु य-जाव-सरसरपंतियासु य बहुसु आलोघरएसु य मालीघरएसु य-जाव-कुसुमघरएसु य सुहंसुहेणं अभिरममाणाअभिरममाणा विहरेज्जाह।
रयणदीवदेवयाए मांगदीपुत्ताणं दट्टीविससप्पसमीवे गमणनिसेहो ५४७ जइ णं तुम्भे देवाणुप्पिया! तत्थ वि उब्विग्गा वा उस्सुया वा उप्पुया वा भवेज्जाह तओ तुब्भे जेणेव पासायवडेंसए तेणेव उवागच्छेज्जाह
ममं पडिवालेमाणा-पडिवालेमाणा चिट्ठज्जाह, मा गं तुम्भे दक्खिणिल्लं वणसंडं गच्छेज्जाह । तत्थ णं महं एगे उग्गविसे चंडविसे घोरविसे महाविसे अइकाए महाकाए जहा तेपनिसग्गेमसि-महिस-मसा-कालए नयणविसरोसपुग्णे अंजणपुंज-नियरप्पगासे रत्तच्छे जमल-जुयल-चंचल चलंतजोहे धरणितल-णिभूए उक्कड-फुड-कुडिल-जडुल-कक्खड-वियड-फडाडोव-करणदच्छे लोहागर-धम्ममाण-धमधमेतघोसे अणागलिय चंड-तिव्वरोसे समुहिय-तुरिय-चवलं धमधमंते दिट्ठीविसे सप्पे परिवसइ । मा णं तुब्भं सरीरगस्स वावत्ती भविस्सई"-ते मानदिय-दारए दोच्चं पि तच्चं पि एवं वदति, बदित्ता वेउब्वियसमुग्धाएणं समोहण्णइ, समोहणित्ता ताए उक्किट्ठाए देवगईए लवणसमुई तिसत्तखुत्तो अणुपरियट्टेउं पयत्ता यावि होत्था ॥
मागंदियपुत्ताणं वणसंडगमणं ५४८ तए णं ते मागंदिय-दारया तओ महत्तंतरल्स पासायवडेंसए सई वा रइंवा धिई वा अलभमाणा अण्णमण्णं एवं वयासी--
एवं खलु देवाणुप्पिया! रयणदीवदेवया अम्हे एवं वयासी-- एवं खलु अहं सक्कवयण-संदेसेणं सुट्टिएणं लवणाहिवइणा निउत्ता-जाव-मा णं तुम्भं सरीरगरस वावत्ती भविस्सइ। तं सेयं खलु अम्हं देवाणुप्पिया! पुरथिमिल्लं वणसंडं गमित्तए-अण्णमण्णस्स एयम पडिसुणेति, पडिसुणेत्ता जेणेव पुरथिमिल्ले वणसंडे तेणेव उवागच्छंति, २ तत्थ णं वावीस य-जाव-आलीघरएसु य-जाव-सुहंसुहेणं अभिरममाणा-अभिरममाणा विहरंति ॥ तए णं ते मागंदिय-दारगा तत्थ वि सई वा रई व धिई वा अलभमाणा जेणेव उत्तरिल्ले वणसंडे तेणेव उवागच्छंति, २ तत्थ णं वावीसु य-जाव-आलीघरएसु य सुहंसुहेणं अभिरममाणा-अभिरममाणा विहरंति ॥ तए णं ते मागंदिय-दारगा तत्थ वि सई वा रइं वा धिई वा अलभमाणा जेणेव पच्चस्थिमिल्ले वणसंडे तेणेव उवागच्छंति, २ तत्थ णं वावीसु य-जाव-आलीघरएसु य सुहंसुहेणं अभिरममाणा-अभिरममाणा विहरंति ॥
५४९
मागंदियपुत्ताणं देवयानिसिद्धट्ठाणे गमणं तए णं ते मागंदिय-दारगा तत्थ वि सइंवा रइंवा धिई वा अलभमाणा अण्णमण्णं एवं वयासी-- एवं खलु देवाणुप्पिया! अम्हे रयणदीवदेवया एवं बयासीएवं खलु अहं देवाणुप्पिया ! सक्कवयण-संदेसेणं सुटिएणं लवणाहिवइणा निउत्ता-जाव-मा णं तुम्भं सरीरगस्स वावत्ती भबिस्सइ। तं भवियव्वं एत्थ कारणेणं । सेयं खलु अम्हं दक्खिणिल्लं वणसंडं गमित्तए त्ति कटु अण्णमण्णस्स एयम४ पडिसुणेति, पडिसुणेत्ता जेणेव दक्खिणिल्ले वणसंडे तेणेव पहारेत्थ गमणाए। तओ णं गंधे निद्धाइ, से जहानामए--अहिमडे इ वा-जाव-अणिटुतराए चेव ।।
वणसंडे देवयाकयसूलाइयपुरिसदसणं तए णं ते मागंदिय-दारगा तेणं असुभेणं गंधेणं अभिभूया समाणा सएहि-सएहि उत्तरिज्जेहि आसाइं पिहेंति, पिहेत्ता जेणेव दक्खिणिल्ले वणसंडे तेणेव उवागया। तत्थ णं महं एर्ग आघयणं पासंति-अट्ठियरासि-सय-संकुलं भीम-दरिसणिज्ज। एगं च तत्थ सूलाइयं पुरिसं कलुणाई कट्ठाई विस्सराई कूबमाणं पासंति, भीया तत्था तसिया उब्विग्गा संजायभया जेणेव से सूलाइए पुरिसे तेणेव उवागच्छंति
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |