Page Text
________________
१४२
धम्मकहाणुओगे दुतीयो खंधो तस्स बहुमज्झदेसभाए, एत्थ णं महं एगे पासायब.सए यावि होत्था--अब्भुग्गयमूसिय-पहसिए-जाव-सस्सिरीयरूवे पासाईए-जाव-पडिरूवे । तत्थ णं पासायव.सए रयणदीव-देवया नामं देवया परिवसइ--पावा चंडा रुद्दा खुद्दा साहस्सिया। तस्स णं पासायवडेंसयस्स चउद्दिसि चत्तारि वणसंडा--किण्हा किण्होभासा ॥ तए ण ते माकंदिय-दारगा तेणं फलयखंडेणं ओवुज्झमाणा-ओवुज्झमाणा रयणदीवंतेणं संबूढा यावि होत्था । तए णं ते मागंदिय-दारगा थाहं लभंति, २ महत्तंतरं आससंति, २ फलगखंड विसज्जेंति, २ रयणदीवं उत्तरंति, २ फलाणं मग्गण-गवेसणं करेंति, २ फलाइं आहारेंति, २ नालिएराणं मग्गण-गवेसणं करेंति, २ नालिएराई फोडेंति, २ नालिएरतेल्लेणं अण्णमण्णस्स गायाई अब्भंगेति, २ पोक्खर-णीओ ओगाहेंति, २ जलमज्जणं करेंति, २ पोक्खरणीओ पच्चुत्तरंति, २ पुढविसिलावट्टयंसि निसीयंति, निसीइत्ता आसत्था वीसत्था सुहासण-वरगया चंपं नार अम्मापिउआपुच्छणं च लवण-समुद्दोत्तारणं च कालियवायसम्मुच्छणं च पोयवहणवित्ति च फलयखंडस्सासायणं च रयण-दीवोत्तारं च अणुचितेमाणा-अचितेमाणा ओहयमणसंकप्पा करतलपल्हत्यमुहा अट्टज्झाणोवगया झियायंति ॥
रयणदोवदेवयाए सद्धि भोगभुजणं ५४५ तए णं सा रयणदीवदेवया ते मागंदिय-दारए ओहिणा आभोएइ, असि-फडग-वग्ग-हत्था सत्तद्वतलप्पमाणं उड्ढं वेहासं उप्पयइ,
उप्पइत्ता ताए उक्किट्टाए-जाव-देवगईए वीईवयमाणी-वीईवयमाणी जेणेव मागंदिय-दारया तेणेव उवागच्छइ, उवागच्छित्ता आसुरत्ता ते मागंदिय-दारए खर-फरुस-निठुरवयणेहिं एवं वयासी"हंभो मागंदिय-दारया ! अपत्थियपत्थिया! जइ णं तुब्भे मए सद्धि विउलाई भोगभोगाइं भुंजमाणा विहरह, तो भे अत्थि जोबियं; अहण्णं तुम्भे मए सद्धि विउलाई भोगभोगाइं भुजमाणा नो विहरह तो भे इमेणं नीलुप्पल-गवलगुलिय-अयसिकुसुमप्पगासेणं खुरधारेणं असिणा रत्तगंडमंसुयाई माउआहि उवसोहियाई तालफलाणि व सीसाइं एगते एडेमि ॥ तए णं ते मागंदिय-दारगा रयणदीवदेवयाए अंतिए एयम सोच्चा निसम्म भीया करयलपरिग्गहियं सिरसावत्तं मत्थए अंजलि कटु एवं वयासी''जण्णं देवाणुप्पिया वइस्ससि तस्स आणा-उववाय-वयण-निद्देसे चिट्ठिस्सामो ॥" तए णं सा रयणदीवदेवया ते मागंदिय-दारए गेण्हइ, २ जेणेव पासायव.सए तेणेव उवागच्छइ, २ असुभपोग्गलावहारं करेइ, २ सुभपोग्गलपक्खेवं करेइ, तओ पच्छा तेहिं सद्धि विउलाई भोगभोगाई भुंजमाणी विहरइ, कल्लाकल्लि च अमयफलाई उवणेइ ।।
रयणदीवदेवयाए लवणसमुद्दसच्छीकरणत्थं गमणं वणसंडे रमणादेसो य ५४६ तए णं सा रयणदीवदेवया सक्कवयण-संदेसेणं सूट्रिएणं लवणाहिवइणा लवण-समुद्दे तिसत्तखुतो अणुपरियट्ट्यब्वे ति जं किंचि तत्थ तणं वा
पत्तं वा कळं वा कयवरं वा असुइ पूइयं दुरभिगंधमचोक्खं, तं सव्वं आहुणिय-आहुणिय तिसत्तखुत्तो एगते एडेयव्वं ति कट्ट निउत्ता॥ तए णं सा रयणदीवदेवया ते मागंदिय-दारए एवं वयासी-- "एवं खलु अहं देवाणुप्पिया ! सक्कवयण-संदेसेणं सुट्टिएणं लवणाहिवइणा तं चेव-जाव-निउत्ता । तं-जाव-अहं देवाणुप्पिया ! लवणसमुद्दे तिसत्तखुत्तो अणुपरियट्टिताजं किंचि तत्थ तणं वा पत्तं वा कळं वा कयवरं वा असुइ पूइयं दुरभिगंधमचोक्खं, तं सव्वं आहुणियआहुणिय तिसत्तखुत्तो एगते एडेमि ताव तुब्भे इहेव पासायवडेंसए सुहंसुहेणं अभिरममाणा चिट्ठह । जइ णं तुब्भे एयंसि अंतरंसि उव्विग्गा वा उस्सुया वा उप्पुया वा भवेज्जाह तो गं तुन्भे पुरथिमिल्लं वणसंडं गच्छेज्जाह । तत्थ णं दो उऊ सया साहीणा, तं जहा--पाउसे य वासारत्ते य। गाहा-- तत्थ उ--कंदल-सिलिध-दंतो, निउर-वरपुष्फपीवरकरो । कुडयज्जुण-नीव-सुरभिदाणो, पाउसउऊ गयवरो साहीणो॥१॥ तत्थ य--सुरगोवमणि-विचित्तो, दद्दुरकुलरसिय-उज्झररवो । बरहिणवंद-परिणद्धसिहरो, वासारत्तउऊ पवओ साहोणो ॥२॥ तत्थ णं तुब्भे देवाणुप्पिया! बहूसु वावीसु य-जाव-सरसरपंतियासु य बहूसु आलीघरएसु य मालीघरएसु य-जाव-कुसुमघरएसु य सुहंसुहेणं अभिरममाणा-अभिरममाणा विहरिज्जाह । जइ णं तुब्भे तत्थ वि उब्विग्गा वा उस्सुया वा उप्पुया वा भवेज्जाह तो गं तुब्भे उत्तरिल्लं वणसंडं गच्छेज्जाह । तत्थ णं दो उऊ सया साहीणा, तं जहा--सरदो य हेमंतो य ।
गाहा-- तत्थ उ--सण-सत्तिवाण-कउहो, नीलुप्पल-पउम-नलिण-सिंगो। सारस-चक्काय-रवियघोसो, सरयउऊ गोवई साहीणो ॥३॥ तत्थ य--सियकुंद-धवलजोण्हो, कुसुमिय-लोद्धवणसंड-मंडलतलो। तुसार-दगधार-पीवरकरो, हेमंतउऊ ससी सया साहीणो ॥४॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |