Page Text
________________
१३४
धम्मकहाणुओगे दुतीयो खंधो
तहेव-जाव-कप्परुक्खगं पिव अलंकिय-विभूसियं करेइ, करेत्ता करयलपरिग्गहियं दसनह सिरसावत्तं मत्थए अंजलि कटु सिवभई कुमारं जएणं विजएणं वद्धावेइ, बद्धावेत्ता ताहि इटाहि-जाव-वग्नहि जयविजयमंगलसएहि अणवरयं अभिणंदतो य अभित्थुणंतो य एवं वयासी"जय-जय नंदा! जय-जय भद्दा ! भदं ते, अजियं जिणाहि, जियं पालयाहि, जियमझे बसाहि । इंदो इव देवाणं, चमरो इव असुराणं, धरणो इव नागाणं, चंदो इव ताराणं, भरहो इव मणुयाणं बहूई वासाई बहूई वाससयाई बहूई वाससहस्साई बहूई वाससयसहस्साई अणहसमग्गो हट्टतुट्ठो परमाउं पालयाहि, इट्ठजणसंपरिवुडे हत्थिणापुरस्स नगरस्स, अण्णेसि च बहूणं गामागर-नगर-खेड-कब्बडदोणमुह-मडंब-पट्टण-आसम-निगम-संवाह-सण्णिवेसाणं आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे महयाहय-नट्ट-गीय-वाइय-तंती-तल-ताल-तुडिय-घण-मुइंग-पडुप्पवाइयरवेणं विउलाई भोगभोगाई भुंजमाणे बिहराहि" ति कटु जयजयसई पउंजति ॥ तए णं से सिवभद्दे कुमारे राया जाते-महया हिमवंत-महंत-मलय-मंदर-महिंदसारे, वण्णओ-जाव-रज्जं पसासेमाणे विहरइ।। सिवस्स दिसापोक्खियतावसपव्वज्जा
५२२ तए णं से सिवे राया अण्णया कयाइ सोभणंसि तिहि-करण-दिवस-महत्त-नक्खत्तंसि विपुलं असण-पाण-खाइम-साइमं उवक्खडावेति,
उवक्खडावेत्ता मित्तनाइ-नियग-सयण-संबंधि-परिजणं रायाणो य खत्तिए य आमंतेति, आमंतेत्ता तओ पच्छा बहाए कयबलिकम्मे कयकोउय-मंगल-पायच्छित्ते सुद्धप्पावेसाई मंगल्लाई वत्थाई पवर परिहिए अप्पमहग्घाभरणालंकियसरीरे भोयणवेलाए भोयणमंडवंसि सुहासणवरगए तेणं मित्त-नाइ-नियग-सयण-संबंधि-परिजणणं राएहि य खत्तिएहि सद्धि विपूलं असण-पाण-खाइम-साइमं आसादेमाणे वीसादेमाणे परिभाएमाणे परिभुजेमाणे विहरइ। जिमियभुत्तुरागए वि य णं समाणे आयंते चोक्खे परमसुइभए तं मित्त-नाइ-नियग-सयण-संबंधि-परिजणं विउलेणं असण-पाण-खाइमसाइमेणं वत्थ-गंध-मल्लालंकारेण य सक्कारेइ सम्माणेइ, सक्कारेत्ता सम्माणेत्ता तं मित्त-नाइ-नियग-सयण-संबंधि-परिजणं रायाणो य खत्तिए य सिवभई च रायाणं आपुच्छइ, आपुच्छित्ता सुबहुं लोही-लोहकडाह-कडच्छुयं तंबियं तावसभंडगं गहाय जे इमे गंगाकूलगा वाणपत्था ताबसा भवंति, तं चेव-जाव-तेसि अंतियं मुंडे भवित्ता दिसापोक्खियतावसत्ताए पव्वइए, पव्वइए वि य णं समाणे अयमेयारूवं अभिग्गहं अभिगिहति-'कप्पइ मे जावज्जीवाए छटुंछट्टणं अणिक्खित्तेणं दिसाचक्कवालेणं तवोकम्मेणं उड्ढं बाहाओ
पगिज्झिय-पगिज्झिय विहरित्तए'-अयमेयारूवं अभिग्गहं अभिगिण्हित्ता पढम छटुक्खमणं उवसंपज्जित्ताणं विहरइ॥ ५२३ तए णं से सिवे रायरिसी पढमछट्टक्खमणपारणगंसि आयावणभूमीओ पच्चोरुहइ, पच्चोरुहित्ता वागलवत्थनियत्थे जेणेव सए उडए
तेणेव उवागच्छइ, उवागच्छित्ता किढिण-संकाइयगं गिण्हइ, गिण्हित्ता पुरत्थिमं दिसं पोक्खेइ, पुरथिमाए दिसाए सोमे महाराया पत्थाणे पत्थियं अभिरक्खउ सिवं रायरिसि-अभिरक्खउ सिवं रायरिसि, जाणि य तत्थ कंदाणि य मूलाणि य तयाणि य पत्ताणि य पुप्फाणि य फलाणि य बीयाणि य हरियाणि य ताणि अणुजाणउ त्ति कट्ट पुरत्थिमं दिसं पसरइ, पसरिता जाणि य तत्थ कंदाणि य-जाव-हरियाणि य ताई गण्हइ, गेम्हित्ता किढिण-संकाइयगं भरेइ, भरेत्ता दन्भे य कुसे य समिहाओ य पत्तामोडं च गिण्हइ, गिण्हित्ता जेणेव सए उडए तेणेव उवागच्छइ, उवागच्छित्ता किढिण-संकाइयगं ठवेइ, ठवेत्ता दि वढ्ढेइ, वड्ढेत्ता उवलेवणसंमज्जणं करेइ, करेत्ता दब्भकलसाहत्थगए जेणेव गंगा महानदी तेणेव उवागच्छइ, उवागच्छित्ता गंगं महानदि ओगाहेइ, ओगाहेत्ता जल-मज्जणं करेइ, करेत्ता जलकीडं करेइ, करेत्ता जलाभिसेयं करेइ, करेत्ता आयंते चोक्खे परमसुइभूए देवय-पिति-कयकज्जे दब्भकलसाहत्यगए गंगाओ महानदीओ पच्चुत्तरइ, पच्चुत्तरित्ता जेणेव सए उडए तेणेव उवागच्छइ, उवागच्छित्ता दब्भेहि य कुसेहि य वालुयाए य वेदि रएति, रएत्ता सरएणं अरणि महेइ, महेत्ता अग्गि पाडेइ, पाडेता अग्गि संधुक्केइ, संधुक्केत्ता समिहाकट्ठाई पक्खिवइ, पक्खिवित्ता अग्गि उज्जालेइ, उज्जालेत्ता "अग्गिस्स दाहिणे पासे, सत्तंगाई समादहे", तं जहासकहं वक्कलं ठाणं, सिज्जाभंडं कमंडलुं। दंडदारूं तहप्पाणं, अहेताई समादहे ॥१॥ महुणा य घएण य तंदुलेहि य अग्गि हुणइ, हुणित्ता चरुं साहेइ, साहेत्ता बलि-वइस्सदेवं करेइ, करेत्ता अतिहिपूयं करेइ, करेत्ता तओ पच्छा अप्पणा आहार माहारेति ॥ तए णं से सिवे रायरिसी दोच्चं छटुक्खमणं उवसंपज्जित्ताणं विहरइ ॥ तए णं से सिवे रायरिसी दोच्चे छट्ठक्खमणपारणगंसि आयावणभूमीओ पच्चोरुहइ, पच्चोरुहिता वागलवथनियत्थे जेणेव सए उडए तेणेव उवागच्छइ, उवागच्छित्ता किढिण-संकाइयगं गिण्हइ, गिण्हित्ता दाहिणगं दिसं पोक्खेइ, दाहिणाए दिसाए जमे महाराया पत्थाणे पत्थियं अभिरक्खउ सिवं रायरिसि, सेसं तं चेव-जाव-तओ पच्छा अप्पणा आहारमाहारेइ ॥ तए णं से सिवे रायरिसी तच्चं छटुक्खमणं उवसंपज्जित्ताणं विहरइ॥
हत्ता वागलवत्थनियत्री
यरिसिं, सेसंह, गिण्हित्ता दाहिण
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |