Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 385

१३०
धम्मकहाणुओगे दुतीओ खंधो
वंदामि गं भगवंतं तत्थगयं इहगए, पासउ मे भगवं तत्थगए इहगय" ति कटु वंदइ नमसइ, वंदित्ता नमंसित्ता एवं वयासो"पुवि पि मए समणस्स भगवओ महावीरस्स अंतिए सब्वे पाणाइवाए पच्चक्खाए जावज्जीवाए-जाव-मिच्छादसणसल्ले पच्चक्खाए जावज्जीवाए। इयाणि पि य गं समणस्स भगवओ महावीरस्स अंतिए सव्वं पाणाइवायं पच्चक्खामि जावज्जीवाए-जाव-मिच्छादसणसल्लं पच्चक्खामि जावज्जीवाए एवं सव्वं असण-पाण-खाइम-साइम-चउन्विहं पि आहारं पच्चक्खामि जावज्जीवाए। जं पि य इमं सरीरं इट्ठ कंतं पियं-जाव-मा णं वाइय-पित्तिय-सेंभिय-सन्निवाइयविविहा रोगायंका परीसहोवसग्गा फुसंतु ति कट्ट एवं पिणं चरिमेहि उस्सास-नीसासेहि वोसिरामि" त्ति कटु संलेहणाझूसणाझूसिए भत्तपाणपडियाइक्खिए पाओवगए कालं अणवकंखमाणे विहरइ॥ तए णं से खंदए अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारस अंगाई अहिज्जित्ता, बहुपडिपुण्णाई दुवालसवासाइं सामण्णपरियागं पाउणित्ता मासियाए संलेहणाए अत्ताणं झूसित्ता, सट्ठि भत्ताई अणसणाए छेदेता आलोइय-पडिक्कते समाहिपत्ते आणुपुवीए कालगए।
५१०
खंदयस्स पत्त-चीवरसमाणयणं तए णं ते थेरा भगवंतो खंदयं अणगारं कालगयं जाणित्ता परिनिव्वाणवत्तियं काउसग्गं करेंति, करेता पत्त-चीवराणि गेण्हंति, गेण्हित्ता विपुलाओ पव्वयाओ सणियं-सणियं पच्चोएहति, पच्चोरुहित्ता जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं वदंति नमसंति, वंदित्ता नमंसित्ता एवं वयासी-"एवं खलु देवाणुप्पियाणं अंतेवासी खंदए नामं अणगारे पगइभद्दए पगइउवसंते पगइपयणुकोहमाणमायालोभे मिउमद्दवसंपन्ने अल्लीणे विणीए । से णं देवाणुप्पिएहि अब्भणुण्णाए समाणे सयमेव पंच महव्वयाणि आरुहेत्ता, समणा य समणीओ य खामेत्ता, अम्हेंहिं सद्धि विपुलं पव्वयं सणियं-सणियं दुरुहिता-जावमासियाए संलेहणाए अत्ताणं झूसित्ता, सर्द्धि भत्ताई अणसणाए छेदेता आलोइय-पडिक्कते समाहिपत्ते आणुपुब्बीए कालगए। इमे य से आयारभंडए॥"
खंदअस्स अच्चुयकप्पे उववाओ महाविदेहे सिद्धी य ५११ भंते ! त्ति भगवं गोयमे समणं भगवं महावीरं वंदइ नमसइ, वंदित्ता नमंसित्ता एवं वयासी
"एवं खलु देवाणुप्पियाणं अंतेवासी खंदए नाम अणगारे कालमासे कालं किच्चा कहिं गए? कहिं उववण्णे?" गोयमा! इसमणे भगवं महावीरे भगवं गोयम एवं वदासी-- "एवं खलु गोयमा! मम अंतेवासी खंदए नामं अणगारे पगइभद्दए पगइउवसंते पगइपयणुकोहमाणमायालोभे मिउमद्दवसंपण्णे अल्लीणे विणीए, से णं मए अब्भणुण्णाए समाणे सयमेव पंच महव्वयाइं आरुहेता-जाव-मासियाए संलेहणाए अत्ताणं झुसित्ता, सट्ठि भत्ताई अणसणाए छेदेत्ता आलोइय-पडिक्कंते समाहिपत्ते कालमासे कालं किच्चा अच्चुए कप्पे देवत्ताए उववण्णे ॥ तत्थ णं अत्थेगइयाणं देवाणं बावीसं सागरोवमाइं ठिई पण्णत्ता।तत्य णं खंदयस्स वि देवस्स बावीसं सागरोवमाइं ठिई पण्णत्ता॥" से णं भत्ते ! खंदए देवे ताओ देवलोयाओ आउक्खएणं भवक्खएणं ठिइक्खएणं अणंतरं चयं चइत्ता कहिं गच्छिहिति ? कहिं उववज्जिहिति? गोयमा! महाविदेहे वासे सिज्यिहिति-जाव-सव्वदुक्खाणं अंतं करेहिति ।।
भग० स० २, उ०१॥