Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 386

३८. महावीरतित्थे मोग्गलपरिव्वायगे
आलभियाए मोग्गल-परिव्वायगो ५१२ तेणं कालेणं तेणं समएणं आलभिया नाम नगरी होत्था-वण्णओ। तत्थ णं संखवणे नामं चेइए होत्था-वण्णओ। तस्स णं संख
वणस्स चेइयस्स अदूरसामंते मोग्गले नाम परिव्वायए-रिउव्वेद-जजुब्वेद-जाव-बंभण्णएसु परिव्वायएसु य नएसु सुपरिनिट्ठिए छ8छ?णं अणिक्खित्तेणं तवोकम्मेणं उड्ढं बाहाओ पगिज्मिय-पगिज्झिय सूराभिमुहे आयावणभूमीए आयावेमाणे विहरइ ॥
मोग्गलस्स विभंगनाणं ५१३ तए णं तस्स मोग्गलस्त परिब्वायगस्स छटुंछ?णं अणिक्खि तेणं तबोकम्मेणं उड्ढं बाहाओ पगिज्झिय-पगिज्झिय सूराभिमुहे आयावण
भूमीए आयावेमाणस्स पगइभद्दयाए पगइउवसंतयाए पगइपयणुकोहमाणमायालोभाए मिउमद्दवसंपन्नयाए अल्लीणयाए विणीययाए अण्णया कयाइ तयावरणिज्जाणं कम्माणं खओवसमेणं ईहापूह-मग्गण-गवेसणं करेमाणस्स विभंगे नाम नाणे समुप्पन्ने । से णं तेणं विभंगेणं नाणेणं समुप्पन्नणं बंभलोए कप्पे देवाणं ठिति जाणइ-पासइ॥
देवठिइविसए मोग्गलस्स विभंगनाण ५१४ तए णं तस्स मोग्गलस्स परिवायगस्स अयमेयारूवे अज्झथिए-जाव-संकप्पे समुष्पज्जित्था-अत्थि णं ममं अतिसेसे नाणदंसणे समुप्पन्ने
देवलोएसु णं देवाणं जहण्णेणं दस वाससहस्साई ठिती पण्णत्ता, तेण परं समयाहिया, दुसमयाहिया-जाव-असंखेज्जसमयाहिया, उक्कोसेणं दससागरोवमाई ठिती पण्णता। तेण परं वोच्छिण्णा देवा य देवलोगा य--एवं संपेहेइ, संपेहेत्ता आयावणभूमीओ पच्चोरुहइ, पच्चोरुहिता, तिवंडं च कुंडियं च-जाव-धाउरत्ताओ य गेण्हइ, गेण्हित्ता जेणेव आलभिया नगरी, जेणेव परिव्वायगावसहे, तेणेव उवागच्छइ, उवागच्छित्ता भंडनिक्खेवं करेइ, करेता आलभियाए नगरीए सिंघाडग-तिग-चउक्क-चच्चर-चउम्मुहमहापह-पहेसु अण्णमण्णस्स एवमाइक्खइ-जाव-परूवेइ-अस्थि णं देवाणुप्पिया! ममं अतिसेसे नाणदसणे समुप्पन्ने, देवलोएसु णं देवाणं जहण्णणं दसवाससहस्साई ठिती पण्णत्ता, तेण परं समयाहिया, दुसमयाहिया,-जाव-असंखेज्जसमयाहिया, उक्कोसेणं दससागरोवमाई ठिती पण्णता। तेण परं वोच्छिण्णा देवा य देवलोगा य॥ . तए णं मोग्गलस्स परिव्वायगस्स अंतियं एयमट्ट सोच्चा निसम्म आलभियाए नगरीए सिंघाडग-तिग-चउक्क-चच्चर-चउम्मुह-महापहपहेसु बहुजणो अण्णमण्णस्स एवमाइक्खइ-जाव-परूवेइ-एवं खलु देवाणुप्पिया! मोग्गले परिव्वायए एवमाइक्ख इ-जाव-परूवेइ-अस्थि णं देवाणुप्पिया ! ममं अतिसेसे नाणदंसणे समुप्पन्ने, एवं खलु देवलोएसु णं देवाणं जहण्णणं दसवाससहस्साई ठिती पण्णता, तेण परं समयाहिया, दुसमयाहिया-जाव-असंखेज्जसमयाहिया, उक्कोसेणं दससागरोवमाई ठिती पण्णत्ता। तेण परं वोच्छिण्णा देवा य देवलोगा य । से कहमेयं मन्ने एवं?
महावीरसमोसरणं देवठि इविसए जहत्थकहणं च ५१५ सामी समोसढे, परिसा निग्गया। धम्मो कहिओ, परिसा पडिगया। भगवं गोयमे तहेव भिक्खायरियाए तहेव बहुजणसई निसामेइ,
निसामेत्ता तहेव सव्वं भाणियग्वं-जाव-अहं पुण गोयमा! एवमाइक्खामि, एवं भासामि-जाव-परूवेमि-देवलोएसु णं देवाणं जहण्णेणं दस वाससहस्साई ठिती पण्णता, तेण परं समयाहिया, दुसमयाहिया-जाव-असंखेज्जसमयाहिया, उक्कोसेणं तेत्तीसं सागरोवमाई ठिती पण्णत्ता। तेण परं वोच्छिण्णा देवा य देवलोगा य॥ अस्थि णं भंते! सोहम्मे कप्पे दव्वाइं-सवण्णाई पि अवण्णाई पि, सगंधाई पि अगंधाई पि, सरसाई पि अरसाई पि, सफासाई पि अफासाइं पि अण्णमण्णबद्धाई अण्णमण्णपुट्ठाई अण्णमण्णबद्धपुट्ठाई अण्णमण्णघडताए चिट्ठति ? हंता अस्थि । एवं ईसाणे वि, एवं जाव अच्चुए, एवं गेवेज्जविमाणेसु, अणुत्तरविमाणेसु वि, ईसिपब्भाराए वि-जाव-? हंता अस्थि ॥ तए णं सा महतिमहालिया परिसा-जाव-जामेव दिसि पाउब्भूया तामेव दिसि पडिगया ।