Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 374

महावीरतित्थे गद्दभाली संजयराया य
११९
७५
संजएण खमाजायणं अह राया तत्थ संभंतो, अणगारो मणाहओ। मए उ मंदपुण्णेणं, रसगिद्धेण घंतुणा ॥७॥ आसं विसज्जइत्ताणं, अणगारस्स सो निवो। विणएण वंदए पाए, भगवं ! एत्थ मे खमे ॥८॥ अह मोणेण सो भगवं, अणगारे झाणमस्सिए। रायाणं न पडिमंतेइ, तओ राया भयदुओ॥९॥ संजओ अहमंसीति, भगवं! वाहराहि मे । कुद्धे तेएण अणगारे, डहेज्ज नरकोडिओ॥१०॥
गहभालिमुणिणा उवएसो ४७६ अभओ पत्थिवा! तुम्भं, अभयदाया भवाहि य । अणिच्चे जीवलोगंमि, किं हिंसाए पसज्जसि ? ॥११॥
जया सव्वं परिच्चज्ज, गंतव्वमवसस्स ते । अणिच्चं जीवलोगंमि, कि रज्जंमि पसज्जसि? ॥१२॥ जीवियं चेव रूवं च, विज्जुसंपायचंचलं । जत्थ तं मुज्झसि रायं ! पेच्चत्थं नावबुज्झसे ॥१३॥ दाराणि य सुया चेव, मित्ता य तह बंधवा । जीवंतमणुजीवंति, मयं नाणुवयंति य ॥१४॥ नीहरंति मयं पुत्ता, पियरं परमदुक्खिया । पियरो वि तहा पुत्ते, बंधू रायं ! तब चरे ॥१५॥ तओ तेणज्जिए दवे, दारे य परिरक्खिए । कोलंतऽन्ने नरा रायं ! हट्टतुट्ठमलंकिया ॥१६॥ तेणावि जं कयं कम्म, सुहं वा जइ वा दुहं । कम्मुणा तेण संजुत्तो, गच्छई उ परं भवं ॥१७॥
मुणिसमीवे रणो पव्वज्जा ४७७ सोऊण तस्स सो धम्मं, अणगारस्स अंतिए । महया संवेगनिव्वेयं, समावन्नो नराहिवो ॥१८॥
संजओ चइउं रज्जं, निक्खंतो जिणसासणे । गद्दभालिस्स भगवओ, अणगारस्स अंतिए ॥१९॥
खत्तियमुणिपण्हो ४७८ चिच्चा रटुं पव्वइए, खत्तिए परिभासइ । जहा ते दीसइ रूवं, पसन्नं ते तहा मणो ॥२०॥
कि नामे कि गोत्ते कस्सट्ठाए व माहणे । कहं पडियरसि बुद्धे, कहं विणीए ति वुच्चसि ? ॥२१॥
संजयमुणिणा अत्तकहानिवेयणं ४७९ संजओ नाम नामेणं, तहा गोत्तेण गोयमो । गद्दभाली ममायरिया, बिज्जाचरणपारगा ॥२२॥
किरियं अकिरियं विणयं, अन्नाणं च महामुणी । एएहि चहि ठार्गोह, मेवन्ने कि पभासइ ॥२३॥ इइ पाउकरे बुद्धे, नायए परिणिव्वुए । विज्जा-चरण-संपन्ने, सच्चे सच्चपरक्कमे ॥२४॥ पडंति नरए घोरे, जे नरा पावकारिणो । दिव्वं च गई गच्छंति, चरिता धम्ममारियं ॥२५॥ मायावुइयमेयं तु, मुसा भासा निरत्थिया । संजममाणो वि अहं, बसामि इरियामि य ॥२६॥ सव्वेए विइया मझं, मिच्छादिट्टी अणारिया। विज्जमाणे परे लोर, सम्म जागामि अप्पयं ॥२७॥
खत्तियमुणिणा अप्पणो पुव्वभवकहणं ४८० अहमासि महापाणे, जुइमं वरिससओवमे। जा सा पालि-महापाली, दिव्वा वरिससओवमा ॥२८॥
से चुए, बंभलोगाओ, माणुस्सं भवमागए । अप्पणो य परेसि च, आउं जाणे जहा तहा ॥२९॥ नाणारुइं च छंदं च, परिवज्जेज्ज संजए। अणट्ठा जे य सम्वत्था, इइ विज्जामगुसंवरे ॥३०॥ पडिक्कमामि पसिणाणं, परमंतेहिं वा पुणो । अहो उट्ठिए अहोरायं, इइ विज्जा तवं चरे ॥३१॥ जं च मे पुच्छसी काले, समं सुद्धण चेयसा। ताई पाउकरे बुद्ध, तं नाणं जिणसासणे ॥३२॥ किरियं च रोयइ धीरे, अकिरियं परिवज्जए । दिट्ठीए दिद्विसंपन्ने, धम्म चर सुदुच्चरं ॥३३॥