Page Text
________________
११८
धम्मकहाणुओगे दुतीओ खंधो एवं समुट्ठिओ भिक्खू, एवमेव अणेगए। मिगचारियं चरित्ताणं, उड्ढं पक्कमई दिसं ॥३॥ जहा मिए एग अणेगचारी, अणेगवासे धुवगोयरे य । एवं मुणी गोयरियं पविठे, नो होलए नो वि य खिसएज्जा ॥४॥
मियापुत्तस्स पव्वज्जा ४७३ मिगचारियं चरिस्सामि, एवं पुत्ता! जहासुहं । अम्मापिऊहिऽणुन्नाओ, जहाइ उहि तओ ॥५॥
मियचारियं चरिस्सामि, सव्वदुक्खविमोर्खाण । तुर्भेहिं अंब ! ऽणुन्नाओ, गच्छ पुत्त ! जहासुहं ॥८६॥ एवं सो अम्मापियरो, अणुमाणित्ताण बहुविहं। ममत्तं छिदई ताहे, महानागो ब्व कंचुयं ॥७॥ इड्ढी वित्तं च मित्त य, पुत्तदारं च नायओ। रेणुयं व पड़े लग्गं, निद्धणित्ताण निग्गओ ॥८॥ पंचमहव्वयजुत्तो, पंचसमिओ तिगुत्तिगुत्तो य । सब्भिंतरबाहिरए, तवोकम्ममि उज्जुओ॥८९॥ निम्ममो निरहंकारो, निस्संगो चत्तगारवो । समो य सव्वभूएसु, तसेसु थावरेसु य ॥९०॥ लाभालाभे सुहे दुक्खे, जीविए मरणे तहा । समो निंदा-पसंसासु, तहा माणावमाणओ ॥११॥ गारवेसु कसाएसु, दंड-सल्ल-भएसु य । नियत्तो हाससोगाओ, अनियाणो अबंधणो ॥९२॥ अणिस्सिओ इहं लोए, परलोए अणिस्सिओ। वासीचंदणकप्पो य, असणे अणसणे तहा ॥१३॥ अप्पसत्थेहिं दारेहिं सव्वओ पिहियासवे । अज्झप्प-ज्झाणजोहि, पसत्थ-दमसासणे ॥१४॥ एवं नाणेण चरणेण, सणेण तवेण य। भावणाहि य सुद्धाहि, सम्म भावित्तु अप्पयं ॥१५॥ बहुयाणि उ वासाणि, सामण्णमणुपालिया । मासिएण उ भत्तेण, सिद्धि पत्तो अणुत्तरं ॥९६॥ एवं करंति संबुद्धा, पंडिया पवियक्खणा। विणिअटुंति भोगेसु, मियापुत्ते जहा रिसी ॥९७॥ महप्पभावस्स महाजसस्स, मियाइपुत्तस्स निसम्म भासियं । तवप्पहाणं चरियं च उत्तम, गइप्पहाणं च तिलोगविस्सुयं ॥९॥ वियाणिया दुक्ख-विवड्ढणं धणं, ममत्तबंध च महाभयावहं । सुहावहं धम्मधुरं अणुत्तरं, धारेह निब्वाण-गुणावहं महं ॥९९॥
ति बेमि॥ उत्तर० अ० १९।
३५. महावीरतित्थे गद्दभाली संजयराया य
संजयरण्णा मुणिसमीवे मिअवहो ४७४ कंपिल्ले नयरे राया, उदिण्णबलवाहणे । नामेणं संजए नाम, मिगव्वं उवणिग्गए ॥१॥
याणीए गयाणीए, रहाणीए तहेव य । पायत्ताणीए महया, सव्वओ परिवारिए ॥२॥ मिए छुहित्ता हयगओ, कंपिल्लुज्जाणकेसरे। भीए संते मिए तत्थ, वहेइ, रसमुच्छिए ॥३॥ अह केसरम्मि उज्जाणे, अणगारे तवोधणे। सज्झायज्झाणसंजुत्ते, धम्मज्झाणं झियायइ ॥४॥ अप्फोवमंडवंमि, झायइ खवियासवे । तस्सागए 'मिए पासं, बहेइ से नराहिवे ॥५॥ अह आसगओ राया, खिप्पमागम्म सो तहिं । हए मिए उ पासित्ता, अणगारं तत्थ पासइ ॥६॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |