Page Text
________________
धम्मकहाणुओगे दुतीयो खंधो
गोयमपुच्छाए भगवओ उत्तर ३७५ भंते ! त्ति भगवं गोयमे समणं भगवं महावीरं बंदइ नमसइ, वंदित्ता नमंसित्ता एवं वयासी--
"एवं खलु देवाणुप्पियाणं अंतेवासी मेहे नामं अणगारे से णं भंते ! मेहे अणगारे कालमासे कालं किच्चा कहि गए ? कहिं उबवण्णे ?" गोयमा! इसमणे भगवं महावीरे गोयम एवं वसासी-"एवं खल गोयमा ! मम अंतेवासी मेहे नामं अणगारे पगइभद्दए-जाव-विणीए, से णं तहारूवाणं थेराणं अंतिए सामाइयमाइयाई एक्कारस अंगाई अहिज्जित्ता, बारस भिक्खुपडिमाओ गुणरयण-संबच्छरं तवोकम्म काएणं फासेत्ता-जाव-किट्टेत्ता, मए अब्भणुण्णाए समाणे गोयमाइ थेरे खामेइ, खामेत्ता तहारूवेहि कडादीहि थेरेहि सद्धि विपुलं पव्वयं सणियं-सणियं दुरूहित्ता, दब्भसंथारगं, संथरित्ता दब्भसंथारोवगए सयमेव पंचमहव्वए उच्चारेत्ता, बारस वासाइं सामण्णपरियागं पाउणित्ता, मासियाए सलेहणाए अप्पाणं झसित्ता, सट्टि भत्ताई अणसणाए छदेत्ता आलोइय-पडिक्कते उद्धियसल्ले समाहिपत्ते कालमासे कालं किच्चा उड्ढं चंदिम-सूर-गहगण-नक्खत्त-तारारूवाणं बहूई जोयणाई बहूई जोयणसयाई बहूई जोयणसहस्साई बहूई जोयणसयसहस्साई बहूओ जोयणकोडीओ बहूओ जोयणकोडाकोडीओ उड्ढे दूरं उप्पइत्ता सोहम्मीसाण-सर्णकुमार-माहिद-बंभ-लंतग-महासुक्कसहस्साराणय-पाणयारणच्चुए तिण्णि य अट्ठारसुत्तरे गेवेज्ज-विमाणवाससए वीईवइत्ता विजए महाविमाणे देवताए उववण्णे । "तत्थ णं अत्थेगइयाणं देवाणं तेत्तीस सागरोवमाइं ठिई पण्णता । तत्थ णं मेहस्स वि देवस्स तेतीसं सागरोवमाइं ठिई ॥” । "एस णं भंते ! मेहे देवे ताओ देवलोयाओ आउक्खएणं ठिइक्खएणं भवक्खएणं अणंतरं चयं चइत्ता कहिं गच्छिहिइ ? कहि उववज्जिहिइ?" 'गोयमा ! महाविदेहे वासे सिज्झिहिइ-जाव-सब्बदुक्खाणमंतं काहिइ ।।"
--त्ति बेमि
वृत्तिकृता समद्धता निगमनगाथा ३७६ महुरेहि निउणेहि, वयणेहि चोययंति आयरिया । सीसे कहिंचि खलिए, जह मेहमुणि महावीरो ॥१॥
णाया-अ. १
२२. महावीरतित्थे मकाइआई समणा
संगहणी-गाहा ३७७ १. मकाइ २. किकमे चेब, ३. मोग्गरपाणी य ४. कासवे ।
५. खेमए ६. धिइहरे चेव, ७. केलासे ८. हरिचंदणे ॥१॥ ९. वारत्त १०. सुदंसण ११. पुण्णभद्द तह १२. सुमणभद्द १३. सुपइठे । १४. मेहे १५. ऽतिमुत्त १६. अलक्के, अज्झयणाणं तु सोलसयं ।।२।।
मकाई समणे किकिमे य ३७८ तेणं कालेणं तेणं समएणं रायगिह नयरे। गुणसिलए चेइए। सेणिए राया ।।
तत्थ णं मकाइ नाम गाहावई परिवसइ-अड्ढे-जाव-अपरिभूए। तेणं कालेणं तेणं समएणं समणे भगवं महावीरे आदिकरे गुणसिलए-जाव- संजमेणं तवसा अम्पाणं भावेमाणे विहरइ। परिसा निग्गया । तए णं से मकाई गाहावई इमीसे कहाए लट्ठ जहा पण्णत्तीए गंगदत्ते तहेव इमो वि जेट्टपुत्तं कुडंबे ठवेत्ता पुरिससहस्स-बाहिणीए सीयाए निक्खंते-जाव-अणगारे जाए - इरियासमिए । तए णं से मकाई अणगारे समणस्स भगवओ महावीरस्स तहारूवाणं थेराण अंतिए समाइयमाइयाई एक्कारस अंगाई अहिज्जइ ।
सेसं जहा खंदगस्स गुणरयणं तवोकम्मं । सोलसवासाइं परियाओ। तहेव बिउले सिद्धे ॥ ३७९ किकमे वि एवं चेव-जाव-विउले सिद्धे ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |