Page Text
________________
९१
महावीरतित्थे मेहकुमारसमणे
पडियाइक्खियस्स पाओवगयरस कालं अणवकखमाणस्स विहरित्तए-एवं संपेहेइ, संपेहेत्ता कल्लं पाउप्पभायाए रयणीए-जाव-उद्धियम्मि सूरे सहस्सरस्सिम्मि दिणयरे तेयसा जलते जेणेव समणे भगवं महावीरे तेणेव उवागच्छ इ, उवागच्छित्ता समणं भगवं महावीरं तिक्खुत्तो आयाहिण-पायाहिणं करेइ, करेत्ता वंदह नमसइ, बंदित्ता नमंसित्ता नच्चासण्णे नाइदूरे सुस्सूसमाणे नमसमाणे अभिमुहे
विणएणं पंजलिउडे पज्जुबासइ॥ ३७१ 'मेहा' इ समणे भगवं महावीरे मेहं अणगारं एवं वयासी
“से नणं तव मेहा! राओ पुष्वरत्तावरत्तकालसमयंसि धम्मजागरियं जागरमागस्त अयमेयारूवे अज्झथिए-जाव-संकप्पे समुप्पज्जित्थाएवं खलु अहं इमेणं ओरालेणं तवोकम्मेणं सुक्के-जाव-जेणेव इहं तेणेव हव्वमागए। "से नूणं मेहा! अट्ट सम? ?" "हंता, अत्थि ।"
''अहासुहं देवाणुप्पिया ! मा पडिबंधं करेहि ॥" ३७२ तए णं से मेहे अणगारे समणेणं भगवया महावीरेणं अब्भणण्णाए समाणे हट्ठतुट्ठ-चित्तमाणंदिए-जाब-हरिसवस-विसप्पमाणहियए उट्टाए
उट्ठद, उट्ठता समणं भगवं महावीरं तिक्खुत्तो आयाहिण-पयाहिणं करेइ, करेत्ता बंदइ नमसइ, बंदित्ता नमंसित्ता सयमेव पंच महन्वयाई आरुहेइ, आरुहेत्ता गोयमादीए समणे निगाथे निग्गंथोओ य खामेइ, खामेत्ता तहारूहि कडादीहि थेरेहि सद्धि विपुलं पव्वयं सणियं-सणियं दुरूहह, दुरूहित्ता सयमेव मेहघणसण्णिगासं पुढविसिलापट्टयं पडिलेहेइ, पडिलेहेता उच्चारपासवणभूमि पडिलेहेइ, पडिलेहेत्ता दम्भसंथारगं संथरइ, संथरित्ता बन्भसंथारगं दुरूहइ, दुरूहिला पुरत्याभिमुहे संपलियंकनिसण्णे करयलपरिगहियं सिरसावत्तं मत्थए अंजलि कटु एवं वयासी-- "नमोत्थु णं अरहंताणं-जाव-सिद्धिगइनामधेज्ज ठाणं संपत्ताणं । नमोत्थु णं गमणस्स-जाव-सिद्धिगइनामधेज्ज ठाणं संपाविउकामस्स मम धम्मायरियस्स । वंदामि णं भगवंतं तत्थगयं इहगए, पासउ म भगवं तत्थगए इहगयं" ति कटु वंदइ नमसइ, वंदित्ता नमंसित्ता एवं वयासी"पुग्वि पि य णं मए समणस्स भगवओ महावीरस्स अंतिए सव्वे पाणाइवाए पच्चक्खाए-जाव-मिच्छादसणसल्ले-पच्चक्खाए। "इयाणि पिणं अहं तस्सेब अंतिए सव्वं पाणाइवायं पच्चक्खामि-जाव-मिच्छादंसणसल्लं पच्चक्खामि, सव्वं असण-पाण-खाइम-साइम चउम्विहं पि आहार पच्चक्खामि जावज्जीवाए। "ज पि य इमं सरीरं इ8-जाव-विविहा रोगायंका परीसहोवसग्गा फुसंतीति कटु एवं पि य णं चरमेहि ऊसास-नीसासेहि वोसिरामि" त्ति कट्ट संलेहणा-झूसणा-झूसिए भत्तपाण-पडियाइक्खिए पाओवगए कालं अणवकखमाणे विहरइ ॥ तए णं ते थेरा भगवंतो मेहस्स अणगारस्स अगिलाए बेयावडियं करेंति ॥
मेहस्स समाहिमरणं ३७३ तए णं से मेहे अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारसअंगाई अहिज्जित्ता, बहुपडि
पुण्णाई दुवालसवरिसाई सामण्णपरियागं पाउणित्ता, मासियाए संलेहणाए अप्पाणं झोसेत्ता, ट्ठि भत्ताई अणसगाए छएत्ता, आलोइयपडिक्कते उद्धियसल्ले समाहिपत्ते अणुपुत्वेणं कालगए।
थेरेहि मेहस्स आयारभंडसमप्पणं ३७४ तए णं ते थेरा भगवंतो मेहं अणगारं अणुपुब्वेणं कालगयं पासंति, पासित्ता परिनेव्वाणवत्तियं काउस्सगं करेंति, करेत्ता मेहस्स आयार-गं
भंडगं गेहंति, विउलाओ पव्वयाओ सणियं-सणियं पच्चोरुहंति, पच्चोरुहित्ता जेणामेव गुणसिलए चेइए, जेणामेव समणे भगवं महावीरे, तेणामेव उवागच्छंति, उवागच्छिता समणं भगवं महावीरं वंदंति नमसंति, वंदित्ता नमंसित्ता एवं बयासी-- "एवं खल देवाणुप्पियाणं अंतेवासी मेहे नामं अणगारे पगइभद्दए-जाव-विणीए, से णं देवाणुप्पिएहि अब्भणुण्णाए समाणे गोयमाइए समणे निग्गथे निग्गंथीओ य खामेत्ता अम्हेहि द्धि विपुलं पव्वयं सणियं-सणियं दुरूहइ, सयमेवमेघघणसण्णिगास पुढविसिलं पडिलेहेइ, भत्तपाणपडियाइक्खिए अणुपुट्वेणं कालगए। "एस णं देवाणुप्पिया! मेहस्स अणगारस्स आयारभंडए ॥"
अमीर, वाणिकि अगर का समय यावर समो
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |