Page Text
________________
धम्मकहाणुओगे दुतीयो खंधो
मेहस्स भिक्खुपडिमा ३६७ तए णं से मेहे अणगारे अण्णया कयाइ समणं भगवं महावीरं वंदइ नमसइ, वंदित्ता नमंसित्ता एवं बयासी--
"इच्छामि गं भंते ! तुब्र्भहिं अब्भणुण्णाए समाणे मासियं भिक्खुपडिम उवसंपज्जित्ता णं विहरित्तए।" "अहासुहं देवाणुप्पिया! मा पडिबंधं करेहि ॥" तए णं से मेहे अणगारे समणेणं भगवया महावीरेणं अन्भणुण्णाए समाणे मासियं भिक्खुपडिम उवसंपज्जित्ता णं विहरइ । मासियं भिक्खुपडिमं अहासुतं अहाकप्पं अहामग्गं सम्म काएणं फासेइ-जाव-किट्टेइ, सम्म काएणं फासेत्ता-जाव-किमुत्ता पुणरवि समणं भगवं महावीरं वंदइ नभंसइ, वंदित्ता नमंसित्ता एवं वयासी-- "दृच्छामि णं भंते ! तुम्ह अब्भणुण्णाए समाणे दोमासियं भिक्खुपडिम उवसंपज्जित्ता गं विहरित्तए।" "अहासुहं देवाणुप्पिया ! मा पडिबंध करेहि।" जहा पढमाए अभिलावो तहा दोच्चाए तच्चाए चउत्थाए पंचमाए छम्मासियाए सत्तमासियाए पामसत्तराईदियाए दोच्चसत्तराईदियाए तच्चसत्तराइंदियाए अहोराइयाए एगराइयाए वि।।
मेहस्स गुणरयणसंवच्छरतवो ३६८ तए णं से मेहे अणगारे बारस भिक्खपडिमाओ सम्मं कारणं फासेत्ता-जाव-किदृत्ता पुणरवि वंदइ नमसइ, वंदित्ता नमंसित्ता
एवं वयासी--"इच्छामि णं भंते ! तुब्र्भेहि अब्भणुण्णाए समाणे गुणरयणसंबच्छरं तवोकम्म' उवसंपज्जित्ता णं विहरित्तए।" । "अहासुहं देवाणुप्पिया! मा पडिबंधं करेहि ॥"१ . . . तए णं से मेहे अणगारे गुणरयणसंवच्छरं तवोकम्मं अहासुत्तं अहाकप्पं अहामग्गं सम्म कारणं फासेइ-जाव-किट्टेइ अहासुत्तं अहाकप्पं अहामग्गं सम्मं काएणं फासेता-जाव- किमुत्ता समणं भगवं महावीरं वंदइ नमसइ, वंदित्ता नमंसित्ता बहूहि छट्ठमदसमदुवालसेहि मासद्धमासखमणेहि विचित्तेहि तवोकम्मेहि अप्पाणं भावेमाणे विहरइ ।
मेहस्स सरीरदसा ३६९ तए णं से मेहे अणगारे तेणं ओरालेणं विपुलेणं सस्सिरीएणं पयत्तेणं पग्गहिएणं कल्लाणेणं सिवेणं धनेणं मंगल्लेणं उदग्गेणं उदारेणं
उत्तमेणं महाणुभावेणं तवोकम्मेणं सुक्के लुक्खे निम्मंसे किडिकिडियाभूए अद्विचम्मावणद्धे किसे धमणिसंतए जाए यावि होत्थाजीवंजीवेणं गच्छद, जीवंजीवेणं चिट्ठइ, भासं भासित्ता गिलाइ, भासं भासमाणे गिलाइ, भास भासिस्सामि ति गिलाइ । से जहानामए इंगालसगडिया इ वा कट्ठसगडिया इ वा पत्तसगडिया इ वा तिलसगडिया इ वा एरंडसगडिया इ वा उण्हे दिन्ना सुक्का समाणी ससई गच्छइ, ससई चिट्ठइ, एवामेव मेहे अणगारे ससदं गच्छइ, ससई चिट्ठइ, उचिए तवेणं, अवचिए मंससोणिएणं, हयासणे इव भासरासिपरिच्छन्ने तघेणं तेएणं तवतेयसिरीए अईव-अईव उवसोभेमाणे-उवसोभेमाणे चिद ।
३७०
मेहस्स विपुलपव्वए अणसणं तेणं कालेणं तेणं समएणं समणे भगवं महावीरे आइगरे तित्थगरे-जाव-पुष्वाणुपुन्वि चरमाणे गामाणुगामं दूइज्जमाणे सुहंसुहेणं विहरमाणे जेणामेव रायगिहे नयरे जेणामेव गुणसिलए चेइए तेणामेव उवागच्छइ, उवागच्छित्ता अहापडिरूवं ओग्गहं ओगिण्हित्ता संजमेणं तवसा अप्पाणं भावमाणे विहरइ ॥ तए णं तस्स मेहस्स अणगारस्स राओ पुन्वरत्तावरत्तकालसमयंसि धम्मजागरियं जागरमाणस्स अयमेयारूवे अज्झथिए-जाव-समुप्पज्जित्था-एवं खलु अहं इमेणं ओरालेण-जाव-तवोकम्मेणं सुक्के लुक्खे निम्मंसे किडिकिडियाभूए अद्विचम्मावणद्धे किसे धमणिसंतए जाए यावि होत्था--जीवंजीवेणं गच्छामि-जाव-भासं भासिस्सामि त्ति गिलामि । तं अत्थि ता मे उट्ठाणे कम्मे बले वीरिए पुरिसकार-परक्कमे सद्धा-धिइ-संवेगे, तं जावता मे अत्थि उट्ठाणे कम्मे बले वीरिए पुरिसकार-परक्कमे सद्धा-धिइ-संवेगे,-जाव-य मे धम्मायरिए धम्मोवएसए समणे भगवं महावीरे जिणे सुहत्थी विहर इ, ताव ता मे सेयं कल्लं पाउप्पभायाए रयणीए-जाव-उट्ठियम्मि सूरे सहस्सरस्सिम्मि दिणयरे तेयसा जलंते समणं भगवं महावीरं वंदित्ता नमंसित्ता समणेणं भगवया महावीरेणं अब्भणुण्णायस्स समाणस्स सयमेव पंच महन्वयाइं आरुहित्ता गोयमादीए समणे निग्गंथे निग्गंथीओ य खामेत्ता तहारूवेहि कडाईहि थेरेहि सद्धि विउलं पव्वयं सणियं-सणियं दुरुहिता सयमेव मेहघणसण्णिगासं पुढविसिलापट्टयं पडिलेहित्ता संलेहणा-झूसणा-झूसियस्स भत्तपाणएत्थ मूलपाठगयं गुणरयणसंबच्छारतबोकम्मस्स वण्णणं चरणाणुओगस्स तवायारे दट्टव्वं ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |