Page Text
________________
महावीरतित्थे मेहकुमारसमणे
८९
"तए णं तुम मेहा! जुण्णे जरा-जज्जरिय-देहे सिढिलवलितय-पिणिद्धगत्ते दुब्बले किलंते जुजिए पिवासिए अत्थामे अबले अपरक्कमे अचंकमणा वा ठाणुखंडे वेगेण विप्पसरिस्सामि त्ति कटु पाए पसारेमाणे विज्जुहए विव रययगिरि-पम्भारे धरणितलंसि सव्वं हिं सण्णिवइए॥ "तए णं तव मेहा ! सरीरगंसि वेयणा पाउन्भूया--उज्जला-जाब-दुरहियासा। पित्तज्जरपरिगयसरीरे दाहवक्कंतीए यावि विहरसि ॥
मेहभवो तत्थ य तितिक्खोवदेसो ३६२ "तए णं तुम मेहा! तं उज्जलं-जाव-दुरहियासं तिण्णि राइंदियाइं वेयणं वेएमाणे विहरिता एगं वाससयं परमाउं पालइत्ता इहेव
जंबुद्दीवे दीवे भारहे वासे रायगिहे नयरे सेणियस्स रणो धारिणीए देवीए कुच्छिसि कुमारत्ताए पच्चायाए । तए णं तुम मेहा! आणुपुवेणं गन्भवासाओ निक्खंते समाणे उम्मुक्कबालभावे जोव्वणगमणुप्पत्ते मम अंतिए मुंडे भवित्ता अगाराओ अणगारियं पव्वइए। "तं जद्द ताव तुमे मेहा ! तिरिक्खजोणियभावमुवगएणं अपडिलद्ध-सम्मत्तरयणलंभणं से पाए पाणाणुकंपयाए-जाव-सत्ताणुकंपयाए अंतरा चेव संधारिए, नो चेव णं निक्खित्ते । किमंग पुण तुम मेहा ! इयाणि विपुलकुलसमुभवे णं निरुवयसरीर-दंतलद्धपंचिदिए गं एवं उट्ठाण-बल-वीरिय-पुरिसगार-परक्कमसंजुत्ते णं मम अंतिए मुंडे भविता अगाराओ अगगारियं पव्वइए समाणे समणाणं निग्गंथाणं राओ पुन्वरत्तावरतकालसमयंसि वायणाए-जाव-धम्माणुओगचिताए य उच्चारस वा पासवणस्त वा अइगच्छमाणाण य निग्गच्छमाणाण य हत्थसंघट्टणाणि य-जाब-रय-रेणु-ांडणाणि य नो सम्मं सहसि खमसि तितिक्खसि अहियासेसि?"
मेहस्स जाईसरणं ३६३ तए णं तस्स मेहस्स अणगारस्स समणस्स भगवओ महावीरस्स अंतिए एयमढे सोच्चा निसम्म सुहं परिणामेहि-जाव-पसत्थेहि
अज्झवसाणेहिं लेसाहिं विसुज्झमाणीहि तयावरणिज्जाणं कम्माणं खओवसमेणं ईहापूह-मग्गण-गवेसणं करेमाणस्स सण्णिपुग्वे जाइसरणे समुप्पण्णे, एयमढं सम्म अभिसमेइ ।।
मेहस्स पुणो पव्वज्जा ३६४ तए णं से मेहे कुमारे समणेणं भगवया महावीरेणं संभारियपुब्वभवे दुगुणाणीयसंवेगे आणंदअंसुपुण्णमुहे हरिसवसविसप्पमाणहियए
धाराहयकलंबकं पिव समूससियरोमकूवे समणं भगवं महावीरं वंदइ नमसइ, वंदित्ता नमंसित्ता एवं वयासी-- "अज्जप्पभिती णं भंते ! मम दो अच्छीणि मोत्तणं अवसेसे काए समणाणं निग्गंथाणं निस? त्ति कटु पुणरवि समणं भगवं महावीरं वंदइ नमसइ, वंदित्ता नमंसित्ता एवं बयासी-- "इच्छामि णं भंते ! इयाणि दोच्चं पि सयमेव पव्वावियं-जाव-सयमेव आयार-गोयरं जायामायावत्तियं धम्ममाइक्खियं ॥" तए णं समणे भगव' महावीरे मेहं कुमारं सयमेव पव्वावेइ -जाव-जायामायावत्तियं धम्ममाइक्खद "एवं देवाणुप्पिया ! गंतव्वं, एवं चिट्टियव्वं, एवं निसीयव्वं, एवं तुयट्टियव्वं, एवं भुंजियव्वं एवं भासियव्वं एवं उट्ठाए उट्ठाय पाणाणं-जाव-सत्ताणं संजमेणं संजमियव्वं ॥" तए णं से मेहे समणस्स भगवओ महावीरस्स अयमेयारूवं धम्मियं उबएसं सम्म पडिच्छइ, पडिच्छित्ता तह गच्छइ-जाव-संजमेणं संजमइ॥
मेहस्स नियंठचरिया ३६५ तए णं से मेहे अणगारे जाए-इरियासमिए -जाव- इणमेव निग्गंथं पावयणं पुरओ काउं विहरति ।।
तए णं से मेहे अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारस अंगाई अहिज्जइ, अहिज्जित्ता बहूहि छट्ठट्ठमबसमबुवालसेहिं मासद्धमासखमणेहि अप्पाणं भावेमाणे विहरइ ।।
महावीरस्स रायगिहाओ बहिया जणवयविहारो ३६६ तए णं समणे भगवं महावीरे रायगिहाओ नयराओ गुणसिलयाओ चेइयाओ पडिणिक्खमइ, पडिणिक्खमित्ता बहिया जणवयविहारं
विहरई॥
ध० के०१२
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |