Page Text
________________
महावीरतित्थे मेहकुमारसमणे
गसमाणे रयणे रयणभूए जीविय-उस्सासिए हियय-णंदि-जणणे उंबरपुष्पं व दुल्लहे सवणयाए, किमंग पुण पासणयाए ? नो खलु जाया! अम्हे इच्छामो खणमवि विप्पओगं सहित्तए। तं भुंजाहि ताव जाया! विपुले माणुस्सए कामभोगे जाव ताव वयं जीवामो । तओ पच्छा अम्हेहि कालगएहि परिणयवए वढिय-कुलवंसतंतु-कज्जम्मि निरावयक्खे समणस्स भगवओ महावीरस्स अंतिए मुंडे भवित्ता अगाराओ अणगारियं पब्वइस्ससि ॥" तए णं से मेहे कुमारे अम्मापिऊहिं एवं बुत्ते समाणे अम्मापियरो एवं बयासी"तहेब णं तं अम्मताओ! जहेव णं तुम्भे ममं एवं वयह--'तुमं सि णं जाया ! अम्हं एगे पुत्ते-जाव-पव्वइस्ससि ।' "एवं खलु अम्मयाओ! माणुस्सए भवे अधुबे अणितिए असासए वसणसओवद्दवाभिभूते विज्जुलयाचंचले अणिच्चे जलबुब्बुयसमाणे कुसग्गजबिंदुसन्निभे संझब्भरागसरिसे सुविणदंसणोवमे सडण-पडण-विद्धसण-धम्मे पच्छा पुरं च णं अवस्सविप्पजहणिज्जे। से के णं जाणइ अम्मयाओ! के पुवि गमणाए, के पच्छा गमणाए? तं इच्छामि णं अम्मयाओ! तुहिं अब्भणुण्णाए समाणे समणस्स भगवओ महावीरस्स अंतिए मुंडे भवित्ता णं अगाराओ अणगारियं पब्वइत्तए॥" तए णं तं मेहं कुमारं अम्मापियरो एवं वयासी"इमाओ ते जाया! सरिसियाओ सरित्तयाओ सरिव्वयाओ सरिसलावण्ण-रूव-जोव्वण-गुणोववेयाओ सरिसेहितो रायकुलेहितो आणिल्लियाओ भारियाओ। तं भुजाहि णं जाया! एयाहिं सद्धि विउले माणुस्सए कामभोगे। पच्छा भुत्तभोगे समणस्स भगवओ महावीरस्स अंतिए मुंडे भवित्ता अगाराओ अणगारियं पन्वइस्ससि ॥" तए णं से मेहे कुमारे अम्मापियरं एवं बयासी"तहेव णं तं अम्मयाओ ! जं गं तुम्भे ममं एवं वयह-'इमाओ ते जाया ! सरिसियाओ-जाव-भारियाओ । तं भुंजाहि णं जाया! एयाहि सद्धि विउले माणुस्सए कामभोगे। पच्छा भुत्तभोगे समणस्स भगवओ महावीरस्स अंतिए मुंडे भवित्ता अगाराओ अणगारियं पब्वइस्ससि ।' "एवं खलु अम्मयाओ ! माणुस्सगा कामभोगा असुई वंतासवा पित्तासवा खेलासवा सुक्कासवा सोणियासवा दुरुस्सास-नीसासा दुरुय-मुत्त-पुरीस-पूय-बहुपडिपुण्णा उच्चार-पासवण-खेल-सिंघाणग-वंत-पित्त-सुक्क-सोणियसंभवा अधुवा अणितिया असासया सडणपडण-विद्धसणधम्मा पच्छा पुरं च णं अवस्सविप्पजहणिज्जा। "से के णं जाणइ अम्मयाओ ! के पुब्वि गमणाए, के पच्छा गमणाए ? तं इच्छामि गं अम्मयाओ ! तुहिं अब्भणुण्णाए समाणे समणस्स भगवओ महावीरस्स अंतिए मुंडे भवित्ता णं अगाराओ अणगारियं पव्वइत्तए॥" तए णं तं मेहं कुमारं अम्मापियरो एवं बयासी"इमे य ते जाया! अज्जय-पज्जय-पिउपज्जयागए सुबहू हिरण्णे य सुवणे य कसे य दूसे य मणि-मोत्तिय-संख-सिल-प्पवालरत्तरयण-संतसार-सावएज्जे य अलाहि-जाव-आसत्तमाओ कुलवंसाओ पगामं दाउं पगामं भोत्तुं पगामं परिभाएउ । तं अणुहोही ताव जाया! विपुलं माणुस्सगं इड्ढिसक्कारसमुदयं । तओ पच्छा अणुभूयकल्लाणे समणस्स भगवओ महावीरस्स अंतिए मुंडे भवित्ता अगाराओ अणगारियं पव्वइस्ससि ॥" तए णं से मेहे कुमारे अम्मापियरं एवं बयासी"तहेव णं तं अम्मयाओ! जं णं तुम्भे ममं एवं वयह-'इमे ते जाया ! अज्जग-पज्जग-पिउपज्जयागए-जाव-तओ पच्छा अणुभूयकल्लाणे समणस्स भगवओ महावीरस्स अंतिए मुंडे भवित्ता अगाराओ अणगारियं पब्वइस्ससि।' "एवं खलु अम्मयाओ ! हिरण्णे य जाव साबएज्जे य अग्गिसाहिए चोरसाहिए रायसाहिए दाइयसाहिए मच्चुसाहिए, अग्गिसामण्णे -जाव- मच्चुसामण्णे सडण-पडण-विद्धंसणधम्मे पच्छा पुरं च णं अवस्सविप्पजहणिज्जे। से के णं जाणइ अम्मयाओ! के पुब्धि गमणाए, के पच्छा गमणाए? तं इच्छामि णं अम्मयाओ! तुर्भेहि अब्भणुण्णाए समाणे समणस्स भगवओ महावीरस्स अंतिए मंडे भवित्ता णं अगाराओ अणगारियं पव्वइत्तए।"
३३८ तए णं तस्स मेहस्स कुमारस्स अम्मापियरो जाहे नो संचाएंति मेहं कुमारं बहूहि विसयाणुलोमाहि आधवणाहि य पण्णव णाहि
य सण्णवणाहि य विष्णवणाहि य आधवित्तए वा पण्णवित्तए वा सण्णवित्तए वा विष्णवित्तए वा ताहे विसयपडिकूलाहिं संजमभउब्वेयकारियाहि पण्णवणाहि पण्णवेमाणा एवं बयासी
धक०११
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |