Page Text
________________
महावीरतित्थे मेहकुमारसमणे
अवलोएमाणीओ नागरजणेणं अभिनंदिज्जमाणीओ गुच्छ-लया-रुक्ख-गुम्म-वल्लि-गुच्छोच्छाइयं सुरम्मं वेभारगिरिकडग-पायमलं सव्वओ समंता आहिंडमाणीओ-आहिंडमाणीओ दोहलं विणिति । तं जइ णं अहमवि मेहेसु अब्भुगएसु-जाव-दोहलं विणिज्जामि ॥"
धारिणीए चिंता ३०३ तए णं सा धारिणी देवी तंसि दोहलंसि अविणिज्जमाणंसि असंपत्तदोहला असंपुण्णदोहला असम्माणियदोहला सुक्का भुक्खा निम्मंसा
ओलुग्गा ओलुग्गसरीरा पमइलदुब्बला किलंता ओमंथियवयण-नयणकमला पंडुइयमुही करयलमलिय व्व चंपगमाला नित्तया दीणविवण्णवयणा जहोचिय-पुप्फ-गंध-मल्लालंकार-हारं अणभिलसमाणी किटारमणकरियं परिहावेमाणी दोणा दुम्मणा निराणंदा भूमिगयदिट्ठीया ओहयमणसंकप्पा करतलपल्हत्थमुही अट्ट ज्झाणोवगया झियाइ ।।
पडिचारियाहिं चिताकारणपुच्छा ३०४ तए णं तीसे धारिणीए देवीए अंगपडिचारियाओ अभितरियाओ दासचेडियाओ य धारिणि देवि ओलुग्गं झियायमाणि पासंति, पासित्ता
एवं वयासी"किण्णं तुमे देवाणुप्पिए ! ओलुग्गा ओलुग्गसरीरा-जाव-झियायसि ?" तए णं सा धारिणी देवी ताहिं अंगपडिचारियाहिं अभितरियाहि दासचेडियाहि य एवं वुत्ता सभाणी ताओ दासवेडियाओ नो आढाइ नो परियाणह, अणाढायमाणी अपरियाणमाणी तुसिणीया संचिद्रह । तए णं ताओ अंगपडिचारियाओ अभितरियाओ दासचेडियाओ य धारिणि देवि दोच्चं पि तच्चं पि एवं वयासी" किणं तुमे देवाणुप्पिए ! ओलुग्गा ओल्गसरीरा-जाव-झियायसि ?" तए णं सा धारिणी देवी ताहि अंगपडिचारियाहि अभितरियाहि दासचेडियाहि य दोच्चं पि तच्चं पि एवं कुत्ता समाणी नो आढाइ नो परियाणइ, अणादायमाणो अपरियाणमाणी तुसिणीया संचिट्ठइ ।।
पडिचारियाहिं सेणियस्स निवेदण। ३०५ तए णं ताओ अंगपडिचारियाओ अभितरियाओ दासचेडियाओ य धारिणीए देवीए अणाढाइज्जमाणीओ अपरियाणिज्जमाणीओ तहेव
संभंताओ समाणीओ धारिणीए देवीए अंतियाओ पडिनिक्खमंति, पडिनिक्खमित्ता जेणेव सेणिए राया तेणेव उवागच्छंति, उवागच्छित्ता करयलपरिग्गहियं दसणहं सिरसावत्तं मत्थए अंजलि कटु जएणं विजएणं वद्धाति, वद्धावेत्ता एवं वयासी"एवं खलु सामी! किंपि अज्ज धारिणी देवी ओलुग्गा ओलुग्गसरीरा-जाव-अट्टज्झाणोवगया झियायइ॥"
सेणिएणं चिताकारणपुच्छा ३०६ तए णं से सेणिए राया तासि अंगडचारियाणं अंतिए एयम सोच्चा निसम्म तहेव संभते समाणे सिग्धं तुरियं चवलं वेइयं
जेणेव धारिणी देवी तेणेव उवागच्छड, उवागच्छिता धारिणि देवि ओलुग्गं ओलुग्गसरीरं-जाव-अट्ट ज्झाणोवगयं झियायमाणि पासइ, पासित्ता एवं वयासी"किण्णं तुम देवाणुप्पिए ! ओलुग्गा ओलुगसरीरा-जाव-अट्टज्माणोवगया झियायसि ? " तए णं सा धारिणी देवी सेणिएणं रण्णा एवं वुत्ता समाणी नो आढाइ नो परियाणइ-जाव-तुसिणीया संचिट्ठइ ।। तए णं से सेणिए राया धारिणि देवि दोच्चं पि तच्चं पि एवं वयासी"किण्णं तुम देवाणुप्पिए ! ओलुग्गा ओल्लुगसरीरा-जाव-अट्टज्झाणोवगया झियाससि ?" । तए णं सा धारिणी देवी सेणिएणं रण्णा दोच्चं पि तच्चं पि एवं वुत्ता समाणो नो आढाइ नो परियाणइ-जाव-तुसिणीया संचिट्टइ। तए णं से सेणिए राया धारिणि देवि सवह-सावियं करेइ, करेत्ता एवं वयासी-- "किणं देवाणुप्पिए! अहमेयस्स अट्ठस्स अणरिहे सवणयाए? तो णं तुमं ममं अयमेयारूवं मणोमाणसियं दुक्खं रहस्सीकरेसि ॥"
धारिणीए चिताकारणनिवेदणं ३०७ तए गं सा धारिणी देवी सेणिएणं रणा सवह-साविया समाणी सेणियं रायं एवं वयासी
"एवं खलु सामी! मम तस्स उरालस्स-जाव-महासुमिणस्स तिण्हं मासाणं बहुपडिपुष्णाणं अयमेयारूवे अकालमेहेसु दोहले पाउम्भूएघक०१०
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |