________________
२०. महावीरतित्थे अलक्कराया
अलक्करायस्स पव्वज्जा २९० तेणं कालेणं तेणं समएणं वाणारसी नयरी, काममहावणे चेइए॥
तत्व णं वाणारसीए अलक्के नाम राया होत्था ॥ तेणं कालेणं तेणं समएणं समणे भगवं महावीरे-जाव-विहरइ । परिसा निग्गया। तए णं अलक्के राया इमीसे कहाए लद्धढे हट्ठतुळे जहा कोणिए-जाव-पज्जुवासइ । धम्मकहा। तए णं से अलक्के राया समणस्स भगवओ महावीरस्स अंतिए जहा उद्दायणे तहा निक्खंते, नवरं--जेटुपुत्तं रण्जे अभिसिंचइ। एक्कारस अंगाई। बहू वासा परियाओ-जाव-विपुले सिद्धे ॥
अंत० व० ६ अ०१६ ।
२१. महावीरतित्थे मेहकुमारसमणे
रायगिहे सेणिओ राया २९१. तेणं कालेणं तेणं समएणं इहेव जंबुद्दीवे दीवे भारहे वासे दाहिणड्ढभरहे रायगिहे नाम नयरे होत्था--वण्णओ॥
गुणसिलए चेतिए--वण्णओ॥ तत्थ गं रायगिहे नयरे सेणिए नाम राया होत्या--महताहिमवंत-महंत-मलय-मंदर-महिंदसारे वण्णओ॥ तस्स णं सेणियस्स रण्णो नंदा नामं देवी होत्था--सूमालपाणिपाया वण्णओ॥ तस्स णं सेणियस्स पुत्ते नंदाए देवीए अत्तए अभए नाम कुमारे होत्था-अहीण-पडिपुण्ण-चिबियसरीरे-जाव-सेणियस्स रण्णो रज्ज च रटुच कोसं च कोट्ठागारं च बलं च वाहणं च पुरं च अंतेउरं च सयमेव समुपेक्खमाणे समुपेक्खमाणे विहरइ ।
सेणियस्स धारिणी भारिया २९२. तस्स णं सेणियस्स रण्णो धारिणी नाम देवी होत्था-जाव-सुकुमाल-पाणिपाया विहरइ ।
धारिणीए सुमिणदंसणं २९३ तए णं सा धारिणी देवी अण्णदा कदाइ तंसि तारिसगंसि--छक्कट्ठग-लट्ठमट्ठसंठिय-खंभुग्गय-पवरवर-सालभंजिय-उज्जल-मणि-कणग
रयण-थूभिय-विडंकजालद्धचंद-निज्जूहंतरकणयालिचंदसालियाविभत्तिकलिए सरसच्छधाऊवल-वण्णरइए बाहिरओ दूमिय-घटु-मठे अभितरओ पसत्त-सुविलिहिय-चित्तकम्मे नाणाविह-पंचवण्ण-मणिरयण-कोट्टिमतले पउमलया-फुल्लवल्लि-वरपुष्फजाइ-उल्लोयचित्तिय-तले बंदण-वरकणगकलससुणिम्मिय-पडिपूजिय-सरसपउमसोहंतदारभाए पयरग-लंबंत-मणिमुत्तदाम-सुविरइयदारसोहे सुगंध-बर कुसुममउय-पम्हलसयणोवयार-मणहिययनिव्वुइयरे कप्पूर-लवंग-मलय-चंदण-कालागरु-पवरकुंदुरुक्क-तुरुक्क-धूव-डज्झत-सुरभि-मघमत
Jain Education International
For Private & Personal Use Only
www.jainelibrary.org
