Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 320

महावीरतित्थे अद्दगस्स अण्णतित्थिएण सह वादो
अद्दगस्स उत्तरं णवं ण कुज्जा विहुणे पुराणं चिच्चाऽमई ताइ य साह एवं । एतावता बंभवति त्ति वुत्ते तस्सोदयट्ठी समणे त्ति बेमि ॥२०॥ समारभंते वणिया भूयगाम परिग्गहं चेव ममायमाणा । ते णाइसंजोगमविप्पहाय आयस्स हेउं पगरेंति संगं ॥२१॥ वित्तेसिणो मेहुणसंपगाढा ते भोयणट्ठा बणिया वयंति । वयं तु कामेहि अज्झोववण्णा अणारिया पेमरसेसु गिद्धा ॥२२॥ आरंभगं चेव परिग्गहं च अविउस्सिया णिस्सिय आयदंडा। तेसि च से उदए जं वयासी चउरंतणंताय दुहाय ह ॥२३॥ गति णच्चंति वओदए से वयंति ते दो वि गुणोदयम्मि । से उदए साइमणंतपत्ते तमुदयं साहयइ ताइ णाई ॥२४॥ अहिंसयं सव्वपयाणुकंपी धम्मे ठियं कम्मविवेगहेउं । तमायदंडेहि समायरंता अबोहिए ते पडिरूवमेयं ॥२५॥
बुद्ध-भिक्खूणं हिंसा-अहिंसाविसये मतनिवेयणं २८० पिण्णागपिंडीमवि विद्ध सूले केई पएज्जा पुरिसे इमे त्ति। अलाउयं वा वि कुमारग त्ति स लिप्पई पाणिवहेण अम्हं ॥२६॥
अहवा वि विद्धण मिलक्ख सूले पिण्णागबुद्धीए णरं पएज्जा । कुमारगं वा वि अलाउए ति ण लिप्पई पाणिबहेण अम्हं ॥२७॥ पुरिसं च विद्धण कुमारगं वा सूलंमि केई पए जायतेए । पिण्णागपिडि सइमारुहेत्ता बुद्धाण तं कप्पइ पारणाए ॥२८॥ सिणायगाणं तु दुवे सहस्से जे भोपए णितिए भिक्खुयार्ण । ते पुण्णखधं सुमहऽज्जणिता भवंति आरोप्प महंतसत्ता ॥२९॥ अद्दगस्स उत्तरं अजोगरूवं इह संजयाणं पावं तु पाणाण पसज्म काउं । अबोहिए दोण्ह वि तं असाहु वयंति जे यावि पडिस्सुणंति ॥३०॥ उड्ढं अहे य तिरियं दिसासु विष्णाय लिगं तसथावराणं । भूयाभिसंकाए दुगुंछमाणे वदे करेज्जा वा कुओ विहऽत्थि ॥३१॥ पुरिसे त्ति विण्णत्ति ण एवमत्थि अणारिए से पुरिसे तहा हु। को संभवो पिण्णपिडियाए वाया वि एसा बुइया असच्चा ॥३२॥ वायाभिओगेण जमावहेज्जा णो तारिसं वायमुदाहरेज्जा । अट्ठाणमेयं वयणं गुणाणणो दिक्खिए बूय सुरालमेयं ॥३३॥ लद्धे अट्ठे अहो एव तुम्भे जीवाणुभागे सुविचितिते य । पुव्वं समुदं अवरं च पुढे ओलोइए पाणितलट्ठिए वा ॥३४॥ जीवाणुभागं सुविचितयंता आहारिया अण्णविहीए सोहि । ण वियागरे छण्णपओपजीवी एसोऽणुधम्मो इह संजयाणं ॥३५॥ सिणायगाणं तु दुवे सहस्से जे भोयए णितिए भिक्खुयाणं । असंजए लोहियपाणि से ऊ णियच्छई गरहमिहेव लोए ॥३६॥ थूलं उरब्भं इह मारियाणं उद्दिट्ठभत्तं च पगप्पएत्ता । तं लोणतेल्लेण उवक्खडेता सपिप्पलीयं पगरंति मंसं ॥३७॥ तं भुंजमाणा पिसियं पभूयं णो उबलिप्पामो वयं रएणं । इच्चेवमाहंसु अणज्जधम्मा अणारिया बाल रसेसु गिद्धा ॥३८॥ जे यावि भुंजंति तहप्पगार सेवंति ते पावमजाणमाणा। मणं ण एयं कुसला करेंति वाया वि एसा बुइया उ मिच्छा ॥३९॥ सव्वेसि जीवाण दयट्टयाए सावज्जदोसं परिवज्जयंता । तस्संकिणो इसिणो णायपुत्ता उद्दिट्ठभत्तं परिवज्जयंति ।।४०॥ भूयाभिसंकाए दुगुंछमाणा सव्वेसि पाणाण णिहाय दंडं । तम्हा ण भुजंति तहप्पगारं एसोऽणुधम्मो इह संजयाणं ॥४१॥ णिग्गंथधम्मम्मि इमा समाही अस्सि सुठिच्चा अणिहे चरेज्जा । बुद्धे मुणी सीलगुणोववेए इहच्चणं पाउणई सिलोगं ॥४२॥
सियाणगभोयणेण पुण्णज्जणमिति वेय-वाईणं मतं २८१ सिणायगाणं तु दुवे सहस्से जे भोयए णितिए माहणाणं । ते पुण्णखंघे सुमहज्जणित्ता भवंति देवा इइ वेयवाओ ॥४३॥
अगस्स उत्तरं सिणायगाणं तु दुवे सहस्से जे भोयए णितिए कुलालयाणं । से गच्छई लोलुवसंपगाढे तिव्वाभितावी णरगाभिसेवी ॥४४॥ दयावरं धम्म दुगुंछमाणे बहावहं धम्म पसंसमाणे । एगं पि जे भोययई असील णिहो णिसं गच्छद्द अंतकाले ॥४५॥
संख-परिव्वायगाणं अव्वत्तरूवपुरिसविसये मतं २८२ दुहओवि धम्मम्मि समुठ्यिामो अस्सि सुठिच्चा तह एसकालं । आयारसीले बुइएह णाणे ण संपरायम्मि विसेसमत्थि ॥४६॥
अव्वत्तरूवं पुरिसं महंत सणातणं अक्खयमव्वयं च । सन्वेसु भूएसु वि सव्वओ से चंदो व ताराहि समत्तरूवे ॥४७॥ १. णिवो णिसं जाति कुओ सुरेहि । इइ पाठंतरं । ध० कह