Page Text
________________
१८. अद्दगस्स अण्णतित्थिएण सह वादो
महावीरचरियं अहिकिच्च गोसालगस्स अक्खेवो २७६ पुराकडं अद्द ! इमं सुणेह, एगंतचारी समणे पुरासी । से भिक्खवो उवणेत्ता अणेगे आइक्खतिहि पुढो वित्थरेणं ॥१॥
साऽऽजीविया पट्टवियाऽथिरेण सभागओ गणओ भिक्खुमज्झे । आइक्खमाणो बहुजण्णमत्थं ण संधयाई अवरेण पुव्वं ॥२॥ एगंतमेवं अदुवा वि इण्हि दोऽवण्णमण्णं ण समेति जम्हा । पुचि च इण्हि च अणागयं च एगंतमेवं पडिसंधयाइ ॥३॥
अद्दगस्स उत्तरं समेच्च लोगं तसथावराणं खेमंकरे समणे माहणे वा । आइक्खमाणो वि सहस्समझे एगंतयं सारयई तहच्चे ॥४॥ धम्मं कहतस्स उपस्थि दोसो खंतस्स दंतस्य जिइंदियस्स । भासाय दोसे य विवज्जगस्स गुणे य भासाय णिसेवगस्स ॥५॥ महव्वए पंच अणुव्वए य तहेव पंचासव संवरे य । विरई इहस्सामणियम्मि पण्णे लवावसक्की समणे त्ति बेमि ॥६॥
सीओदगादिसेविणो ण पावमिति गोसालो । २७७ सीओदगं सेवउ बीयकायं आहायकम्मं तह इत्थियाओ। एगंतचारिस्सिह अम्ह धम्मे, तवस्सिणो णाभिसमेइ पावं ॥७॥
अद्दगस्स उत्तरं सोओदगं वा तह बीयकार्य आहायकम्म तह इत्थियाओ। एयाइं जाणे पडिसेवमाणा अगारिणो अस्समणा भवंति ॥८॥ सिया य बीयोदगइत्थियाओ पडिसेवमाणा समणा भवंतु । अगारिणो वि समणा भवंतु सेवंति उ ते वि तहप्पगारं ॥९॥ जे यावि बीओदगभोइ भिक्खू भिक्ख विहं जायइ जीवियट्ठी। ते णाइसंजोगमविप्पहाय काओवगा गंतकरा भवंति ॥१०॥
पावायाणं परोप्परं निन्देति गोसालगस्स अक्खेवो २७८ इमं वयं तु तुम पाउकुव्वं पावाइणो गरहसि सव्व एव । पावाइणो पुढो किट्टयंता सयं सयं दिद्धि करेंति पाउं ॥११॥
अद्द गस्स उत्तरं ते अण्णमण्णस्स उ गरहमाणा अक्खंति ऊ समणा माहणा य । सतो य अत्थी असतो य णत्थी गरहामो दिढि ण गरहामो किंचि ॥१२॥ ण किंचि रूवेणऽभिधारयामो सदिट्टिमग्गं तु करेमो पाउं । मग्गे इमे किट्टिए आरिएहि अणुत्तरे सप्पुरिसेहि अंजू ॥१३॥ उड्ढे अहे य तिरियं दिसासु तसा य जे थावर जे य पाणा । भूयाभिसंकाए दुगुंछमाणे णो गरहइ बुसिमं किंचि लोए ॥१४॥
मेहाविपुरिसपण्हभयेण महावीरो आरामगिहे न तिद्वतीति गोसलो २७९ आगंतगारे आरामगारे समणे उभीते ण उवेइ वासं। दुक्खा हु संती बहवे मणुस्सा ऊणातिरित्ता य लवालवा य ॥१५॥
मेहाविणो सिक्खिय बुद्धिमंता सुत्तेहि अत्थेहि य णिच्छयण्णू । पुच्छिसु मा णे अणगार अण्णे इति संकमाणो ण उवेइ तत्थ ॥१६॥
अद्द गस्स उत्तरं णो कामकिच्चा ण य बालकिच्चा रायाभियोगेण कुओ भएणं? वियागरेज्जा पसिणं ण वा वि सकामकिच्चेणिह आरियाणं ॥१७॥ गंता व तत्था अदुवा अगंता वियागरेज्जा समियासुपण्णे । अणारिया सणओ परित्ता इति संकमाणो ण उवेइ तत्थ ॥१८॥
वणियसदिसो महावीरे त्ति गोसालगस्स अक्खेवो पण्णं जहा वणिए उदयट्ठी आयस्स हेउं पगरेइ संग । तओवमे समणे णायपुत्ते इच्चेव मे होइ मई वियक्का ॥१९॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |