Page Text
________________
धम्मकहाणुओगे दुतीयो खंधो
वाएण हीरमाणम्मि, चेइयम्मि मणोरमे। दुहिया असरणा अत्ता, एए कदंति भो! खगा ॥१०॥
एयमझें निसामित्ता, हेऊ-कारण-चोइओ। तओ नमि रायरिसि, देविदो इणमब्बवी॥११॥ (२) एस अग्गी य वाऊ य, एवं डसइ मंदिरं । भयवं अंतेउरतेणं, कीस णं नावपेक्खह ॥१२॥
एयमढें निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥१३॥ सुहं वसामो जीवामो, जेसि मो नत्थि किंचणं । मिहिलाए डज्झमाणीए, न मे डज्झइ किंचणं ॥१४॥ चत्तपुत्त-कलत्तस्स, निव्वावारस्स भिक्खुणो। पियं न विज्जई किंचि, अप्पियं पि न विज्जइ ॥१५॥ बहुं खु मुणिणो भई, अणगारस्स भिक्खुणो। सव्वओ विष्पमुक्कस्स, एगंतमणुपस्सओ॥१६॥
एयमट्ठ निसामित्ता, हेऊ-कारण-चोइओ। तओ नमि रायरिसिं, देविदो इणमब्बवी ॥१७॥ (३) पागारं कारइत्ताणं, गोपुरट्टालगाणि य। ओमूलग-सयग्घीओ, तओ गच्छसि खत्तिया! ॥१८॥
एयमझें निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥१९॥ सद्ध नगरं किच्चा, तव-संवरमग्गलं। खंति निउणपागारं, तिगुत्तं दुप्पधंसयं ॥२०॥ धणु परक्कम किच्चा, जीवं च इरियं सया। धिइंच केयणं किच्चा, सच्चेणं पलिमंथए ॥२१॥ तव-नाराय-जुत्तेणं, भित्तूणं कम्म-कंचुयं । मुणी विगय-संगामो, भवाओ परिमुच्चई ॥२२॥
एयमढं निसामित्ता, हेऊ-कारण-चोइओ। तओ नमि रायरिसिं, देविदो इणमब्बवी ॥२३॥ (४) पासाए कारइत्ताणं, वड्ढमाणगिहाणि य। वालग्गपोइयाओ य, तओ गच्छसि खत्तिया ! ॥२४॥
एयमढे निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥२५॥ संसयं खलु सो कुणइ, जो मग्गे कुणइ घरं । जत्थेव गंतुमिच्छेज्जा, तत्थ कुग्विज्ज सासयं ॥२६॥
एयमलै निसामित्ता, हेऊ-कारण-चोइओ। तओ नमि रायरिसिं, देविंदो इणमब्बवी ॥२७॥ (५) आमोसे लोमहारे य, गंठिभए य तक्करे। नगरस्स खेम काऊणं, तओ गच्छसि खत्तिया! ॥२८॥
एयमझें निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥२९॥ असई तु मणुस्सेहि, मिच्छा दंडो पउंजए। अकारिणोऽत्थ बझंति, मुच्चए कारओ जणो॥३०॥
एयमलैं निसामित्ता, हेऊ-कारण-चोइओ। तओ नमि रायरिसि, देविदो इणमब्बवी ॥३१॥ (६) जे केइ पत्थिवा तुझ, नानमंति नराहिवा! वसे ते ठावइत्ताणं, तओ गच्छसि खत्तिया ! ॥३२॥
एयमलृ निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥३३॥ जो सहस्सं सहस्साणं, संगामे दुज्जए जिणे। एगं जिणेज्ज अप्पाणं, एस से परमो जओ॥३४॥ अप्पाणमेव जुज्झाहि, किं ते जुज्झेण बज्झओ। अप्पणा चेव अप्पाणं, जइत्ता सुहमेहए ॥३५॥ पंचिदियाणि कोहं, माणं मायं तहेव लोहं च । दुज्जयं चेव अप्पाणं, सब्वमप्पे जिए जियं ॥३६॥
एयमट्ठ निसामित्ता, हेऊ-कारण-चोइओ। तओ नमि रायरिसि, देविदो इणमब्बबी ॥३७॥ (७) जइत्ता विउले जन्ने, भोइत्ता समण-माहणे। दच्चा भोच्चा य जट्ठा य, तओ गच्छसि खत्तिया!॥३८॥
एयमढं निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥३९॥ जो सहस्सं सहस्साणं, मासे मासे गवं दए। तस्सावि संजमो सेओ, अदितस्स वि किंचणं ॥४०॥
एयमट्ठ निसामित्ता, हेऊ-कारण-चोइओ। तओ नर्मि रायरिसि, देविदो इणमब्बवी ॥४१॥ (८) घोरासमं चइत्ताणं, अन्नं पत्थेसि आसमं। इहेव पोसह-रओ, भवाहि मणुयाहिवा! ॥४२॥
एयमझें निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥४३॥ मासे मासे तु जो बालो, कुसग्गेणं तु भुंजए। न सो सक्खाय-धम्मस्स, कलं अग्घइ सोलसि ॥४४॥
एयमढें निसामित्ता, हेऊ-कारण-चोइओ। तओ नमि रायरिंसि, देविंदो इणमब्बवी ॥४५॥ (९) हिरण्ण'सुवण्ण मणि-मुत्तं, कंस दूसंच वाहणं । कोसं वड्ढावइत्ताणं, तओ गच्छसि खत्तिया ! ॥४६॥
एयमढें निसामित्ता, हेऊ-कारण-चोइओ। तओ नमी रायरिसी, देविदं इणमब्बवी ॥४७॥ सुवण्ण-रुप्पस्स उ पव्वया भवे, सिया हु केलास-समा असंखया । नरस्स लुद्धस्स न तेहि किंचि, इच्छा हु आगास-समा अणंतिया ॥४८॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |