Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 309

धम्मकहाणुओगे दुतीयो खंधो "एवं खलु सामी ! तुम्भे तया मम एवमाइक्खमाणस्स-जाव-पख्वेमाणस्स एयम नो सद्दहह । तए णं मम इमेयारूवे अज्झथिए-जावसंकप्पे समुपज्जित्था--अहो णं जियसत्तू राया संते तच्चे तहिए अवितहे सम्भूए जिणपण्णत्ते भावे नो सद्दहइ नो पत्तियइ नो रोएइ । तं सेयं खलु मम जियसत्तुस्स रण्णो संताणं तच्चाणं तहियाणं अवितहाणं सब्भूयाणं जिणपण्णत्ताणं भावाणं अभिगमणट्टयाए एयम उवाइणावेत्तए--एवं संपेहेमि, संपेहेत्ता तं चेव-जाव-पाणिय-परियं सदावेमि, सद्दावेत्ता एवं वदामि-- तुमं णं देवाणुप्पिया! उदगरयणं जियसत्तुस्स रण्णो भोयणवेलाए उवणेहि । तं एएणं कारणेणं सामी ! एस से फरिहोदए ॥"
जियसत्तुणा जलसोधणं २३९ तए णं जियसत्तू राया सुबुद्धिस्स एवमाइक्खमाणस्स-जाव-परूवेमाणस्स एयमट्ठ नो सहहइ नो पत्तियइ नो रोएइ, असद्दहमाणे
अपत्तियमाणे अरोएमाणे अभितरठाणिज्जे पुरिसे सद्दावेइ, सद्दावेत्ता एवं वयासी-- "गच्छह णं तुब्भ देवाणुप्पिया! अंतरावणाओ नवए घडए पडए य गेण्हह - जाव-उदगसंभारणिज्जेहिं दहि संभारेह।" तेवि तहेव संभारेति, संभारेत्ता जियसत्तुस्स उवणेति ॥
जियसत्तुस्स पुच्छा २४० तए णं से जियसत राया तं उदगरयणं करयलंसि आसाएइ, आसाएत्ता आसायणिज्जं-जाव-सविदियगाय-पल्हायणिज्जं जाणित्ता
सुबुद्धि अमच्चं सद्दावेइ, सद्दावेत्ता एवं वयासी"सुबुद्धी! एए णं तुमे संता तच्चा तहिया अवितहा सम्भूया भावा कओ उवलद्धा?"
सुबुद्धिस्स उत्तरं २४१ तए णं सुबुद्धी जियसत्तुं एवं वयासी--एए णं सामी! मए संता तच्चा तहिया अवितहा सम्भूया भावा जिणवयणाओ उवलद्धा ।।
तए गं जियसत्तू सुबुद्धि एवं वयासी-तं इच्छामि गं देवाणुप्पिया! तव अंतिए जिणवयणं निसामित्तए ।
जियसत्तुस्स समणोवासयत्तं २४२ तए णं सुबुद्धी जियसत्तुस्स विचित्तं केवलिपण्णत्तं चाउज्जामं धम्म परिकहेइ।
तए णं जियसत्त सुबुद्धिस्स अंतिए धम्म सोच्चा निसम्म हट्टतुटु सुबुद्धि अमच्चं एवं वयासी-- "सहहामि णं देवाणुप्पिया ! निग्गंथं पावयणं-जाव-से जहेयं तुभे वयह । तं इच्छामि णं तव अंतिए पंचाणुव्वइयं सससिक्खावइयं उवसंपज्जित्ताणं विहरित्तए।" अहासुहं देवाणुप्पिया ! मा पडिबंधं करेह ॥ तए णं से जियसत्तू सुबुद्धिस्स अंतिए पंचाणुव्वइयं-जाव-दुवालसविहं सावयधम्म पडिवज्जइ ।। तए णं जियसत्तू समणोवासए जाए--अहिगयजीवाजीवे-जाव-पडिलाभेमाणे विहरइ ।।
२४३
जियसत्तु-सुबुद्धीणं पव्वज्जा तेणं कालेणं तेणं समएणं थेरागमणं। जियसतू राया सुबुद्धी य निग्गच्छइ । सुबुद्धी धम्मं सोच्चा निसम्म एवं वयासी--जं नवरंजियसत्तुं आपुच्छामि तओ पच्छा मुंडे भवित्ताणं अगाराओ अणगारियं पव्वयामि । अहासुहं देवाणुप्पिया! तए णं सुबुद्धी जेणेब जियसत्तू तेणेव उवागच्छइ, उवागच्छित्ता एवं वयासी-एवं खलु सामी! मए थेराणं अंतिए धम्मे निसंते। से विय धम्म इच्छिए पडिच्छिए अभिरुइए । तए णं अहं सामी! संसारभउब्विग्गे भीए जम्मण-जर-मरणणं इच्छामि णं तुहिं अब्भणुण्णाए समाणे थेराणं अंतिए मुंडे भवित्ताणं अगाराओ अणगारियं पन्वइत्तए । तए णं जियसत्तू राया सुबुद्धि एवं वयासी--अच्छसु ताव देवाणुप्पिया ! कइबयाई वासाइं उरालाई माणुस्सगाई भोगभोगाई भुजमाणा तओ पच्छा एगयओ थेराणं अंतिए मुंडे भवित्ताणं अगाराओ अणगारियं पम्वइस्सामो॥ तए णं सुबुद्धी जियसत्तुस्स रण्णो एयमझें पडिसुणेई॥ तए णं तस्स जियसत्तुस्स रण्णो सुबुद्धिणा सद्धि विपुलाई माणुस्सगाई कामभोगाई पच्चणुभवमाणस्स दुवालस वासाई वीइक्कंताई।।
.