Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 308

जियसत्तु-सुबुद्धिकहाणयं
पक्खिवावेत्ता लंछिय-महिए कारावेइ, कारावेत्ता सत्तरत्तं परिवसावेइ, परिवसावेत्ता तच्चं पि नवएसु पडएसु गालावेइ, गालावेत्ता नवएसु घडएसु पक्खिबावेइ, पक्खिवावेत्ता सज्जखारं पक्खिवावेइ, पक्खिवावेत्ता लंछिय-मुद्दिए कारावेइ, कारावेत्ता सत्तरत्तं संवसावेई । एवं खलु एएणं उवाएणं अंतरा गालावेमाणे अंतरा पक्खिवावेमाणे अंतरा य संवसावेमाणे सत्तसत्तयराइंदियाइं परिवसावेइ। तए णं से फरिहोदए सत्तमंसि सत्तयंसि परिणममाणसि उदगरयणे जाए यावि होत्था--अच्छे पत्थे जच्चे तणुए फालियवण्णाभे वण्णणं उववेए गंधणं उववेए रसेणं उववेए फासेणं उववेए आसायणिज्जे विसायणिज्जे पीणणिज्जे दीवणिज्जे दप्पणिज्जे मयणिज्जे बिहणिजे सम्विदियगाय-पल्हायणिज्जे ।।
सुबुद्धिणा जलपेसणं २३५ तए णं सुबुद्धी जेणेव से उदगरयणे तेणेव उवागच्छइ, उवागच्छित्ता करयलंसि आसादेइ, आसादेत्ता तं उदगरयणं वण्णेणं उववेयं गंधणं
उववेयं रसेणं उववेयं फासेणं उववेयं आसायणिज्जं बिसायणिज्जं पोणणिज्जं दीवणिज्जं दप्पणिज्जं मयणिज्जं बिहणिज्जं सस्विदियगाय-पल्हायणिज्जं जाणित्ता हद्वतु? बहूहि उदगसंभारणिज्जेहिं दबेंहिं संभारेइ, संभारेत्ता जियसत्तुस्स रण्णो पाणियपरियं सद्दावेइ, सद्दावेत्ता एवं बयासी"तुम णं देवाणुप्पिया! इमं उदगरयणं गेण्हाहि, गेण्हित्ता जियसत्तुस्स रण्णो भोयणवेलाए उवणेज्जासि ॥"
जियसत्तुणा उदगरयणपसंसा २३६ तए णं से पाणिय-धरिए सुबुद्धिस्स एयमट्ठ पडिसुणेइ, पडिसुणेत्ता तं उदगरयणं गेण्हइ, गेण्हित्ता जियसत्तुस्स रण्णो भोयणवेलाए
उवट्ठवेइ॥ तए णं से जियसत्तू राया तं विपुलं असण-पाण-खाइम-साइमं आसाएमाणे विसाएमाणे परिभाएमाणे परिभुजेमाणे एवं च णं विहरइ। जिमियभुत्तुत्तरागए वि य गं समाणे आयंते चोक्खे परमसुइभए तंसि उदगरयणंसि जायविम्हए ते बहवे राईसर-जाव-सत्थवाहपभिईओ एवं वयासी"अहो णं देवाणुप्पिया ! इमे उदगरयणे अच्छे-जाव-सन्विदियगाय-पल्हायणिज्जे।" तए णं ते बहवे राईसर-जाव-सत्थवाहपभिईओ एवं बयासीतहेव णं सामी! जणं तुम्भे वयह-इमे उदगरयणे अच्छे-जाव-सविदियगायपल्हायणिज्जे॥
जियसत्तुणा उदगाणयणपुच्छा २३७ तए णं जियसत्तू राया पाणिय-धरियं सद्दावेइ, सद्दावेत्ता एवं वयासी
"एस गं तुमे देवाणुप्पिया! उदगरयणे कओ आसादिते?" तए णं से पाणिय-घरिए जियसत्तुं एवं वयासी"एस णं सामी! मए उदगरयणे सुबुद्धिस्स अंतियाओ आसादिते॥" तए णं जियसत्तू सुबुद्धि अमच्चं सद्दावेइ, सद्दावेत्ता एवं वयासी"अहो णं सुबुद्धी! केणं कारणेणं अहं तव अणि?-जाव-अमणामे जेणं तुम मम कल्लाकल्लि भोयणवेलाए इमं उदगरपणं न उवट्ठवेसि? तं एस गं तुमे देवाणुप्पिया ! उदगरयणे कओ उवलढे?"
सुबद्धिणा उत्तरं २३८ तए णं सुबुद्धी जियसत्तुं एवं वयासी-एस णं सामी! से फरिहोदए।
तए णं से जियसत्तू सुबुद्धि एवं वयासी-केणं कारणेणं सुबुद्धी! एस से फरिहोदए? तए णं सुबुद्धी जियसत्तुं एवं वयासी