Page Text
________________
अरिट्टनेमितित्थे थावच्चापुत्ते अण्णे य
४५
तए णं ते तेगिच्छिया मंडुएणं रण्णा एवं बुत्ता समाणा हट्टतुट्ठा सेलगस्त अहापवत्तेहि ओसह-भेसज्ज-भत्तपाहि तेगिच्छं आउटृति, मज्जपाणगं च से उवदिसंति ॥ तए णं तस्स सेलगस्स अहापवत्तेहि ओसह-भेसज्ज-भत्तपाणेहि मज्जपाणए य से रोगायके उवसंते यावि होत्था--हढे मल्लसरीरे जाए ववगयरोगायंके ॥
सेलगस्स पमत्तविहारे २०२ तए णं से सेलए तंसि रोगायकसि उवसंतसि समाणंसि तंसि विपुले असण-पाण-खाइम-साइमे मज्जपाणए य मुच्छिए गढिए गिद्धे
अज्झोववने ओसने ओसनविहारी, पासत्थे पासत्यविहारी कुसीले कुसीलविहारी पमत्ते पमत्तविहारी संसते संसत्तविहारी उउबद्धपीढ-फलग-सेज्जा-संथारए पमत्ते यावि विहरइ, नो संचाएइ फासु-एसणिज्जं पीढ-फलग-सेज्जा-संथारयं पच्चप्पिणित्ता मंडुयं च रायं आपुच्छित्ता बहिया जणवयविहारं विहरित्तए॥
पंथगं अणगारं वेयावच्चकर ठावेत्ता सेलगसिस्साणं विहारो २०३ तए णं तेसि पंथगवज्जाणं पंचण्हं अणगारसयाणं अण्णया कयाइ एगयओ सहियाणं समुवागयाणं सण्णिसण्णाणं सण्णिविट्ठाणं पुव
रत्तावरत्तकालसमयंसि धम्मजागरियं जागरमाणाणं अयमेयारूवे अज्झथिए-जाव-समुप्पज्जित्था एवं खलु सेलए रायरिसी चइत्ता रज्ज -जाव-पव्वइए विउले असण-पाण-खाइम-साइमे मज्जपाणए य मुच्छिए नो संचाएइ फासु-एसणिज्जं पीढ-फलग-सेज्जा-संथारयं पच्चप्पिणित्ता मंडुयं च रायं आपुग्छिछत्ता बहिया जणबपविहारं विहरित्तए । नो खलु कप्पाइ देवाणुप्पिया ! समणाणं निग्गंथाणं ओसन्नाणं पासत्थाणं कुसीलाणं पमत्ताणं संसत्ताणं उउ-बद्ध-पीढ-फलग-सेज्जासंथारए पमताणं विहरित्तए। तं सेयं खलु देवाणुप्पिया! अम्हं कल्लं सेलग रायरिसिं आपुच्छिता पाडिहारियं पीढ-फलग-सेज्जा-संथारयं पच्चप्पिणित्ता सेलगस्स अणगारस्स पंथयं अणगारं वेयावच्चकरं ठावेत्ता बहिया अब्भुज्जएणं जणवयविहारेणं विहरित्तए- एवं संपेहेति, संपेहेत्ता कल्लं जेणेव सेलए रायरिसी तेणेव उवागच्छंति, उवागच्छित्ता सेलयं रायरिसिं आपुच्छित्ता पाडिहारियं पीढ-फलग-सेज्जा-संथारयं पच्चप्पिणंति, पच्चप्पिणित्ता पंथयं अणगारं वेयावच्चकर ठाति, ठावेत्ता बहिया जणवयविहारं विहरति ।।
मज्जपमत्तस्स सेलगस्स पंथगेणं चाउम्मासिय-खामणा २०४ तए णं से पंथए सेलगस्स सेज्जा-संथारय-उच्चार-पासवण-खेल्ल-सिंघाणमत्त-ओसह-भेसज्ज-भत्तपाणएणं अगिलाए विणएणं वेयावडियं
करेइ ॥ तए णं से सेलए अण्णया कयाइ कत्तिय-चाउम्मासियंसि विउलं असण-पाण-खाइम-साइमं आहारमाहारिए सुबहुं च मज्जपाणयं पीए पच्चावरण्हकालसमयंसि सुहप्पसुत्ते॥ तए णं से पंथए कत्तिय-चाउम्मानियंसि कयकाउस्सग्गे देवसियं पडिक्कमणं पडिक्कते, चाउम्मासियं पडिक्कमिडकामे सेलगं रायरिसि खामणट्ठयाए सीसेणं पाएसु संघट्टेइ ।
सेलगस्स कोवो पंथएणं खामणा य २०५ तए णं से सेलए पंथएणं सीसेणं पाएसु संघट्टिए समाणे आसुरुत्ते रु? कुविए चंडिक्किए मिसिमिसेमाणे उट्ठ'इ, उर्दुत्ता एवं वयासी
"से केस णं भो ! एस अपत्थियपत्थए, दुरंत-पंत-लक्खणे, होणपुण्णचाउसिए, सिरि-हिरि-धिइ-कित्ति-परिवरिजए, जे णं ममं सुहपसुत्तं पाएसु संघट्टेइ?" तए णं से पंथए सेलएणं एवं बुत्ते समाणे भीए तत्थे तसिए करयलपरिग्गहियं सिरसावत्तं मत्थए अंजलि कट्ट एवं बयासी"अहं णं भंते ! पंथए कयकाउस्सग्गे देवसियं पडिक्कमणं पडिक्कते, चाउम्मासियं खामेमाणे देवाणुप्पियं वंदमाणे सीसेणं पाएसु संघट्टेमि । तं खामेमि णं तुब्भे देवाणुपिया ! खमंतु णं देवाणु प्पिया ! खंतुमरहंति णं देवाणुपिया ! नाइ भुज्जो एवंकरणयाए" त्ति कटु सेलयं अणगारं एयमट्ठ सम्मं विणएणं भुज्जो-भुज्जो खामेइ ॥
सेलगस्स पुणो अब्भुज्जयविहारो २०६ तए णं तस्स सेलगस्स रायरिसिस्स पंथएणं एवं वुत्तस्स अयमेयारूवे अज्झथिए चितिए पत्थिए मणोगए संकप्पे समुप्पज्जित्था
एवं खलु अहं चइत्ता रज्जं-जाव-पव्वइए ओसने ओसनविहारी, पासत्थे पासत्थविहारी कुसीले कुसीलविहारी पमत्ते पमत्तविहारी
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |