Page Text
________________
धम्मकहाणुओगे दुतीयो खंधो
संसत्ते संसतविहारी उउबद्ध-पीढ-फलग-सेज्जा-संथारए पमत्ते यावि विहरामि। तं नो खलु कप्पद समणाणं निगंथाणं ओसन्नाणं पासत्थाणं कुसीलाणं पमत्ताणं संसत्ताणं उउबद्ध-पीढ-फलग-सेज्जा-संथारए पमत्ताणं विहरित्तए। तं सेयं खलु मे कल्लं मंडुयं रायं आपुछिछत्ता पाडिहारियं पीढ-फलग-सेज्जा-संथारगं पच्चप्पिणित्ता पंथएणं अणगारेणं सद्धि बहिया अब्भुज्जएणं जणवयविहारेणं विहरित्तए-एवं संपेहेइ, संपेहेत्ता कल्लं मंडयं रायं आपूच्छित्ता पाडिहारियं पीढ-फलग-सज्जा-संथारगं पच्चप्पिणित्ता पंथएणं अणगारेणं सद्धि बहिया अब्भुज्जएणं जणवय-विहारेणं विहरइ ॥
सेलगकहोवसंहारेणोवएसो २०७ एवामेव समणाउसो! जे निग्गंथे वा निग्गंथी वा ओसप्ने ओसन्त्रविहारी, पासत्थे पासत्थविहारी कुसीले कुसौलविहारी पमत्ते पमत
विहारी संसते संमत्तविहारी उउबद्ध-पीढ-फलग-सेज्जा-संथारए पमत्त विहरइ, से णं इहलोए चेव बहणं समणाणं बहणं समीणं बहूर्ण सावयाणं बहूणं सावियाण य हीलणिज्जे निदणिज्जे खिसणिज्जे गरहणिज्जे परिभवणिज्जे, परलोए वि य गं आगच्छइ बहूणि दंडगाणि य अगादियं च णं अणवयग्ग-दोहमद्धं चाउरंत-संसार कतारं भुज्जो-भुज्जो अणुपरियट्टिस्सइ ॥
सेलगसमीवे सेलगसिस्साणं पुणो आगमणं २०८ . तए णं ते पंथगवज्जा पंच अणगारसया इमीसे कहाए लद्धट्टा समाणा अण्णमण्णं सद्दावेति, सद्दावेत्ता एवं बयासी
"एवं खल देवाणुपिया! सेलए रायरिसी पंथएणं अणगारेणं सद्धि बहिया अब्भुज्जएणं जणवयविहारेणं विहरइ । तं सेयं खलु देवाणुपिया ! अम्हं सेलगं रायरिसिं उपसंपज्जित्ताणं विहरत्तिए"-एवं संपेहेति, संपेहेत्ता सेलगं रायरिसि उवसंपज्जिताणं विहरति ।
२०९
पुडरीयपवए सोसि सेलगाईणं निव्वाणं तए णं से सेलए रायरिसी पंथगपामोक्खा य पंच अणगारसया जेणेव पुंडरीए पवए तेणेव उवागच्छंति, उवागच्छिता पुंडरीयपध्वयं सणियं-सणियं दुरुहंति, दुरुहिता मेवघणसन्निगासं देवसन्निवायं पुढविसिलापट्टयं पडिलेहंति, पडिलेहित्ता-जाव-संलेहणा-झूसणा-झसिया भत्तपाण-पडियाइक्खिया पाओवगमणं णुवन्ना ॥ तए णं से सेलए रायरिसी पंथगपामोक्खा य पंच अणगारसया बहणि वासाणि सामण्णपरियागं काउणिता, मासियाए संलेहणाए अत्ताणं झूसिता, सट्ठि भत्ताई अणसणाए छेदित्ता-जाव-केवलवरनाणदंसणं समुप्पाडेता तओ पच्छा सिद्धा बुद्धा मुत्ता अंतगडा परिनिवडा सव्वदुक्खप्पहीणा ॥ एवामेव समणाउसो ! जो निग्गंथो वा निग्गंथी वा अन्भुज्जएणं जणवय-विहारेणं बिहरइ, से णं इहलोए चेव बहूणं समणाणं बहूणं समणीणं बहूणं सावगाणं बहणं सावियाण य अच्चणिज्जे बंदणिज्जे नमसणिज्जे पयणिज्जे सक्कारणिज्जे सम्माणणिज्जे कल्लाणं मंगलं देवयं चेइयं विगएणं पज्जुवासणिज्जे भवइ । परलोए वियणं नो बहूणि हत्थच्छेयणाणि य कण्णच्छेयणाणि य नासाछयणाणि य एवं हिययउपायणाणि य वसणुप्पायणाणि य उल्लंबणणि य पाविहिड, पुणो अणाइयं च णं अणवदगं दीहमद्धं चाउरतं संसारकंतारं बीईवइस्स।
वृत्तिकृता समुद्धता निगमनगाथा-- २१० सिढिलिय-संजम-कज्जा वि होइउं उज्जमंति जइ पच्छा। संवेगाओ ते सेलओ व्व आराहया होंति ॥१॥
-णाया० सु० १ अ० ५।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |