Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 291

३६
धम्मकहाणुओगे दुतीयो खंधो थावच्चापुत्तस्स पव्वज्जासंकप्पो १६७ थावच्चापुत्ते वि निग्गए । जहा मेहे तहेव धम्म सोच्चा निसम्म जेणेव थावच्चा गाहावइणी तेणेव उवागच्छइ, उवागच्छित्ता
पायग्गहणं करेइ । जहा मेहस्स तहा चेव निवेयणा ॥ तए णं तं थावच्चापुत्तं थावच्चा गाहावइणी जाहे नो संचाएइ दिसयाणुलोमाहि य विसयपडिकूलाहि य बाहिं आघवणाहि य पण्णवणाहि य सण्णवणाहि य विण्णवणाहि य आघवित्तए वा पण्णवित्तए वा सण्णवित्तए वा विष्णवित्तए वा ताहे अकामिया चेव थावच्चापुत्तस्स दारगस्स निक्खमणमणुमन्नित्था ॥ तए णं सा थावच्चा गाहावइणी आसण ओ अभट्टइ अब्भत्ता महत्थं महग्धं महरिहं रायारिहं पाहुडं गेण्हइ, गेण्हित्ता मित्त-नाइनियग-सयण-संबंधि-परियणेणं सद्धि संपरिवडा जेणेव कण्हस्स वासुदेवस्स भवणवरपडिदुवार-देसभाए तेणेव उवागच्छइ, उवागच्छित्ता पडिहारदेसिएणं मग्गेणं जेणेव कण्हे वासुदेवे तेणेव उवागच्छइ, उवागच्छित्ता करयल-परिग्गहियं सिरसावत्तं मत्थए अंजलि कटु जएणं विजएणं वद्धावेइ, वद्धावेत्ता तं महत्थं महग्धं महरिहं रायारिहं पाहुडं उवणेइ, उवणेत्ता एवं वयासीएवं खलु देवाणुप्पिया ! मम एगे पुत्ते यावच्चापुत्ते नाम दारए--इठे कंते पिए मणुण्णे मणामे थेज्जे वेसासिए सम्मए बहुमए अणुमए भंडकरंडगसमाणे रयणे रयणभूए जीवियऊसासए हिययनंदिजणए उंबरपुष्फ पिव दुल्लहे सवणयाए, फिमंग पुण दरिसणयाए ? से जहानामए उप्पले ति वा पउमे ति वा कुमुदे ति वा पंके जाए जले संवड्ढिए नोवलिपाइ पंकरएणं नोवलिप्पइ जलरएणं, एवामेव थावच्चापुत्ते कामेसु जाए भोगेसु संवढिए नोवलिप्प हामरएणं नोवलिप्पइ भोगरएणं । से गं देवाणुप्पिया ! संसारभउव्विग्गे भीए जम्मण-जर-मरणाणं इच्छइ अरहओ अरिहनेमिस्स अंतिए मुंडे भवित्ता अगाराओ अणगारियं पदइत्तए । अहण्णं निक्खमणसवकारं करेमि । तं इच्छामि णं देवाणुप्पिया ! थावच्चापुत्तस्स निक्खममाणस्स छत्त-मउड-चामराओ य विदिनाओ। तए णं कण्हे वासुदेवे थावच्चं गाहावइणि एवं वयासी"अच्छाहि णं तुम देवाणुप्पिए ! सुनिव्वुत-वीसत्था, अहण्णं सयमेव थावच्चापुत्तरस दारगस्स निक्खमणसवकारं करिस्सामि ॥"
कण्हस्स थावच्चापुत्तस्स य परिसंवादो १६८ तए णं से कण्हे वासुदेवे चाउरंगिणीए सेणाए विजयं हत्थिरयणं दुरूढे समाणे जेणेव थावच्चाए गाहावइणीए भवणे तेणेव उवाग
च्छइ, उवागच्छित्ता थावच्चापुत्तं एवं वयासी-- मा गं तुम देवाणुप्पिया ! मुंडे भवित्ता पव्वयाहि, भुंजाहि णं देवाणुप्पिया ! विपुले माणुस्सए कामभोगे मम बाहुच्छायपरिग्गहिए । केवलं देवाणुप्पियस्स अहं नो संचाएमि वाउकायं उवरिमेणं गच्छमाणं निवारित्तए । अण्णो णं देवाणुप्पियरस जं किंचि आबाहं वा वाबाहं वा उप्पाएइ, तं सव्वं निवारेमि ॥ तए णं से थावच्चापुत्ते कण्हेणं वासुदेवेणं एवं वुत्ते समाणे कण्हं वासुदेवं एवं वयासी-- "जइ णं देवाणुप्पिया ! मम जीवियंतकरं मच्च एज्जमाणं निवारेसि, जरं वा सरीररूव-विणासणि सरीरं अइबयमाणि निवारेसि, तए णं अहं तव बाहुच्छाय-परिग्गहिए विउले माणुस्सए कामभोगे भंजमाणे विहरामि ॥" तए णं से कण्हे वासुदेवे थावच्चापुत्तेणं एवं वृत्ते समाणे थावच्चापुत्तं एवं वयासी-“एए णं देवाणुप्षिया बुरइक्कमणिज्जा, नो खलु सक्का सुबलिएणावि देवेण वा दाणवेण वा निवारित्तए, नण्णत्व अप्पणो कम्मक्खएणं ॥" तए णं से थावच्चापुत्ते कण्हं वासुदेवं एवं वयासी-"जइ णं एए दुरइक्कमणिज्जा, नो खलु सक्का सुबलिएणावि देवेण वा दाणवेण वा निवारित्तए, नण्णत्थ अप्पणो कम्मक्खएणं । तं इच्छामि णं देवाणुप्पिया ! अण्णाण-मिच्छत्त-अविरइ-कसाय-संचियस्स अत्तणो कम्मक्खयं करित्तए ॥ कण्हस्स जोगवखम-घोसणा तए णं से कण्हे वासुदेवे यावच्चापुत्तेणं एवं वृत्त समाणे कोडुबियपुरिसे सहावेइ, सद्दावेत्ता एवं वयासो---"गच्छह णं देवाणुप्पिया ! बारवईए नयरीए सिंघाडग-तिग-चउक्क-चच्चर-चउम्मुह-महापह-पहेसु हस्थिखंध वरगधा महया-महया सद्देणं उग्धोसेमाणा-उग्धोसेमाणा उग्घोसणं करेह--एवं खलु देवाणुप्पिया ! थावच्चापुत्ते संसारभविग्गे भीए जम्मण-अर-मरणाणं, इच्छइ अरहओ अरिट्टनेमिस्स अंतिए मुंडे भवित्ता पव्वइत्तए, तं जो खलु देवाणुप्पिया ! राया वा जुबराया वा देवी वा कुमारे वा ईसरे वा तलवरे वा कोडुंबियमाडंबिय-इन्भ-सेटि-सेणावइ-सत्यवाहे वा थावच्चापुत्तं पव्वयंतमणु-पब्वयइ, तस्स णं कण्हे वासुदेवे अणुजाणइ पच्छाउरस्स वि य से मित्त-नाइ-नियग-सयण-संबंधि-परिजणस्स जोगक्खेम-वट्टमाणी पडिवहइ त्ति कटु घोसणं घोसेह-जाव-घोसति ॥