Page Text
________________
अरिटुनेमितित्थे गोयमाइया अणगारा
अरिनेमिस्स धम्मोवएसो, गोयमपव्वज्जा य १०२ तेणं कालेणं तेणं समएणं अरहा अरिट्ठनेमी आदिकरे-जाव-संजमेणं तवसा अप्पाणं भावेमाणे विहरइ । चउम्विहा देवा आगया ।
कण्हे वि निग्गए॥
तए णं तस्स गोयमस्स कुमारस्स तं महाजणसदं च जणकलकलं च सुणेत्ता य पासेत्ता य इमेयारूवे अज्झथिए चितिए पत्थिए मणोगए संकप्पे समुप्पज्जित्था। जहा मेहे तहा णिग्गए । धम्म सोच्चा निसम्म हट्ठतुटु जं नवरं -देवाणुप्पिया! अम्मापियरो आपुच्छामि। तओ पच्छा देवाणुप्पियाणं अंतिए मुंडे भवित्ता अगाराओ अणगारियं पव्वयामि ॥
तए णं से गोयमे कुमारे एवं जहा मेहे जाव अणगारे जाए-इरियासमिए जाव इणमेव निग्गंथं पावयणं पुरओ का विहरइ॥ तए णं से गोयमे अण्णया कयाइ अरहओ अरिटुनेमिस्स तहारूवाणं थेराणं अंतिए सामाइयमाइयाई एक्कारस अंगाइ अहिज्जइ, अहिज्जित्ता बहूहि चउत्थ-छट्ठट्ठम-वसम-दुवालसेहि मासद्धमासखमणेहि विविहेहिं तवोकस्मेहि अप्पाणं भावमाणे विहरइ।
गोयमस्स सेत्तुंजे सिद्धी १०३ 'तए णं' अरहा अरिटुनेमी अण्णया कयाइ बारवईओ नयरीओ नंदणवणाओ पडिणिक्खमइ, बहिया जणवयविहारं विहरइ॥
तए णं से गोयमे अणगारे अण्णया कयाइ जेणेव अरहा अरिट्ठनेमी तेणेव उवागच्छइ, उवागच्छित्ता अरहं अरिट्टनेमि तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-इच्छामि णं भंते! तुब्भेहि अब्भणुण्णाए समाणे मासियं भिक्खुपडिम उवसंपज्जित्ता णं विहरित्तए। एवं जहा खंदओ तहा बारस भिक्खुपडिमाओ फासेइ। गुणरयणं पि तवोकम्म तहेव फासेइ निरवसेसं । जहा खंदओ तहा चितेइ, तहा आपुच्छइ, तहा थेरेहि सद्धि सेत्तुंज दुरूहइ ॥
सं। जहा खंबातावरित्तए। एवं जहा खंदाला वयासी-इच्छामि गं भते ! अर
तए णं से गोयमे अणगारे बारस वासाई सामण्णपरियागं पाउणित्ता मासियाए संलेहणाए अत्ताणं झूसित्ता सढि भत्ताई अणसणाए छेदित्ता जाब केवलवरणाणदंसणं समुप्पाडेता तओ पच्छा सिद्धे ॥
समुद्दादि १०४ एवं जहा गोयमो तहा सेसा। अंधगवण्ही पिया, धारिणी माया। समुद्दे, सागरे, थमिए, गंभीरे, अयले, कंपिल्ले, अक्खोभे, पसेणई, विण्ह, एए एगगमा ॥
अंत० व० १ अ० १-१० अक्खोभाइ कुमारा अणगारा
संगहणी-गाहा १०५ १. अक्खोभ २. सागरे खलु, ३. समुद्द ४.हिमवंत ५. अचलनामे य। ६. धरणे य ७. पूरणे या, ८. अभिचंदे चेव अट्ठमए ॥१॥ १०६ तेणं कालेणं तेणं समएणं 'बारवई नामं नयरी होत्था' । अंधगवण्ही पिया। धारिणी माया। गुणरयणं तवो-कम्मं । सोलस बासाई परियाओ। सेत्तुंजे मासियाए संलेहणाए सिद्धा॥
अंत० व० २, अ०१-८
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |