Page Text
________________
धम्मकहाणुओगे दुतीयो खंधो
अरिट्रनेमितित्थयरागमणं-कण्हस्स पज्जवासणं च ८१ तेणं कालेणं तेणं समएणं अरहा अरिढणेमी आइगरे दस धणूई... वण्णओ-जाव-समोसरिए। परिसा निग्गया ।
तए णं से कण्हे वासुदेवे इमीसे कहाए लट्ठ समाणे हटुतुटू कोडुम्बियपुरिसं सद्दावेइ सद्दावित्ता एवं बयासी"खिप्पामेव, भो देवाणुिप्पिया ! सभाए सुहम्माए सामुदाणियं भेरि तालेहि"। तए णं से कोडुम्बियपुरिसे-जाव-पडिसुणित्ता जेणेव सभाए सुहम्माए सामुदाणिया भेरी, तेणेव उवागच्छइ, उवागच्छित्ता सामुदाणियं भेरि महया-महया सद्देणं तालेइ॥ तए णं तीसे सामुदाणियाए भेरीए महया-महया सद्देणं तालियाए समाणीए समुद्दविजयपामोक्खा दसारा, देवीओ भाणियच्याओ, जाव-अणङ्गसेणापामोक्खा अणेगा गणियासहस्सा अन्ने य बहवे राईसर-जाव-सत्थवाहप्पभिईओ व्हाया-जाव-पायच्छित्ता सव्वालंकारविभूसिया जहाविभवइड्ढीसक्कारसमुदएणं अप्पेगइया हयगया-जाव-पुरिसवग्गुरा-परिक्खित्ता जेणेव कण्हे वासुदेवे, तेणेव उवागच्छइ उवागच्छिता करयल कण्हं वासुदेवं जएण विजएणं वद्धावन्ति ।। तए णं से कण्हे वासुदेवे कोडुम्बियपुरिसे एवं वयासी-"खिप्पामेव, भो देवाणुप्पिया, आभिसेक्कहत्थि कप्पेह हयगयरहपवर"-जावपच्चप्पिणन्ति। तए णं से कण्हे वासुदेवे मज्जणघरे जाव दुरूढे, अट्ठ मङ्गलगा, जहा कूणिए, सेयवरचामरेहि उद्धव्वमाणेहि उद्धब्वमाणेहि समुद्दविजयपामोक्खेंहि दसहि दसारहि-जाव-सत्थवाहप्पभिईहि सद्धि संपरिवुडे सब्विड्डीए-जाव-रवेणं बारवई नरि मज्झमझेणं. ....सेसं जहा कूणिओ-जाव-पज्जुवासइ ।।
निसढेण सावयधम्मगहणं ८३ तए णं तस्स निसढस्स कुमारस्स उप्पि पासायवरगयस्स तं महया जणसई च... जहा जमाली,-जाव-धम्म सोच्चा निसम्म वन्दइ,
नमसइ, बंदित्ता नमंसित्ता एवं बयासी-"सद्दहामि णं, भन्ते ! निग्गन्थं पावयणं," जहा चित्तो-जाव-सावगधम्म पडिवज्जइ पडिवज्जित्ता पडिगए।
वरदत्तण निसढस्स पुन्वभवपुच्छा-अरिट्टनेमिणा पुत्वभवकहणं च ८४ तेणं कालेणं तेणं समएणं अरहओ अरिटुनेमिस्स अन्तेवासी वरदत्त नाम अणगारे उराले-जाव-विहरइ ।
तए णं से वरदत्ते अणगारे निसलं पासइ, जायसड्ढे-जाव-पज्जुवासमाणे एवं वयासी"अहो णं, भन्ते, निसढे कुमारे इ8 इट्टरूवे कन्ते कन्तरूवे, एवं पिए मणुन्नए, मणामे मणामरूवे सोमे सोमरूवे पियदंसणे सुरूवे। निसढेणं, भन्ते ! कुमारेण अयमेयारूबा मणुयइड्ढी किणा लद्धा, किणा पत्ता?" पुच्छा जहा सुरियाभस्स। निसढस्स पुटवभवो-वीरंगअकुमारो "एवं खलु वरदत्ता"! तेणं कालेणं तेणं समएणं इहेव जम्बुद्दीवे दीवे भारहे वासे रोहीडए नामं नयरे होत्था, रिद्ध... । मेहवण्णे उज्जाणे । माणिदत्तस्स जक्खस्स जक्खाययणे। तत्थ णं रोहीडए नयरे महब्बले नाम राया, पउमावई नाम देवी, अन्नया कयाइ तंसि तारिसगंसि सयणिज्जंसि सीहं सुमिणे . . ., एवं जम्मणं भाणियव्वं जहा महाबलस्स, नवरं वीरगओ नामं, बत्तीसओ दाओ, बत्तीसाए रायवरकन्नगाणं पाणि-जाब-ओगिज्जमाणे ओगिज्जमाणे पाउसवरिसारत्तसारयहेमन्तगिम्हवसन्ते छप्पि उऊ जहाविभवे समाणे इ8 सद्दे-जाव-विहरइ॥
सिद्धत्थायरिओवएसेण वीरंगअस्स पवज्जा बंभलोए उप्पत्ती य ८६ तेणं कालेणं तेणं समएणं सिद्धत्था नाम आयरिया जाइसंपन्ना. . .जहा केसी, नवरं बहुस्सुया बहुपरिवारा जेणेव रोहीडए नयरे, जेणेव
मेहवण्णे उज्जाणे, जेणेव माणिदत्तस्स जक्खस्स जक्खाययणे, तेणेव उवागए. अहापडिरूवं-जाव-विहरइ। परिसा निग्गया। तए णं तस्स वीरङ्गयस्स कुमारस्स उप्पि पासायवरगयस्स तं महया जणसई...जहा जमाली, निग्गओ। धम्म सोच्चा...जे, नवरं, देवाणुप्पिया ! अम्मापियरो आपुच्छामि जहा जमाली, तहेव निक्खन्तो-जाव-अणगारे जाए-जाव-गुत्तबम्भयारी।"
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |