Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 266

विमलतित्थे महब्बलो
नो खल देवाणुप्पिया ! अज्ज हत्थिणापुरे नगरे इंदमहे इ वा-जाव-निग्गच्छंति । एवं खलु देवाणुप्पिया ! अज्ज विमलस्स अरहओ पओप्पए धम्मघोसे नाम अणगारे हथिणापुरस्स नगरस्स बहिया सहसंबवणे उज्जाणे अहापडिरूवं ओग्गहं ओगिहिता संजमेणं तवसा अप्पाणं भावेमाणे विहरइ, तए णं एते बहवे उग्गा, भोगा-जाव-निग्गच्छति ।।
महब्बलेण पब्वज्जाभिलासकहणं ४३ तए णं से महब्बले कुमारे तहेव रहवरेणं निग्गच्छति । धम्मकहा जहा केसिसामिस्स।
सो वि तहेव अम्मापियरं आपुच्छइ, नवरं--धम्मघोसस्स अणगारस्स अंतियं मुंडे भवित्ता अगाराओ अणगारियं पव्वइत्तए । तहेव वत्तपरिवत्तिया, नवरं--इमाओ य ते जाया ! विउलरायकुलबालियाओ कलाकुसलसव्वकाललालिय-सुहोचियाओ सेसं तं चैव-जावताहे अकामाई चेव महब्बलकुमार एवं वयासी-- तं इच्छामो ते जाया ! एगदिवसमवि रज्जसिरि पासित्तए।
तए णं से महब्बले कुमारे अम्मापिउ-वयणमणुयत्तमाणे तुसिणीए संचिट्ठइ। ४४ तए णं से बले राया कोडुबियपुरिसे सद्दावेइ, एवं जहा सिवभहस्स तहेव रायाभिसेओ भाणियव्वो-जाव अभिसिंचति,
करयलपरिग्गहियं दसनहं सिरसावत्तं मत्थए अंजलि कटु महब्बलं कुमारं जएणं विजएणं वद्धावेति, वद्धावेत्ता एवं यवासी-- भण जाया ! किं देमो ? किं पयच्छामो ? सेसं जहा जमालिस्स तहेव जाव
महब्बलपव्वज्जा देवभवो सुदंसणरूवेण जम्म य ४५ तए णं से महब्बले अणगारे धम्मघोसस्स अणगारस्स अंतियं सामाइयमाइयाई चोद्दस पुव्वाइं अहिज्जइ, अहिज्जित्ता बहूहि चउत्थ
छट्ठम-दसम-दुवालसेहि मासद्ध-मासखमणेहि विचितेहिं तवोकम्मेहि अप्पाणं भावेमाणे बहुपडिपुण्णाई दुवालस-वासाइं सामण्णपरियागं पाउणइ, पाउणित्ता मासियाए संलेहणाए अत्ताणं झूसित्ता, सट्ठि भत्ताई अणसणाए छेदेत्ता आलोइय-पडिक्कंते समाहिपत्ते कालमासे कालं किच्चा उड्ढं चंदिम-सूरिय-गहगण-नक्खत्त-तारारूवाणं बहूइं जोयणाई, बहूई जोयणसयाई, बहूई जोयणसहस्साई, बहूई जोयणसयसहस्साई, बहूओ जोयणकोडीओ, बहूओ जोयणकोडाकोडीओ उड्ढं दूरं उप्पइत्ता सोहम्मीसाण-सणंकुमार-माहिदे कप्पे वीईवइत्ता बंभलोए कप्पे देवत्ताए उववन्ने । तत्थ णं अत्थेगतियाणं देवाणं दस सागरोवमाइं ठिती पण्णता ।
तत्थ णं महब्बलस्स वि देवस्स बस सागरोवमाई ठिती पण्णत्ता। ४६ से णं तुम सुदंसणा ! बंभलोगे कप्पे दस सागरोवमाई 'दिव्वाई भोगभोगाई भुंजमाणे विहरित्ता ताओ चेव देवलोगाओ आउक्खएणं
भवक्खएणं ठिइक्खएणं अणंतरं चयं चइत्ता इहेव वाणियग्गामें नगरे सेटिकुलंसि पुत्तत्ताए पच्चायाए। तए णं तुमे सुदंसणा ! उम्मुक्कबालभावेणं विण्णाय-परिणयमेत्तेणं जोवणगमणुप्पत्तेणं तहारूवाणं थेराणं अंतियं केवलिपग्णत्ते धम्मे निसंते, सेवि य धम्मे इच्छिए, पडिच्छिए, अभिरुइए।
तं सुट्ठ णं तुम सुदंसणा ! इदाणि पि करेसि । ४७ से तेण?णं सुदंसणा ! एवं वुच्चइ--अस्थि णं एतेसि पलिओवम-सागरोवमाणं खएति वा अवचएति वा ॥
सुदंसणस्स जातीसरणं णाणं पत्वज्जाइं य । तए णं तस्स सुदंसणस्स सेट्ठिस्स समणस्स भगवओ महावीरस्स अंतियं एयम→ सोच्चा निसम्म सुभेणं अज्झवसाणेणं सुभेणं परिणामेणं लेसाहि विसुज्झमाणीहि तयावरणिज्जाणं कम्माणं खओवसमेणं ईहापूह-मग्गण-गवेसणं करेमाणस्स सण्णीपुग्वे जातीसरणे
समुप्पन्न, एयम४ सम्म अभिसमेति ॥ ४९ तए णं से सुदंसणे सेट्ठी समणेण भगवया महावीरेणं संभारियपुत्वभवे दुगुणाणीयसड्ढसंवेगे आणंदसुपुण्णनयणे समणं भगवं महावीर
तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी---- एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छियपडिच्छियमेयं भंते !--से जहेयं तुब्भे वदह त्ति कटु उत्तर पुरत्थिमं विसीभार्ग अवक्कमइ, सेसं जहा उसभदत्तस्स-जावसव्वदुक्खप्पहीणे, नवरं--चोइस पुवाई अहिज्जइ, बहुपडिपुण्णाई दुवालस वासाइं सामण्णपरियागं पाउणइ, सेसं तं चेव ।। सेवं भंते ! सेवं भंते ! ति ।।
भग० स०११, उ० ११ ।