Page Text
________________
धम्मकहाणुओगे दुतीयो खंधो
अट्ठ छत्ते, अट्ठ छत्तधारीओ चेडीओ, अट्ट चामराओ, अट्ठ चामरधारीओ चेडीओ। अट्ट तालियंटे, अट्ठ तालियंटधारीओ घेडीओ, अट्ठ करोडियाओ, अट्ठ करोडियाधारीओ चेडीओ, अट्ट खीरधाईओ, अढ मज्जणधाईओ, अट्ठ मंडणधाईओ अट्ठ खेल्लावणधाईओ, अट्ठ अंकधाईओ, अट्ठ अंगमद्दियाओ, अट्ठ उम्महियाओ अट्ठ पहावियाओ, अट्ठ पसाहियाओ, अट्ठ वण्णगपेसीओ, अट्ठ चुण्णगपेसीओ, अट्ठ कोडागारीओ, अट्ठ दवकारीओ, अट्ठ उवत्थाणियाओ, अट्ठ नाडइज्जाओ, अट्ठ कोडुबिणीओ, अट्ठ महाणसिणीओ, अट्ठ भंडागारिणीओ, अट्ठ अब्भाधारिणीओ, अट्ठ पुप्फधरणीओ, अट्ठ पाणिधरणीओ, अट्ट बाहिरियाओ, अट्ट सेज्जाकारीओ, अट्ठ अभितरियाओ पडिहारीओ, अट्ट बाहिरियाओ पडिहारीओ, अट्ठ मालाकारीओ, अट्ठ पेसणकारीओ, अण्णं वा सुबहुं हिरण्णं वा सुवण्णं वा कंस वा दूसं वा विउलधणग-कणग-रयण-मणि-मोत्तिय
संख-सिल-प्पवाल-रत्तरयण-संतसारसावएज्ज,1 अलाहि-जाव-आसत्तमाओ कुलवंसाओ पकामं दाउं, पकामं भोत्तुं, पकामं परिभाएउं ।। ४० तए णं से महब्बले कुमारे एगमेगाए भज्जाए एगमेगं हिरण्णकोडि दलयइ, एगमेगं सुवण्णकोडि दलयइ, एगमेगं मउडं मउडप्पवरं
दलयइ, एवं तं चेव सव्वं-जाव-एगमेगं पेसणकारि दलयइ, अण्णं वा सुबह हिरण्ण वा सुवण्णं वा कंसं वा दूसं वा विउलधणकणग-रयण-मणि-मोत्तिय-संख-सिल-प्पवाल-रत्तरयण-संतसारसावएज्ज, अलाहि-जाव-आसत्तमाओ कुलवंसाओ पकामं दाउं, पकामं
भोत्तुं, पकामं परिभाए। . तए णं से महब्बले कुमारे उप्पि पासायवरगए जहा जमाली-जाव-पंचविहे माणुस्सए कामभोगे पच्चणुब्भवमाणे विहरइ ।।
धम्मघोसागमणं ४१ तेणं कालेणं तेणं समएणं विमलस्स अरहओ पओप्पए धम्मघोसे नामं अणगारे जाइसंपन्ने वण्णओ जहा केसिसामिस्स-जाव-पंचहि
अणगारसहि सद्धि संपरिवुडे पुव्वाणुपुवि चरमाणे गामाणुग्गामं दूइज्जमाणे जेणेव हत्थिणापुरे नगरे, जेणेव सहसंबवणे उज्जाणे, तेणेव उवागच्छइ, उवागच्छित्ता अहापडिरूवं ओग्गहं ओगिण्हइ, ओगिण्हित्ता संजमेणं तवसा अप्पाणं भावेमाणे विहरइ ।। तए णं हत्थिणापुरे नगरे सिंघाडग-तिय-चउक्क-चच्चर-चउम्मुह-महापह-पहेसु महया जणसद्दे इ वा-जाव-परिसा पज्जुवासइ॥ महब्बलकुमारेण धम्मसवणं तए णं तस्स महब्बलस्स कुमारस्स तं महयाजणसई वा जगवूहं वा-जाव-जणसन्निवायं वा सुणमाणस्स वा पासमाणस्स वा एवं जहा जमालो तहेव चिता, तहेव कंचुइज्ज-पुरिसं सद्दावेति, सद्दावेत्ता एवं वयासी-- किण्णं देवाणुप्पिया ! अज्ज हत्थिणापुरे नयरे इंदमहे इ वा-जाव-निग्गच्छति ॥ तए णं से कंचुइ-पुरिसे महब्बलेणं कुमारेणं एवं वुत्ते समाणे हठ्ठतु? धम्मघोसस्स अणगारस्स आगमणगहियविणिच्छिए करयलपरिग्गहियं दसनहं सिरसावत्तं मत्थए अंजलि कटु महब्बलं कुमारं जएणं विजएणं वद्धावेइ, बद्धावेत्ता एवं वयासी--
४२ तए
१ पीइदाणं गाहाओ:-अट्ठहिरण्ण-सुवन्नयकोडीओ मउडकुंडलाहारा । अट्ठट्ठहार एकावली उ, मुत्तावली अट्ठ ॥१॥
कणगावलि-रयणावलि-कडगजुगा तुडियजोयखोमजुगा । वडजुग-पट्टजुगाई, दुकूलजुगलाई अट्ठ ।।२।। सिरि-हिरि-धिइ-कित्ती उ, बुद्धी लच्छी य होति अट्ठ । नंदा भद्दा य तला, झय-वय-नाडाई आसेव ।।३।। हत्थी जाणा जुग्गाओ, सीया तह संदमाणी गिल्लीओ।थिल्ली इ वियड जाणा, रह गामा दास दासीओ ।।४।। किंकर-कंचुइ-मयहर, वरिसधरे तिविह दीव थाले य । पाई थासग पल्लग, कतिविय अवएड अवपक्का ।।५।। पावीढ भिसिय करोडियाओ पल्लंकए य पडिसिज्जा । हंसाइहि विसिट्टा, आसणभेया उ अटूटू ।।६।। हंसे कुंचे गरुडे ओणय पणए य दीहभद्दे य । पक्खे मयरे पउमे, होइ दिसा सोत्थिए क्कारे ।।७।। तेल्ले कोटुसमुग्गा पत्ते चोए य तगर एला य । हरियाले हिंगुलए, मणोसिला सासवसमुग्गे ।।८।। खुज्जा चिलाइ वामणि बडभीओ बब्बरीओ वसियाओ । जोणिय पल्हवियाओ, इसिणिया घोरुणिया य ।।९।। लासिय लउसिय दमिणी, सिंहली तह आरबि पुलिंदी य । पक्कणि वणि मुरंढी, सबरीओ पारसीओ य ।।१०।। छत्तधरी चेडीओ, चामरधर-तालियंटधरीओ । सकरोडियाधरीओ, खीराति पंच धावीओ ।।११।। अनुगमद्दियाओ उम्मद्दिग-विगमंडियाओ य । वण्णय-चुण्णय-पीसीय कीलाकारी य दवगारी य ।।१२।। उच्छाविया उ तह, नाडइल्ल कोडुबिणी महाणसिणी । भंडारि अज्जधारि, पुप्फधरी पाणीयधरी य ॥१३॥ वलकारि य सेज्जाकारियाओ, अभंतरी उ बाहिरिया । पडिहारी मालारी, पेसणकारी उ अट्ट ।।१४।।
णाया० सु०१, अ० १, स०२१ टीका ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |