Page Text
________________
विमलतित्थे महब्बलो
तए णं तं महब्बल कुमारं अम्मापियरो अण्णया कयाइ सोभणसि तिहि-करण-दिवस-नक्खत्त-महत्तंसि व्हायं कयबलिकम्म कयकोउयमंगल-पायच्छित्तं सव्वालंकारविभूसियं पमक्खणग-व्हाण-गीय-वाइय-पसाहण-अट्ठगतिलग-कंकण-अविहवबहुउवणीयं मंगलसुजंपिएहि य वरकोउयमंगलोवयार-कयसंतिकम्मं सरिसियाणं सरित्तयाणं सरिव्वयाणं सरिसलावण्ण-रुव-जोव्वणगुणोववेयाणं विणीयाणं कयकोउय-मंगलपायच्छित्ताण सरिसएहि रायकुलेहितो आणिल्लियाण अटण्हं रायवरकन्नाणं एगदिवसेणं पाणिं गिण्हाविसु ।
३९
तए णं तस्स महाबलस्स कुमारस्स अम्मापियरो अयमेयारूवं पीइदाणं दलयंति, तं जहा-- अट्ठ हिरण्णकोडीओ, अट्ठ सुवण्णकोडीओअट्र मउडे मउडापवरे, अट्ट कुंडलजोए कुंडलजोयप्पवरे, अट्ट हारे हारप्पवरे, अट्ठ अवहारे अवहारप्पवरे, अट्ठ एगावलीओ एगावलिप्पवराओ, एवं मुत्तावलीओ, एवं कणगावलीओ, एवं रयणाणावलीओअट्ठ कडगजोए कडगजोयप्पवरे, एवं तुडियजोए । अट्ठ खोमजुयलाई खोमजुयलप्पवराई । एवं वडगजुयलाई, एवं पट्टजुयलाई, एवं दुगुल्लजुयलाई । अट्ट सिरीओ, अट्ठ हिरीओ। एवं धिईओ, कित्तीओ, बुद्धीओ, लच्छीओ। अट्ठ नंदाई, अट्ठ भद्दाई, अट्ठ तले तलप्पवरे सव्वरयणामए, नियगवरभवणकेऊ । अट्ठ झए झयप्पवरे, अट्ठ वए वयप्पवरे, दसगोसाहस्सिएणं वएणं । अट्ठ नाडगाई नाडगप्पवराई, बत्तीसइबद्धेणं नाडएणं । अट्ठ आसे आसप्पवरे, सव्वरयणामए सिरिघरपडिरूवए । अट्ट हत्थी हत्थिप्पवरे सब्बरयणामए सिरिघरपडिरूवए, अट्ठ जाणाई जाणप्पबराई, अट्ठ जुगाई जुगप्पवराई, एवं सिबियाओ, एवं संदमाणीओ, एवं गिल्लीओ, थिल्लोओ। अट्ट वियडजाणाई वियडजाणप्पवराई, अट्ठ रहे पारिजाणिए, अट्ठ रहे संगामिए, अट्ठ आसे आसप्पवरे, अट्ट हत्थी हत्थिप्पवरे । अट्ठ गामे गामप्पवरे दसकुलसाहस्सिएणं गामेणं । अट्ठ दासे दासप्पवरे, एवं दासीओ, एवं किंकरे, एवं कंचुइज्जे, एवं वरिसधरे, एवं महत्तरए । अट्ट सोवण्णिए ओलंबणदीवे, अट्ठ रुप्पामए ओलंबणदीवे, अट्ट सुवण्णरुप्पामए ओलंबणदीवे । अट्ट सोवण्णिए उक्कंबणदीवे, एवं चेव तिण्णि वि, अट्ठ सोवण्णिए पंजरदीवे, एवं चेव तिण्णि वि । अट्ट सोवण्णिए थाले, अट्ठ रुप्पामए थाले, अट्ठ सुवण्णरुप्पामए थाले, अट्ट सोवणियाओ पत्तीओ ३, अट्ठ सोवणियाई थासगाई ३, अट्ठ सोवष्णियाई मल्लगाई ३, अट्ठ सोवणियाओ तलियाओ ३ । अट्ठ सोवणियाओ कविचियाओ ३, अट्ठ सोवण्णिए अवएडए ३, अट्ठ सोवष्णियाओ अवयक्काओ ३, अट्ठ सोवण्णिए पायपीढए ३ । अट्ठ सोवणियाओ भिसियाओ ३, अट्ठ सोवणियाओ करोडियाओ ३, अट्ट सोवण्णिए पल्लंके ३, अट्ठ सोवणियाओ पडिसेज्जाओ ३ । अट्ट हंसासणाई, अट्ट कोंचासणाई, एवं गरलासणाई, उन्नयासणाई, पणयासणाई, दोहासणाई, भद्दासणाई, पक्खासणाई, मगरासणाई, अट्ट पउमासणाई, अट्ठ दिसासोवत्थियासणाई । अट्ट तेल्ल-समुग्गे, जहारायप्पसेणइज्जे अट्ठ कोट्ठ-समुग्गे, एवं पत्त-चोयग-तगर-एल-हरियाल-हिंगुलय-मणोसिल-अंजण-समुग्गे, अट्ठ सरिसव-समुग्गे । अट्ठ खुज्जाओ जहा ओववाइए-जाव-अट्ठ पारिसीओ,
ध० क०२
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |