Page Text
________________
विमलतित्थे महब्बलो
एस णं सुदंसणा! अद्धा दोहाराछेदेणं छिज्जमाणी जाहे विभागं नो हव्वमागच्छइ, से तं समए समयट्ठयाए । असंखेज्जाणं समयाणं समुदयसमिइसमागमेणं सा एगा आवलियत्ति पवुच्चइ । संखेज्जाओ आवलियाओ ।
जहा सालिउद्देसए-जाव-सागरोवमस्स उ, एगस्स भवे परिमाणं'
१५ एएहि णं भंते ! पलिओवम-सागरोवमेहि कि पयोयणं?
सुदंसणा! एएहि पलिओवम-सागरोवमेहि नेरइय-तिरिक्खजोणिय-मणुस्स-देवाणं आउयाई मविज्जति ॥
१६
नेरइयाणं भंते ! केवइयं कालं ठिई पण्णता? . एवं ठिइपदं निरवसेसं भाणियव्वं-जावसम्वट्ठगसिद्धगदेवाण-पज्जत्तयाणं केवइयं कालं ठिई पन्नत्ता ? गोयमा ! अजहण्णमणुक्कोसेणं तेत्तीसं सागरोवमाई ठिई पण्णता ॥'
सुदंसणसेटिणा पलिओवमादि खयावचयविसए पुच्छा १७ अत्थि णं भंते ! एएसि पलिओवम-सागरोवमाणं खए ति वा अवचए ति वा ? हंता अत्थि ॥
भगवया महावीरेण सुदंसणसेट्ठिणो पुन्वभववण्णणे महब्बल-कहा-कहणं १८ से केण→णं भंते ! एवं वुच्चइ--अत्थि णं एएसि पलिओवमसागरोवमाणं 'खएति वा' अवचएति वा ?
एवं खलु सुदसणा ! तेणं कालेण तेणं समएणं हत्थिणापुरे नामं नगरे होत्था-वण्णओ। सहस्संबवणे उज्जाणे-वण्णओ । तत्थ णं हत्थिणापुरे नगरे बले नाम राया होत्था-वण्णओ। तस्स णं बलस्स रण्णो पभावई नामं देवी होत्था-सुकुमालपाणिपाया-वण्णओ-जाव-पंचविहे माणुस्सए कामभोगे पच्चणुभवमाणी विहरइ ।
पभावई-देवीए सुमीणे सीह-दसणं तए णं सा पभावई देवी अण्णया कयाइ तंसि तारिसगंसि वासघरंसि . . . अद्धरत्तकालसमयंसि सुत्तजागरा ओहीरमाणी ओहीरमाणी अयमेयारूवं ओरालं-जाव-सस्सिरियं महा सुविणं पासित्ताणं पडिबुद्धा। हार-रयय-खीरसागर-ससंककिरण-दगरय-रययमहासेल-पंडुर-तरोरु-रमणिज्जं पेच्छणिज्जं...नहयलाओ ओवयमाणं निययवयणमतिवयं सीहं सुविणे पासित्ताणं पडिबुद्धा ।
२१
तए णं सा पभावती देवी अयमेयारूवं ओरालं-जाव-सस्सिरियं महासुविणं पासित्ताणं पडिबुद्धा समाणी हट्ठतुट्ठचित्तमाणंदिया-जावधाराहयकलंबगं पिव समूसियरोमकूवा तं सुविणं ओगिण्हइ, ओगिण्हित्ता सयणिज्जाओ अब्भुट्टेइ, अब्भुठेत्ता अतुरियमचवलमसंभंताए अविलंबियाए रायहंससरिसीए गइए जेणेव बलस्स रणो सयणिज्जे तेणेव उवागच्छइ, उवागच्छित्ता बलं रायं इट्ठाहि-जाव
१ क-अणु० सु० ३६३-३९८ ।
ख-भग० स०६, उ०७, सु०४-७ । ग-ठाणं० अ० २, उ०१, सु०६७, ७४ । अ०२, उ० ४, सु० ९९ । अ० ८, सु० ६१७ ।
घ-भग० स० २५, उ०५, सु० २-१९ २ अणु० सु० ३८२ ।। ३ क-अणु० सु० ३८३-३९१ ।
ख-पण० प० ४, सु० ३३५-३४२ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |