Page Text
________________
धम्मकहाणुओगे दुतीयो खंधो ८ जदा णं भंते ! उक्कोसिया अद्धपंचममहत्ता विवसस्स वा राईए वा पोरिसी भवइ, तदा णं कतिभागमुहत्तभागेणं परिहायमाणी
परिहायमाणी जहणिया तिमुहुत्ता विवसस्स वा राईए वा पोरिसी भवइ? जदा णं जहण्णिया तिमुहुत्ता दिवसस्स वा राईए वा पोरिसी भवइ, तदा णं कतिभागमुहुत्तभागेणं परिवड्ढमाणी-परिवड्ढमाणी उक्कोसिया अद्धपंचममुहत्ता दिवसस्स वा राईए वा पोरिसी भवइ ? सुदंसणा! जदा णं उक्कोसिया अद्धपंचममहत्ता दिवसस्स वा राईए वा पोरिसी भवइ, तदा णं बावीससयभागमहत्तभागेणं परिहायमाणी-परिहायमाणी जहणिया तिमहत्ता दिवसस्स वा राईए वा पोरिसी भवइ। जदा वा जहणिया तिमुहुत्ता दिवसस्स वा राईए वा पोरिसी भवइ, तदा णं बावीससयभागमुहुत्तभागेणं परिवड्ढमाणी-परिवड्ढमाणी उक्कोसिया अद्धपंचममहत्ता दिवसस्स वा राईए वा पोरिसी भवइ॥ कदा णं भंते ! उक्कोसिया अद्धपंचममुहुत्ता दिवसस्स वा राईए वा पोरिसी भवइ ? कदा वा जहणिया तिमुहुत्ता दिबसस्स वा राईए वा पोरिसी भवइ ? सुदंसणा! जदा णं उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, तदा णं उक्कोसिया अद्धपंचममुहुत्ता दिवसस्स पोरिसी भवइ, जहणिया तिमहत्ता राईए पोरिसी भवइ ।' जदा णं उक्कोसिया अट्ठारसमुहुत्तिया राई भवई, जहण्णिए दुवालसमुहुत्ते दिवसे भवइ, तदा णं उक्कोसिया अद्धपंचममुहत्ता राईए
पोरिसी भवइ, जहणिया तिमुहत्ता दिवसस्स पोरिसी भवइ ॥ १० कदा णं भते ! उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवई ?
कदा वा उक्कोसिया अट्ठारसमुहुत्ता राई भवइ, जहण्णए दुवालसमुहत्ते दिवसे भवइ ? सुदंसणा! आसादपुण्णिमाए उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ ।
पोसपुण्णिमाए णं उक्कोसिया अट्ठारसमुहत्ता राई भवइ, जहण्णए दुवालसमुहुत्ते दिवसे भवइ ॥' ११ अत्थि णं भंते ! दिवसा य राईओ य समा चेव भवंति ?
हंता अत्थि ॥ कदा णं भंते ! दिवसा य राईओ य समा चेव भवंति ? सुदंसणा! चेत्तासोयपुणिमासु, एत्थ णं दिवसा य राईओ य समा चेव भवंति-पण्णरसमुहुत्ते दिवसे पण्णरसमुहुत्ता राई भवइ ।
चउभागमुहत्तभागूणा चउमुहुत्ता दिवसस्स वा राईए वा पोरिसी भवइ । से तं पमाणकाले ॥ १२ से किं तं अहाउनिव्वत्तिकाले ?
अहाउनिव्वत्तिकाले--जणं जेणं नेरइएण वा तिरिक्खजोणिएण वा मणुस्सेण वा देवेण वा अहाउयं निव्वत्तियं । से तं अहाउ-निव्वत्तिकाले ॥
१३ से कि तं मरणकाले ?
मरणकाले--जीवो वा सरीराओ सरीरं वा जीवाओ । से तं मरणकाले ॥ १४ से कि तं अद्धाकाले ?
अद्धाकाले-से णं समयट्ठयाए आवलियठ्ठयाए-जाव-उस्सप्पिणीट्ट्याए ।
१ सम० १८, सु० ८। २ सम० १२, सु० ८। ३ सम० २४, सु० ४ । २७, सु०६ । ३७ सु० ५ । ३६ सु० ४ । ४०, सु० ६,७ । ४ सम० १५, सु० ५।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |