Page Text
________________
१३६
धम्मकहाणुओगे पढमखंधे
साभाविएहि य उत्तरवेउम्विएहि य वरकमलपइट्ठाणेहि सुरभि-वर-वारि-पडिपुण्णेहिं -जाव- महया महया रायाभिसेएणं अभिसिंचंति, अभिसेओ जहा विजयस्स, अभिसंचित्ता पत्तेयं पत्तेयं -जाव- अंजलि क१ ताहि इटाहि जहा पविसंतस्स भणिया -जाव- विहराहि त्ति कटु जयजयसई पउंजंति ।
नयरे दुवालससंवच्छरियपमोयघोसणं ५७८ तए णं तं भरहं रायाणं सेणावइरयणे -जाव- पुरोहियरयणे तिण्णि य सट्टा सूयसया अट्ठारस सेणिप्पसेणीओ अण्णे य
बहवे -जाव- सत्यवाहप्पभिइओ एवं चेव अभिसिंचंति, तेहि वरकमलपइट्ठाणेहिं तहेव -जाव- अभिथुणंति य सोलस देवसहस्सा एवं चेव । णवरं पम्हलसुकुमालाए -जाव- मउडं पिणखेति । तयणंतरं च णं दद्दरमलयसुगंधिएहिं गंधेहिं गायाई अन्भक्खेंति दिव्वं च सुमणोदामं पिणखेति । कि बहुणा ?, गंठिम-बेढिम -जाव- विभूसियं करेंति । तए णं से भरहे राया महया महया रायाभिसेएणं अभिसिंचिए समाणे कोडुबियपुरिसे सद्दावेइ, सद्दावित्ता एवं वयासी"खिप्पामेव भो देवाणुप्पिया ! हत्थिखंधवरगया विणीयाए रायहाणीए सिंघाडग-तिग-चउक्क-चच्चर -जाव- महापहपहेसु महया महया सद्देणं उग्घोसेमाणा उग्धोसेमाणा उस्सुक्कं उक्करं उक्किट्ठ अदिज्जं अमिज्जं अभडप्पवेसं अदंडकोदंडिमं -जावसपुरजण-जाणवयं दुवालस-संवच्छरियं पमोयं घोसेह, घोसित्ता ममेयमाणत्तियं पच्चप्पिणह ति।" तए णं ते कोडुंबियपुरिसा भरहेणं रण्णा एवं वुत्ता समाणा हट्टतुट्ठचित्तमाणंदिया पोइमणा० हरिसवसविसप्पमाणहियया विणएणं वयणं पडिसुणिति, पडिसुणित्ता खिप्पामेव हत्थिखंधवरगया -जाव- घोसेंति, घोसित्ता एयमाणत्तियं पच्चप्पिणंति ।
पासायं पडिगमणं ५७९ तए णं से भरहे राया महया महया रायाभिसेएणं अभिसित्ते समाणे सोहासणाओ अब्भुट्ट्इ, अब्भुठ्ठित्ता इत्थिरयणेणं
-जाव-णाडग-सहस्सेहि सद्धि संपरिवुडे अभिसेय-पेढाओ पुरथिमिल्लेणं तिसोवाणपडिरूवएणं पच्चोरुहइ पच्चोरुहित्ता अभिसेयमंडवाओ पडिणिक्खमइ, पडिणिक्खमित्ता जेणेव आभिसेक्के हत्थिरयणे तेणेव उवागच्छइ, उवागच्छित्ता अंजणगिरिकूड-सण्णिभं गयवई-जाव-दुरूढे । तए णं तस्स भरहस्स रण्णो बत्तीसं रायसहस्सा अभिसेयपेढाओ उत्तरिल्लेणं तिसोवाणपडिरूवएणं पच्चोरहंति । तए णं तस्स भरहस्स रणो सेणावइरयणे - जाव - सत्यवाहप्पभिइओ अभिसेयपेढाओ दाहिणिल्लेणं तिसोवाणपडिरूवएणं पच्चोरुहंति । तए णं तस्स भरहस्स रण्णो आभिसेक्कं हत्थिरयणं दुरुढस्स समाणस्स इमे अट्ठमंगलगा पुरओ -जाव- संपठ्ठिया । जो वि य अइगच्छमाणस्स गमो पढमो कुबेरावसाणो सो चेव इहंपि कमो सक्कारजढो णेयत्वो -जाव- कुबेरे ब्व देवराया केलासं सिहरिसिंगभूयंति ।
५८० तए णं से भरहे राया मज्जणघरं अणुपविसइ, अणुपविसित्ता -जाव- भोयणमंडवंसि सुहासणवरगए अट्ठमभत्तं पारेइ,
पारिता भोयणमंडवाओ पडिणिक्खमइ, पडिणिक्खमित्ता उप्पि पासायवरगए फुटमाणेहि मुइंगमत्थएहि -जाव- भुंजमाणे विहर।। तए णं से भरहे राया दुवालस-संवच्छरियंसि पमोयंसि णिव्वत्तंसि समाणंसि जेणेव मज्जणधरे तेणेव उवागच्छइ, उवागच्छित्ता-जाव-मज्जणघराओ पडिणिक्खमइ, पडिणिक्खमित्ता जेणेव बाहिरिया उवट्ठाणसाला-जाव-सीहासणवरगए पुरत्थाभिमुहे णिसीयइ, णिसीयित्ता सोलस देवसहस्से सक्कारेइ सम्माणेइ, सक्कारेत्ता सम्माणेत्ता पडिविसज्जेइ पडिविसज्जेत्ता बत्तीसं रायवरसहस्सा सक्कारेइ सम्माणेइ, सक्कारित्ता सम्माणित्ता सेणावइरयणं सक्कारेइ सम्माणेइ, सक्कारित्ता सम्माणित्ता-जाव-पुरोहियरयणं सक्कारेइ सम्माणेइ, सक्कारिता सम्माणित्ता एवं तिणि सट्टे सूयारसए अट्ठारस सेणिप्पसेणीओ सक्कारेइ सम्माणेइ, सक्कारिता सम्माणित्ता अण्णे य बहवे राईसरतलवर-जाव-सत्यवाहप्पभिइओ सक्कारेइ सम्माणेइ, सक्कारिता सम्माणित्ता पडिविसज्जेइ पडिविसज्जित्ता उप्पि पासायवरगए-जाव-विहरइ ॥
रयणमहाणिहीणं उप्पत्तिठाणं ५८१ भरहस्स रण्णो चक्करयणे १ दंडरयणे २ असिरयणे ३ छत्तरयणे ४ एए णं चत्तारि एगिदियरयणा आउहबरसालाए
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |