Page Text
________________
भरहचक्कवट्टिचरियं
१३१
तए णं से भरहे राया पोसहसालाए-जाव-णिहिरयणे मणसि करेमाणे करेमाणे चिट्ठइति । तस्स य अपरिमिय-रत्तरयणा धूयमक्खयमव्वया सदेवा लोकोपचयंकरा उवगया णब णिहओ लोगविस्सुय-जसा तं जहागाहाओ- १णेसप्पे २पंडुयए ३पिंगलए ४सव्वरयण ५महपउमे । ६काले ७य महाकाले ८माणवगे महाणिही ९संखे ॥१॥
सप्पंमि णिवेसा गामागर-णगर-पट्टणाणं च । दोणमुह-मडंबाणं खंघावारावण-गिहाणं ॥१॥ गणियस्स उ उप्पत्तो माणुम्माणस्स जं पमाणं च । धण्णस्स य बीयाण य उप्पत्ती पंडुए भणिया ॥२॥ सव्वा आभरणविही पुरिसाणं जा य होइ महिलाणं । आसाण य हत्थीण य पिंगलगणिहिमि सा भणिया ॥३॥ रयणाई सव्वरयणे चउदसवि वराई चक्कवट्टिस्स । उप्पज्जंते एगिदियाइं पंचिबियाई च ॥४॥ वत्थाण य उप्पत्ती णिप्फत्ती चेव सन्वभत्तीणं । रंगाण य धोव्वाण य सव्वाएसा महापउमे ॥५॥ काले कालण्णाणं सव्वपुराणं च तिसु वि वंसेसु । सिप्पसयं कम्माणि य तिण्णि पयाए हियकराणि ॥६॥ लोहस्स य उप्पत्ती होइ महाकाले आगराणं च । रुप्पस्स सुवण्णस्स य मणि-मुत्त-सिलप्पवालाणं ॥७॥ जोहाण स उप्पत्ती, आवरणाणं च पहरणाणं च । सव्वा य जुद्धणीई, माणवगे दंडणीई य ॥८॥ पट्टविही गाडगविही, कव्वस्स य चउविहस्स उत्पत्ती । संखे महाणिहिमी तुडियंगाणं च सवसि ॥९॥
चक्कट्टपइट्ठाणा अठुस्सेहा य णव य विक्खंभा । बारसदोहा मंजूससंठिया जण्हबीइ मुहे ॥१०॥ वेरुलिय-मणिकवाडा कणगमया विविह-रयण-पडिपुण्णा । ससि-सूर-चक्क-लक्खण अणुसमवयणोववत्ती या ॥११॥ पलिओवमट्टिईया णिहिसरिणामा य तत्थ खलु देवा । जेसि ते आवासा अक्किज्जा आहिवच्चा य ॥१२॥ एए णव णिहिरयणा पभूय-धण-रयण-संचय-समिद्धा । जे वसमुवगच्छंति भरहाहिवचक्कट्टीणं ॥१३॥ तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ। एवं मज्जणघरपवेसो-जाव-सेणि-प्पसेणिसद्दावणया-जाव-णिहिरयणाणं अट्ठाहियं महामहिमं करेइ ।
५६० तए णं मे भरहे राया णिहिरयणाणं अट्ठाहियाए महामहिमाए णिवत्ताए समाणीए सुसेणं सेणावइरयणं सद्दावेइ, सद्दावित्ता
एवं वयासी"गच्छ णं भो देवाणुप्पिया! गंगामहाणईए पुरथिमिल्लं णिक्खुडं दुच्चं पि सगंगासागर-गिरि-मेरागं सम-विसम-णिक्खुडाणि य ओअवेहि, ओअइत्ता एयमाणत्तियं पच्चप्पिणाहि" ति । तए णं से सुसेणे तं चेव पुव्ववणियं भाणियव्वं-जाव-ओअवित्ता तमाणत्तियं पच्चप्पिणइ......पडिविसज्जेइ-जावभोगभोगाई भुंजमाणे विहरइ ।
विणीयं रायहाणि पडि गमणं ५६१ तए णं से दिव्वे चक्करयणे अन्नया कयाइ आउहघरसालाओ पडिणिक्खमइ पडिणिक्खमित्ता अंतलिक्ख-पडिवण्णे जक्स
सहस्स-संपरिवुडे दिव्वतुडिय-जाव-आपूरेते चेव विजयक्खंधावार-णिवेसं मसंमजसणं णिग्गच्छइ, णिगच्छित्ता बाहिणपच्चत्थिम दिसि विणीयं रायहाणि अभिमुहे पयाए पावि होत्था । तए णं से भरहे राया-जाव-पासइ, पासित्ता हट्ठतुट्ठ-जाव-कोडुंबियपुरिसे सद्दावेइ, सद्दावित्ता एवं वयासीखिप्पामेव भो देवाणुप्पिया ! आभिसेक्क-जाव-पच्चप्पिणंति ॥ तए णं से भरहे राया अज्जियरज्जो णिज्जियसत्तू उप्पण्ण-समत्त-रयणे चक्करयणप्पहाणे णव-णिहिवई समिद्धकोसे बत्तीसरायवरसहस्साणुयायमग्गे सट्ठीए वरिससहस्सेहिं केवलकप्पं भरहं वासं ओअवेइ, ओअवेत्ता कोडुबियपुरिसे सद्दाइ, सहावित्ता एवं वयासी
१. एगमेगे णं महाणिही अट्टचक्कवालपतिट्ठाणे अट्ठजोयणाई उड्द उच्चत्तेणं पण्णत्ते ।
एगमेगे गं महाणिही णव-णवजोयणाई विक्खंभेण पण्णत्ते । एगमेगस्स ण रणो चाउरंतचक्कवट्टिस्स णव महाणिहिओ पण्णता, तं जहा-णेसप्पे पंडुयए जाव सब्बेसिं चक्कवट्टीणं ।।
ठाणं अ० ९, सु० ६७३ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |