Page Text
________________
धम्मकहाणुओगे पढमखंधे
गंगादेवीकयं भरहस्स कणगसिंहासणजुगसमप्पणं ५५५ तए णं से विग्वे चक्करयणे आउहबरसालाओ पडिणिक्खमई-जाव-उत्तरपुरस्थिमं दिसिं गंगादेवी-भवणाभिमुहे पयाए
यावि होत्था, सच्चेव सव्वा सिधुवत्तव्वया-जाव-णवरं कुंभट्ठसहस्सं रयणचितं णाणामणि-कणग-रयण-भत्तिचित्ताणि य दुवे कणगसीहासणाई सेसं तं चेव - जाव - महिम ति॥
खंडप्पवायगुहाए णट्टमालगदेवण भरहस्स पीइदाणं ५५६ तए णं से दिब्वे चक्करयणे गंगाए देवीए अट्ठाहियाए महामहिमाए णिवत्ताए समाणीए आउह-घरसालाओ पडिणिक्खमइ,
पडिणिक्खमित्ता -जाव- गंगाए महाणईए पच्चत्थिमिल्लेणं कूलेणं दाहिणदिसि खंडप्पवायगुहाभिमुहे पयाए यावि होत्था । तए णं से भरहे राया-जाव-जेणेव खंडप्पवायगुहा तेणेव उवागच्छइ, उवागच्छित्ता०, सव्वा कयमालगवत्तव्यया णेयव्वा । णवरं णट्टमालगे देवे पीइदाणं से आलंकारियभंडं कडगाणि य, सेसं सव्वं तहेव - जाव - अट्ठाहिया महाम० । तए णं से भरहे राया पट्टमालगस्स देवस्स अट्टाहियाए म० णिवत्ताए समाणीए सुसेणं सेणावई सद्दावेइ, सद्दावित्ता - जाव - सिंधुगमो णेयव्वो - जाव - गंगाए महाणईए पुरथिमिल्लं णिक्खुडं सगंगासागरगिरिमेरागं समविसमणिक्खुडाणि य ओअवेइ, ओअवित्ता अग्गाणि वराणि रयणाणि पडिच्छइ, पडिच्छित्ता जेणेव गंगा महाणई तेणेव उवागच्छइ, उवागच्छित्ता दोच्चंपि सक्खंधावारबले गंगामहाणई विमलजलतुंगवीइं णावाभूएणं चम्मरयणेणं उत्तरइ, उत्तरित्ता जेणेव भरहस्स रण्णो विजयखंधावारणिवेसे जेणेव बाहिरिया उवट्ठाणसाला तेणेव उवागच्छड, उबागच्छित्ता आभिसेक्काओ हत्थिरयणाओ पच्चोरुहइ, पच्चोरुहिता अग्गाई बराई रयणाई गहाय जेणेव भरहे राया तेणेव उवागच्छइ, उबागच्छित्ता करयलपरिग्गहियं - जाव - अंजलि कटु भरहं रायं जएणं विजएणं वद्धावेइ, बद्धावित्ता अग्गाई वराई रयणाई उवणेइ ।
सुसेणसेणावइस्स भरहेण सक्कारो
५५७ तए णं से भरहे राया सुसेणस्स सेणावइस्स अग्गाई बराई रयणाई पडिच्छइ, पडिपिछत्ता सुसेणं सेणावई सक्कारेइ
सम्माणेइ, सक्कारिता सम्माणित्ता पडिविसज्जेइ । तए णं से सुसेणे सेणावई भरहस्स रण्णो सेसं पि तहेव - जाव - विहरद्द । अओ परं आगमणकमेण पडिगमणं भरहस्स
५५८ तए णं से भरहे राया अण्णया कयाइ सुसेणं सेणावइरयणं सद्दावेइ, सद्दावित्ता एवं वयासी
गच्छ णं भो देवाणुप्पिया ! खंडगप्पवायगुहाए उत्तरिल्लस्स दुवारस्स कवाडे विहाडेहि, विहाडित्ता जहा तिमिसगुहाए तहा भाणियव्वं - जाव - पियं भे भवउ । सेसं तहेव - जाव- भरहो उत्तरिल्लेणं दुवारेणं अईइ ससिव्व मेहंधयारणिवहं तहेव पविसंतो मंडलाइं आलिहइ । तीसे णं खंडगप्पवायगुहाए बहुमज्झदेसभाए-जाव-उम्मग्ग-णिमग्गजलाओ णाम दुवे महाणईओ तहेव । णवरं पच्चथिमिल्लाओ कडगाओ पढाओ समाणीओ पुरत्यिमेणं गंगं महाणई समप्पेति । सेसं तहेव णवरं पच्चत्थिमिल्लेणं कूलेणं गंगाए संकमवत्तव्वया तहेव ति।। तए णं खंडगप्पवायगुहाए बाहिणिल्लस्स दुवारस्स कवाडा सयमेव महया महया कोंचारवं करेमाणा सरसरस्स सगाई सगाई ठाणाई पच्चोसक्कित्था । तए णं से भरहे राया चक्करयणदेसियमग्गे-जाव-खंडगप्पवायगुहाओ दक्खिणिल्लेणं दारेणं णोणेइ ससिव्व मेहंघयारणिवहाओ ॥
णवणिहिउप्पत्ती ५५९ तए णं से भरहे राया गंगाए महाणईए पच्चथिमिल्ले कूले दुवालसजोयणायामं णवजोयणवित्थिण्णं-जाव-विजयक्खंधा
वारणिवेसं करेइ, अवसिठं तं चेव-जाव-णिहिरयणाणं अट्ठमभत्तं पगिण्हइ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |