Page Text
________________
भरहचक्कवट्टिचरियं
१२९ ५५० तए णं से चुल्लहिमवंतगिरिकुमारे देवे मेराए सरं णिवइयं पासइ, पासित्ता आसुरुत्ते रुठे-जाव-पीइदाणं सव्वोसहि
च मालं गोसीसचंदणं च कडगाणि - जाव - दहोदगं च गेण्हइ, गिण्हित्ता ताए उक्किट्ठाए-जाव-उत्तरेणं चुल्लहिमवंतगिरिमेराए अहण्णं देवाणुप्पियाणं विसयवासी-जाव-अहण्णं देवाणुप्पियाणं उत्तरिल्ले अंतवाल-जाव-पडिविसज्जेइ ।
कागणिरयणपरामुसणेण भरहेण चक्कवट्टिनामलिहणं ५५१ तए णं से भरहे राया तुरए णिगिण्हइ, णिगिण्हित्ता रहं परावत्तेइ, परावत्तित्ता जेणेव उसहकूडे तेणेव उवागच्छइ,
उवागच्छित्ता उसहकूडं पव्वयं तिक्खुत्तो रहसिरेणं फुसइ, फुसित्ता तुरए निगिण्हइ, निगिण्हित्ता रहं ठवेइ, ठवित्ता छत्तलं दुवालसंसियं अट्ठकणियं अहिगरणिसंठियं सावणियं कागणिरयणं परामुसइ, परामुसित्ता उसभकूडस्स पव्वयस्स पुरथिमिल्लंसि कडगंसि णामगं आउडेइ । गाहाओ- ओसप्पिणीइमीसे तइयाए समाए पच्छिमे भाए । अहमसि चक्कवट्टी भरहो इय नामधिज्जेणं ॥१॥
___ अहमंसि पढमराया अहयं भरहाहिवो णरवरिंदो। पत्थि महं पडिसत्तू जियं मए भारहं वासं ॥२॥ ति कटु णामगं आउडेइ ।
चक्काणुमग्गेणं भरहस्स वेयड्ढउत्तरणियंबे गमणं ५५२ णामगं आउडित्ता रहं परावत्तेइ, परावत्तित्ता जेणेव विजयखंधावारणिवेसे जेणेव बाहिरिया उवट्टाणसाला तेणेव
उवागच्छइ, उवागच्छित्ता - जाव - चुल्लहिमवंतगिरिकुमारस्स देवस्स अट्ठाहियाए महामहिमाए णिव्वत्ताए समाणीए आउहघरसालाओ पडिणिक्खमइ पडिणिक्खमित्ता-जाव-दाहिणदिसि वेयड्ढपव्वयामिमुहे पयाए यावि होत्था ।
५५३ तए णं से भरहे राया तं दिव्वं चक्करयणं-जाव-बयड्ढस्स पव्वयस्स उत्तरिल्ले णियंबे तेणेव उवागच्छइ, उवागच्छित्ता
वेयड्ढस्स पव्वयस्स उत्तरिल्ले णियंबे दुवालसजोयणायाम-जाव-पोसहसालं अणुपविसए-जावणमिविणमीणं विज्जाहरराईणं अट्ठमभत्तं पगिण्हइ, पगिण्हित्ता पोसहसालाए-जाव-णमि-विणमि-विज्जाहररायाणो मणसी-करेमाणे करेमाणे चिट्ठइ ।
विज्जाहरराएहि गमि-विणमोहिं भरहस्स रयणाइ-इत्थिरयण-समप्पणं
५५४ तए णं तस्स भरहस्स रण्णो अटुमभत्तंसि परिणममाणंसि णमि-विणमिविज्जाहररायाणो दिव्वाए मईए चोइयमई
अण्णमण्णस्स अंतियं पाउन्भवंति, पाउभवित्ता एवं वयासी"उप्पण्णे खलु भो देवाणुप्पिया ! जंबुद्दीवे दीवे भरहे वासे भरहे राया चाउरतचक्कवट्टी, तं जीयमेयं तीयपच्चुप्पण्णमणागयाणं विज्जाहरराईणं चक्कवट्टीणं उवत्थाणियं करेत्तए, तं गच्छामो णं देवाणुप्पिया ! अम्हेवि भरहस्स रण्णो उवत्थाणियं करेमो ति" कट्ट विणमीणाऊणं चक्कट्टि दिव्वाए मईए चोइयमई माणुम्माणप्पमाण जुत्तं तेयस्सि रूवलक्खणजुत्तं ठियजुब्वणकेसवट्ठियणहं सव्वरोगणाणिस बलकरि इच्छियसीउण्हफासजुत्तं । गाहा- तिसु तणुयं तिसु तंबं तिबलीगइउग्णयं तिगंभीरं । तिसु कालं तिसु सेयं तियाययं तिसु य वित्थिण्णं ॥१॥ समसरीरं भरहे वासंमि सव्वमहिलष्पहाणं सुंदर-थण-जहण-वर-कर-चलण-णयण-सिरसिज-दसण-जणहियय - रमणमणहरि सिंगारागार-जाव-जुत्तोवयारकुसलं अमरवहूणं सुरूवं रूवेणं अणुहरंति सुभदं भदंमि जोवणे वट्टमाणिं इत्थीरयणं; णमी य रयणाणि य, कडगाणि य, तुडियाणि य गेण्हइ, गेण्हित्ता ताए उक्किट्ठाए तुरियाए-जाव-उद्ध्याए विज्जाहरगईए जेणेव भरहे राया तेणेव उवागच्छंति, उवागच्छित्ता एवं अंतलिक्खपडिवण्णा सखिखिणियाइं-जाव-जएणं विजएणं बद्धा ति, बद्धावित्ता एवं बयासी"अभिजिए णं देवाणुप्पिया ! जाव अम्हे देवाणुप्पियाणं आणत्तिकिंकरा इति कटु तं पडिच्छंतु णं देवाणुप्पिया ! अम्ह" इम-जाव-विणमी इत्थीरयणं णमी रयणाणि समप्पेइ । तए णं से भरहे राया-जाव-पडिविसज्जेइ, पडिविसज्जित्ता पोसहसालाओ पडिणिक्खमइ, पडिणिक्ख मित्ता मज्जणघरं अणुपविसइ, अणुपविसित्ता............भोयणमंडबे-जाव-णमि-विणमीणं विज्जाहरराईणं अट्ठाहियमहामहिमा ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |