Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 232

भरहचक्कवट्टिचरियं
१२१
वेयड्ढगिरिकुमारकया भरहस्स उवट्ठाणिया ५२० तए णं से दिव्वे चक्करयणे सिंधूए देवीए अट्ठाहियाए महामहिमाए णिवत्ताए समाणीए आउह-धरसालाओ तहेव
- जाव - उत्तरपुरच्छिमं दिसिं वेयड्ढपव्वयाभिमुहे पयाए यावि होत्था । तए णं से भरहे राया -जाव - जेणेव वेयढ़पव्वए जेणेव वेयड्ढस्स पव्वयस्स दाहिणिल्ले णियंबे तेणेव उवागच्छइ, उवागच्छित्ता वेयड्ढरस पव्वयस्स दाहिणिल्ले णियंबे दुवालसजोयणायाम गवजोयण-विच्छिण्णं वर-णगर-सरिच्छं विजयखंधावारणिवेसं करेइ, करित्ता-जाव-बेषड्ढगिरिकुमारस्स देवस्स अट्ठमभत्तं पगिण्हइ, पगिण्हिता पोसहसालाए - जाव - अट्ठमभत्तिए वेयड्ढगिरिकुमारं देवं मणसि करेमाणे करेमाणे चिट्ठइ । तए णं तस्स भरहस्स रण्णो अटुमभत्तंसि परिणममाणंसि वेयड्ढगिरिकुमारस्स देवस्स आसणं चलइ । एवं सिंधुगमो णेयव्वो पीइदाणं आभिसेक्कं रयणालंकारं कडगाणि य तुडियाणि य वत्थाणि य आभरणाणि य गेण्हइ, गिण्हित्ता ताए उक्किट्ठाए-जाव- अढाहियं-जाव-पच्चप्पिणंति ।
तिमिसगुहाहिवइकयमालगदेवकया भरहस्स उवट्ठाणिया ५२१ तए णं से दिवे चक्करयणे अट्टाहियाए महामहिमाए णिवत्ताए समाणीए - जाव - पच्चस्थिमं दिसि तिमिसगुहाभिमुहे
पयाए यावि होत्था । तए णं से भरहे राया तं दिव्वं चक्करयणं-जाव-पच्चत्थिमं दिसि तिमिसगुहाभिमुहं पयायं पासइ, पासिता हतुटुचित्त-माणंदिए-जाव-तिमिसगुहार अदूरसामंते दुवालसजोयणायामं णवतोयणवित्थिण्णं-जाव-कयमालस्स देवस्स अट्ठम भत्तं पगिण्हइ, पगिव्हित्ता पोसहसालाए पोसहिए इव बंभयारी-जाव-कयमालगं देवं मणसि करेमाणे करेमाणे चिट्ठइ । तए णं तस्स भरहस्स रणो अट्ठमभत्तंसि परिणममाणंसि कयमालस्स देवस्स आसणं चलइ, तहेव-जाव-वेयड्ढगिरिकुमारस्स । णवरं पोइदाणं हत्यारय गस्स तिलगचोदसं भंडालंकारं कडगाणि य -जाव- आभरणाणि य गेण्हइ, गिव्हित्ता ताए उक्किट्टाए-जाव-सक्कारेइ सम्माणेइ, सक्कारिता सम्माणित्ता पडिबिसज्जेइ-जाव-भोयणमंडवे । तहेव महामहिमा कयमालस्स पच्चप्पिणंति ॥
भरहस्स सुसेणसेणावइणा ससेण चम्मरयणनावाभूएण सिंधुनईसमुत्तीरणं ५२२ तए णं से भरहे राया कयमालस्स अट्ठाहियाए महामहिमाए णिवत्ताए समाणीए सुसेणं सेणावई सद्दावेइ, सद्दावित्ता
एवं वयासी'गच्छाहि णं भो देवाणुप्पिया ! सिंधुए महाणईए पच्चत्थिमिल्लं णिक्खुडं ससिंधु-सागर-गिरि-मेरागं, सम-विसम-णिक्खु
डाणि य ओअवेहि, ओअवेत्ता अग्गाई वराई रयणाई पडिच्छाहि, अग्गाई० परिच्छित्ता ममेयमाणत्तियं पच्चप्पिणाहि । ५२३ तए णं से सेणावई बलस्स या भरहे वासंमि विस्सुय-जसे महाबलपरक्कमे महप्पा ओयंसी तेय-लक्खणजुत्ते
मिलक्खु-भासा-विसारए चित्तचारुभासी भरहे वासंमि णिक्खुडाणं णिण्णाण य दुग्गमाण य दुप्पवेसाण य बियाणए अत्थ-सत्व-कुसले रयणं सेणावई सुसेणे भरहेणं रण्णा एवं वुत्ते समाणे हट्टचित्तमाणंदिए-जाव-करयल-परिग्गहियं दसणहं सिरसावत्तं मत्थए अंजलि कटु एवं सामी ! तहत्ति आणाए विणएणं वयणं पडिसुणेइ, पडिसुणित्ता भरहस्स रष्णो अंतियाओ पडिणिक्खमइ, पडिणिक्खमित्ता जेणेव सए आवासे तेणेव उवागच्छइ, उवागच्छित्ता कोडुंबियपुरिसे सद्दावेइ, सद्दावित्ता एवं वयासी"खिप्पामेव भो देवाणुप्पिया ! आभिसेक्कं हत्थिरयणं पडिकप्पेह हय-गय-रह-पवर-जाव-चाउरंगिणिं सेणं सण्णाहेह" त्ति कटु जेणेव मज्जणघरे तेणेव उवागच्छइ, उवागच्छित्ता मज्जणघरं अणुपविसइ, अणुपविसित्ता व्हाए कयबिलकम्मे कयकोउअमंगलपायच्छिते सण्णद्ध-बद्धवम्मियकवए उप्पीलियसरासणपट्टिए, पिणद्ध-विज्म-बद्ध-आविद्ध-विमल-वरचिंधपट्टे गहियाउहप्पहरणे अणेग-गणणायग-दंडणायग-जाव-सद्धिं संपरिवुडे सकोरंटमल्लदामेणं छत्तेणं धरिज्जमाणेणं मंगलजय-जय-सद्दकयालोए मज्जणघराओ पडिणिक्खमइ, पडिणिक्वमित्ता जेणेव बाहिरिया उवटाणसाला जेणेब
Fol Private & Personal Use Only