Page Text
________________
भरहचक्कवट्टिचरियं
णामेण य सुदंसणे परवइस्स पढमे चक्करयणे मागहतित्थकुमारस्स देवस्स अट्ठाहियार महामहिमाए णिवत्ताए समाणीए आउह-बरसालाओ पडिणिक्खमइ, पडिणिक्खमित्ता दाहिणपच्चत्थिमं दिसि बरदामतित्थाभिमुहे पयाए याबि होत्था ।
भरहस्स वरदामतित्थाणुगमणाई ५१४ तए णं से भरहे राया तं दिव्वं चक्करयणं दाहिणपच्चत्थिमं दिसिं वरदाम-तित्थाभिमुहं पयायं चावि पासइ, पासित्ता
हट्ठतुटु० कोडुंबियपुरिसे सद्दावेइ, सद्दावित्ता एवं वयासी"खिप्पामेव भो देवाणुप्पिया ! हय-गय-रह-पवर० चाउरंगिणिं सेणं सण्णाहेह, सग्णाहेत्ता आभिसेक्कं हत्थिरयणं पडिकप्पेह" त्ति कटु मज्जणबरं अणुपविसइ, अणुपविसित्ता तेणेव कमेणं-जाव-धवल-महामेह-णिग्गए-जाव-सेयवरचामराहिं उद्धन्वमाणोहिं उद्धृब्वमाणोहिं माइय-वर-फलय-पवर-परिगर-खेडय-वरवम्म-कवय-माढी-सहस्स-कलिए उक्कड-वर-मउड-तिरीड-पडागझय-वेजयंति-चामर-चलंत-छत्तंधयार-कलिए, असिखेवणिखग्ग-चाव-णाराय-कणय-कप्प-णिसूल-लउड-भिंडिमाल-धणुह तोण-सरपहरणेहि य काल-णोल-रुहिर-पीय-सुकिल्ल-अणेग-चिंध-सय-सण्णिविठे अप्फ़ोडिय-सीहणाय-छेलिय-हयहेसिय-हत्थिगुलुगुलाइयअणेगरह-सयसहस्स-घणघणेत-णीहम्ममाण-सद्दसहिएण, जमगसमग-भंभा-होरंभ-किणिंत-खरमुहि-मुगुंद-संखिय-परिलि-वच्चगपरिवाइणि-वंसवेणु-विपंचि-महइकच्छभिरिगिसिगिय-कलताल-कंसताल-करधाणुत्थिएण महया सद्द-सणिणाएण सयलमवि जीवलोगं पूरयंते बल-वाहण-समुदएणं एवं जक्ख-सहस्स-परिवुडे वेसमणे चेव धणवई अमरवइ-सण्णिभाए इड्ढीए पहियकित्ती गामागर-णगर-खेड-कब्बड तहेव सेसं - जाव - विजयखंधावारणिवेसं करेइ, करित्ता वड्ढइरयणं सद्दावेइ, सद्दावित्ता एवं वयासी
"खिप्पामेव भो देवाणुप्पिया ! मम आवसहं पोसहसालं च करेहि, करेत्ता ममेयमाणत्तियं पच्चप्पिणाहि" ॥ ५१५ तए णं से आसम-दोगमुह-गाम-पट्टण-पुरवर-खंधावार-गिहावण-विभागकुसले एगासीइपएसु सम्वेसु चेव वत्थूसु णेगगुण
जाणए पंडिए विहिष्णू पणयालीसाए देवयाणं वत्थुपरिच्छाए मिपासेसु भत्तसालासु कोट्टणीसु य वासघरेसु य विभागकुसले छज्जे वेज्झे य दाणकम्मे पहाणबुद्धी जलयाणं भूमियाण य भायणे जल-थल-गुहासु जंतसु परिहासु य कालनाणे तहेव सद्दे वत्थुप्पएसे पहाणे गम्भिणि-कण्णरुक्ख-वल्लि-वेढिय-गुण-दोस-वियाण ए, गुणड्ढे, सोलस-पासायकरणकुसले चउसट्ठि-विकप्प-वित्थियमई गंदावते य वद्धमाणे सोत्थिय-रुयग तह सव्वओ भद्दसण्णिवेसे य बहुविसेसे उइंडिय-देव-कोट्ठ-दारु-गिरि-खाय-वाहण-विभागकुसले । गाहाओ-इय तस्स बहुगुणड्ढे थवईरयणे परिंदचंदस्स । तवसंजमणिविठे 'किं करवाणी'तुबट्ठाई ॥१॥
सो देवकम्मविहिणा खंधावारं परिंदवयणेणं । आवसह-भवण-कलियं करेइ सव्वं मुहुत्तेणं ॥२॥ करेत्ता पवरपोसहघरं करेइ, करित्ता जेणेव भरहे राया- जाव - एयमाणत्तियं खिप्पामेव पच्चप्पिणइ, सेसं तहेव - जावमज्जणघराओ पडिणिक्खमइ पडिणिक्खमित्ता जेणेव बाहिरिया उवट्ठाणसाला जेणेव चाउग्घंटे आसरहे तेणेव उवागच्छइ।।
५१६ तए णं तं धरणितल-गमणलहुं तओ बहुलक्खण-पसत्थं हिमवंत-कंदरंतर-णिवाय-संवढिय-चित्त-तिणिस-दलियं जंबूणय
सुकयकूबरं, कणय-दंडियारं, पुलय-वरिंदणील-सासग-पवाल-फलिह-वर-रयण-ले?-मणि-विहम-विभूसियं, अडयालीसार-रइयतवणिज्ज-पट्ट-संगहिय-जुत्त-तुंब, पसिय-पसिय-णिम्मिय-णव-पट्ट-पुट्ठ-परिणिट्ठियं, विसिठ-लट्ठ-णव-लोह-बद्धकम्म, हरिपहरण-रयण-सरिसचक्कं, कक्केयण-इंदणील-सासग-सुसमाहिय-बद्धजाल-कडगं, पसत्थ-विच्छिण्ण-समधुरं पुरवरं च गुत्तं, सुकिरणतवणिज्ज-जुत्त-कलियं, कंकटय-णिजुत्त-कप्पणं, पहरणाणुजायं, खेडग-कणग-धणु-मंडलग्ग-वरसत्ति-कोंत-तोमर-सरसयबत्तीसतोण-परिमंडियं, कणग-रयण-चित्तं, जुत्तं हलीमुह-बलाग-गयदंत-चंद-मोत्तिय-तण-सोल्लिय-कुंद-कुडय-वरसिंदुवारकंदल-वर-फेण-णिगर-हारकासप्पगास-धवलहिं अमर-मण-बवण-जइण-चवल-सिग्धगामीहिं चउहिं चामरा-कणग-विभूसियंगे हिं, तुरगेहिं, सच्छत्तं सज्झयं सघंटं सपडागं सुकयसंधिकम्म, सुसमाहिय-समर-कणग-गंभीर-तुल्लघोसं, वरकुप्परं सुचक्कं वरणेमीमंडलं, बरवुरातोंडं, वरवइरबद्धतुंब, वरचण-भूसियं वरायरिय-णिम्मियं, वरतुरग-संपउत्तं, वरसारहिसुसंपग्गहियं, वरपुरिसे वरमहारहं दुरूढे आरूढे पवर-रयण-परिमंडियं कणय-खिंखिणीजाल-सोभियं, अउज्झं सोयामणिकणग-तविय-पंकय-जासुयण-जलण-जलिय-सुय-तो डरागं, गुंजद्ध-बंधुजीवग-रत्तहिंगुलग-णिगर-सिंदूर-रुइल-कुंकुम-पारेवग-चलणणयणकोइल-दसणावरण-रइयाइरेग-रत्तासोगकणग-केसुय-गयतालु-सुरिंदगोवग-समप्पभप्पगासं, बिंबफल-सिलप्पवाल-उटेिंतसूर-सरिसं, सम्वोउय-सुरहि-कुसुम-आसत्त-मल्लदाम, ऊसिय-सेय-ज्झयं, महामह- रसिय-गंभीर-णिद्ध-घोसं, सत्तु-हियय-कंपणं, पभाए
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |